諗住食完個飯就去睇人表演
點知一等就4個字
不過夜晚周圍都係咁所以就算

入到去坐低
落左單之後諗住留低一份餐牌睇下有咩小食可以再叫
個女侍應黎收餐牌個陣我"禁"住我面前個份,同佢講: 可唔可以留低一份?
佢堅持要收起我面前個份
之後打個眼色, 意思係叫我拎對面個份睇
我諗禮貌呢位女侍應完全冇

D野黎到, 個送菜既放左係枱既其中一面
但有D野食係好遠
食果個要自己伸手拎/我地自己係到傳
送菜果個完全冇意欲幫我地遞過去

其中我地有人叫左排骨拉麵
因為等左15-20分鐘都未黎又趕時間 就問一問個侍應有冇漏單(又開頭SERVE我地果位)
但佢態度奇差地話 排骨要炸 係要耐D架啦!

個麵D味其實真係一般
完全稱唔上係好好食
唔明下面點解咁多食評話好食!!!
真係相都費事影!!!!

絕對唔會再黎呢間!!

今日同朋友慶生
約得有D急所以求期搵間CAFE去
去左幾間都冇位/FULL BOOKING就黎呢間試

入到去唔洗等
我地3個人比左張好唔方便既枱我地
其中一個位係條柱黎
轉左張好D既枱但個waitress話遲D有人黎可能就要轉

坐低張枱比左2張餐牌我地
禮貌一般 態度唔算好差但感覺上唔想SERVE我地咁!
張枱痴痴地. 又冇話主動想幫我地抹下咁

野食味道真係不錯~
份量都OK
差在人手唔夠
想落單都叫左好耐...

因為咁我都唔係好想影相
只係可以話 其他cafe冇位又想坐下先好黎呢d!

第一次打食評
就係為左呢間女僕CAFE

今日為左朋友生日而上去呢間CAFE試下
因為佢話想試好耐

打電話去BOOK位
第一次感覺係禮貌一般
第2次打去問野 唔同人 感覺上好D
因為咁而冇話特別期待D咩

上到去個環境不錯 女僕見到我地就好有禮貌講歡迎光臨
仲有個執事係到做緊野
感覺幾清靜^^
係部冷氣機有D嘈

預左上黎呢種餐廳貴
但冇諗過係咁貴= =
佢地指定最低消費係一個套餐或者一杯野飲
見到餐牌 套餐價錢係由 83-99..
好在有下午茶套餐四十幾五十蚊
但因為係星期6/日/紅假又貴左幾蚊
叫特飲30蚊以上又補左D差價..
講真呢到唔係幾抵...

上野食同野飲速度真係嘛嘛
因為都係得2個人做野 算係差唔多
但個CAFE都有好多野玩同好多漫畫睇 再加吹水 時間都好好過朋友既野食黎到都冇咩驚喜
因為佢地嗌既係炸物
得薯條,麥樂雞,薯餅,腸仔其中2樣
同我想像中好靚個D有出入
但我叫既飛碟好靚好有心思 好得意野飲比想像中好飲!!
推薦朱古力雪香
我飲左5分鐘唔夠飲晒最後我地切CAKE
佢地好好地冇收我地切餅費
幫我地開埋盒
女僕仲同我地一齊唱生日歌
係幾開心!!

臨走仲同女僕傾左陣先走
係幾NICE

埋單四個人加埋二百幾三百蚊
對學生黎講幾貴
有錢又想搞下新意思係可以上去試下既!!