見到團購做緊優惠買黎試下，一行三人，首先一到即點刺身先，仲有壽司，不過壽司到哂，刺身都未到，心急死人！  火炙海鰻壽司都ok,刺身好正！特別係三文魚同帶子刺身，任食用大粒帶子唔係貝柱要讚！ 帶子好鮮甜好滑！
三文魚厚切大塊，口感好好！
甜嘏用人手起殻，任食埸黎講都算難得！只係可能我對蝦要求高少少，我覺得蝦雖大隻但無味。
火炙海鰻壽其司好香口，細細件，一啖一件！like！
其他食物都ok!

住呢頭，經常會落街揾食。

好耐之前已想寫食評了，終於有機會寫了。
最中意食豪大大既香香雞，不過呢度整得唔好食，員工態度唔好，每次話我想要即炸，佢都會話係岩岩炸起，有次企佢門口講電話十幾分鐘一路望住個雞粒，之後講完電話後同佢講要份即炸既得唔得？
佢又話係岩岩先炸起炸喎，佢(岩岩)既定義好廣，我費是出聲，情願之後唔幫襯算喇，想食就行遠d去家樂果邊果間豪大大。

其實因為炸雞微暖係真係唔好食架，炸粉又林左，雞肉又乾身左，唔係我特登想麻煩d員工。其實員工既做法會影響唒一間公司既品牌。好希望會有改善啦！

公司喺呢頭，所以間唔時都會同同事黎呢度lunch!

叉燒腸配藥膳雞腳$28,抵！同埋都真係幾好食架喎，藥膳雞腳個藥膳湯底真係唔錯！

本人最中意佢但牛筋！整得好林，食落感覺充足骨膠原咁！好幸福！
而家要一讚，佢地d牛筋處理得好乾淨！一條毛都無！有時一d地方食牛筋係有好多毛架！即時就唔開胃了，因果d毛又黑又粗又曲！
但呢度食過咁多次都無見過，相對地食得比較安心！

每次lunch平均每人$35,又坐得舒服！銅鑼灣黎講lunch平過好多地方啦！而且食物質素好好！
番上半場既侍應同部長都特別好人！好nice!

係番下午果個長頭髮既女部長定經理差d姐，又寸又無禮貌，每次埋單一句多謝都無，眼尾都唔望你一眼！too bad!!!

但平均整體黎講都好好既！

住附近，一向都有幫襯開呢度，特別欣賞佢地套餐有跟果個例湯好正，次次都唔同，但次次都好ok！
今日都係叫左鹽焗雞，雞嫩滑點沙薑非常正！
蒸大鱔其中的最愛！十次有九次都會點呢個餸！
炸大腸香口！配菜係酸羅白都幾好味，墊喺大腸底！成碟都食得！

中意呢度既原因係因為呢個價錢晚市間間酒樓都要啦，但呢度好食得黎最窩心既係佢有送埋盆例湯！對於我呢種都市人又無咩時間煲湯既人黎講係恩物！仲要唔係飲味精湯！
會keep住繼續幫襯！

頭先落街諗住買外賣上樓食，
再順便去貢茶買杯三兄弟啦~

上到屋一飲.........係無落糖漿既!
上次我去家樂坊果邊間貢茶同樣都係叫呢杯野覺得幾好飲！
其中仙草，珍珠同布甸比例都好平均〜
今次呢間除左無落糖漿之外仲要d布甸係唔容易察覺到其實佢有落架囉！
17蚊杯野，結果就好似喺d冰水裡面放左d涼粉粹同珍珠咁飲....
我無氣再落街換喇..唯有上黎寫佢！

呢間鋪喺地底~~所以平時行過左都唔多覺眼~~
但今次因為有人帶~~所以試下~~
首先要一讚既係~個場好大好闊落~~~有別於一般既茶餐廳~~~坐得舒服好多傾計都傾得開心d~~坐得耐又無人趕你走~~~而每個卡位仲有個細細既電視機~~利害!!
最初諗住咪又係茶餐廳~~
當日叫左個下午茶~~炸雞脾配沙津~~喺無咩人客既情況下等左10分鐘...心諗無人都要等咁耐?!
結果~雞脾到左一食就知點解喇~~原來係新鮮即炸！！由生炸到熟！因為咁樣雞脾肉先會有肉汁流出！！並唔係乾爭爭架!!!!!
呢間野真係有誠意!!!$28一個下午茶仲跟杯野飲!!
各位!!我掙扎左好耐上唔上openrice讚佢架!因為我怕自此之後我就要等位了!!但諗諗下..我又怕佢因為位置問題以至無人知佢無生意又會執笠...到時我連食都無得食!!
各位!!呢間298係我真心推介!!^_^

其實不嬲都有食開一壽司既黑夜時段..不過係旺角新世紀分店..的確要讚下！佢地既三文魚刺身真係成塊扒咁一啖塞滿左個口既感覺的確真係好正！！口感方面真係贏左唔少行家！
但自從新世紀鋪搬遷之後..琴日就黎左雅蘭分店..雖然見到好多食評都話呢間麻麻..但就因為自己未試過又死不心息..況且之前新世紀店真係ok.!!!就即管試下..服務態度唔見得差..但速度的確比較慢..再講刺身..三文魚無喺新世紀食咁厚..口感差左少少..甜蝦刺身d肉爛唒既..明顯地..師傅技術唔夠..
再黎講我最愛既焦糖鵝肝壽司..竟然放錯左辣粉喺面...真係人都癲！
在於有以往既比較之下..的確令人失望..

我真係忍唔住要特登入黎提醒一下大家唔好試！！
上個星期，我見飲食訪問佢地..先知道佢搬左鋪！
之前有食開佢地個筋腩河覺得ok~~
搬左鋪之後！我試過佢地個$32既豬腰粥~無味既~~食海皇粥店or海景粥店都無咁嬲！賣得呢個價錢！我真係唔知佢地個賣點係乜囉！！
Ok!!有人話豬腰粥唔係招牌野！今次就試下你個招牌雲吞麵！
都係無味既！！！
真係嬲到我要即刻放低對快子黎打呢段野！！
其實整得唔夠出式真係唔緊要~~咪收平d囉~~
材料又放唔夠！錢又唔係平！！呢下先嬲丫嘛！！
我以後唔會再幫襯！亦都奉勸各位唔好試！！
真心！！真係唔好試！！

咁既價錢有咁質素！我俾個good佢！d店員態度又好~~二十幾蚊既常餐~~做得好有心！坐得耐又唔會趕人走~~唔錯唔錯！特別要讚佢個太陽蛋個蛋黃係熱之餘又無爆架~我食過唔少茶餐廳都做唔到！師傅有心機！