朋友仔係芝士怪魔，見有團購，20蚊當45蚊用，見幾抵，買左兩張
雖然之前成日經過，但荃灣有其他好野食，加上呢度成日都唔見有人幫襯，於是一直拖...拖到剩返幾日就過期

今日買左兩次，每次用一張

第一次買薯芝波($20) 芝士脆脆($22)
薯芝波一份四粒
只食到薯蓉味，同面頭芝士粉既味
初時諗住係入面有芝士，點知食落無(或者有，但唔覺)，失望
芝士脆脆的確脆，外表金黃色，不過條條都燶味

第二次買 肉腸濃芝多士($20) 芝士脆脆($22)
肉腸濃芝多士原來只係一片普通方包放芝士肉腸再拎去焗
份量同預期之中比較少，但三樣食物之中已經係最有芝味(但其實都唔太滿意)
芝士脆脆無再食，希望唔會再有燶味

朋友仔同事上星期給了兩張今天到期的$18團購卷
事前上OR，見評價不錯，還暗喜這次有美味免費餐
卷上列明必須前一天致電預約，但打去時卻說不用

六時多，甫進店，櫃檯小姐查核團購卷後即問我們要甚麼飲料
同時，店內只剩下兩張空檯，櫃檯小姐帶領我們到只夠容納4個女性的一張
並要我們坐在同一邊，因為必須要搭檯

坐下不夠3分鐘多士奄列來到
多士厚且軟綿，不脆，全無烘烤跡象，但神奇的是邊位卻又明顯焦黑
牛油輕輕一抹，若不是看到丁點兒的淡黃色，真懷疑自己是否在啃白麵包
奄列是全餐最好的一味，蛋汁雖少，卻有微微蛋香
火腿份量不少，惜白灼後完全無味

吃了大半，侍應送上兩杯熱檸茶熱奶茶
檸茶可算是這輩子最難喝了
澀得過分，甫入口即皺起雙眉

與此同時，櫃檯小姐帶了兩男搭檯
正如先前所說，張檯只能勉強容納4個女性，加之天寒地凍，人人穿著厚衣，兩男當然想另佔空檯
但事情豈能如意，兩男只好乖乖塞進小檯，如情人般肩並肩腿貼腿

食肆為求賺取最大利潤，當然想多擺放幾張檯，於是檯面自然愈小愈好
即使我同朋友仔快快了結多士奄列，再拿走餐牌架調味料，2碟4杯4碗亦只能勉強擺下
還要心驚膽跳對面的口水男隨時送我幾點口水沬
若是店舖已滿，搭檯是無可厚非，但既然有空檯數張，兼且近廚房一邊的4人檯比近窗邊(即我們那邊)的大
為何偏要像大陸校車般
原因大抵是我們4人太年輕，懶得當面投訴，始終面子重要嘛

再後來，侍應送上雞翼即食麵

團購卷和食評不是說明有羅宋湯蕃茄湯可選嗎?
先前見侍應不問，還以為最後一天人多，只剩下一款未能選擇
怎會想到送上的竟然是味精湯底
但太多不滿了，只想快快離去
加上這是免費餐，以及最最最重要是怕廚房加料
也懶得探究

餐牌雖說是公仔麵，但個人認為似大光麵，口感麻麻
兩隻雞全翼放在湯麵上，吃得好不方便，瑞士汁亦被沖淡

本來團購是廣告以外的一個吸納新客源好方法
不過這次經歷似趕客多
至少我同朋友仔以後都不會再光顧

黑醋sakusaku雞肉漢堡
炸雞頗厚，生菜絲亦爽口新鮮
酸酸甜甜的汁黑醋很適合夏天食用，可以增進食欲

金平牛蒡珍珠堡
可能食物來到時只顧先吃炸物，再打開包裝時
已見珍珠米已焗得有點濕，加上今次的牛蒡不夠乾身
吃完後見包裝有很多牛蒡汁

摩斯雞塊
曾經係某討論區睇過一段片，講述雞塊係用雞皮雞骨肉碎整成
平常快餐店食既比較結實，一點都不覺得有雞皮雞骨
但MOS雞塊比較鬆，反而有video給我的感覺
每次食都係即叫即炸，熱得燙手
今次無

厚切薯條
仍然外脆內軟，可惜流量不夠快，有部分已開始柴皮

忌廉栗米湯
同平時超市買回來的味道不一樣
不知是否用粟米打碎再製作成湯

凍檸茶
一般，檸檬只有薄薄的一片

$28 單球、$38 雙球

師奶性格的我當然毫不猶豫會選雙球
可是愛美食更愛健康的朋友仔用他的眼神瞄我一眼
只好硬生生將喉嚨中的「雙球」吞嚥，苦澀無奈的吐出「單球」二字

包裝很美，簡單之餘又型格
快快的影相，深怕手中熱力融化雪糕

很濃郁軟滑哩!!
強勁的朱古力味，可可純度應該頗高，甘味比甜味重
極合曾經愛吃86%朱古力的我

裝修很簡潔，大愛!
只有兩張中式椅，還要面向走廊，應該是裝飾用多於讓客人坐下吧

下次再來買個蛋糕

長崎雜錦拉麵
有迷你蝦、小魷魚圈、椰菜塊……也足夠分了四小碗(用那裡的碗)
好多酸薑粒，匿埋係拉麵之間，難為了極度厭薑既朋友仔

成吉思汁風野菜燒牛肉
牛肉就是肥牛，只有寥寥數塊，大約4塊吧
再加同樣很少既青紅椒洋蔥，每款配料應該佔整個既七八分一吧
連加一超過$50，超級不值

和民沙律
明明應該沙律最先上
但竟然係入座超過一粒鐘，食完其他，一而再再而三追了又追才有
都估到係漏單，但唔好應承我地三分鐘出到，結果等至少十分鐘
菜類不太新鮮哩!不少都圍了黑邊，份量比以前亦少了，但反而盛載既碟就愈來愈大

漏單嚴重，唔止我地，隔離檯同樣有咁既情況，一樣話好快出，點知出極都無

牛奶抹茶雪糕沙冰

抹茶味不濃，沒有了應有的甘苦味
奶味頗濃郁，甜度十足
幾乎蓋過了抹茶味
不合我口味呢 我喜歡濃濃的抹茶味喔

反而底下沙冰有驚喜
有茶香，解渴良品
下次單點沙冰就夠了

可能過江龍拉麵店既威力太強，即使開店超過一個月，仍然吸引無數人前往朝聖
不過都好，至少我可以乘機試試其他早就想試既人龍店
其時正值一般打工仔既痛苦星期三既lunch hour，門口居然只有一個單位等候中

石燒汁燒雞扒手打烏冬
可能石窩實在太熱，烏冬近乎淋
個人認為吉野家既烏冬質素同呢度差唔多，但價錢比得多
湯底又沒有什麼特別，食麵前飲一啖就沒有再飲了
唯一可讚就是食送
雞扒嫩滑，菜苗清新

石燒吉列豬扒手打烏冬
吉列豬扒另上
鬆化，不過真係好油
朋友仔將吉列豬扒放在汁燒雞扒既汁上點一點汁，醬汁即時浮了一層油
另外沙律醬好杰，好難點

大概以後都不會來了
食物普通
環境普通，位太逼，冷氣又不夠，尤其是四周都有發熱石窩包圍著
更何況要排隊先有食

係咁多間快餐店入面，吉野家算係品質最好，性價比較高
不過呢間分店好怪，竟然無大menu，只得細細張傳單，好唔環保

魚子三文魚飯
明明食一小啖三文魚刺身都作嘔既我，自從朋友仔上次分一啖我試之後
竟然愛上了三文魚鬆無左三文魚刺身陣油腥味

和風牛肉飯
好似愈來愈細碗，當下午茶食就得
以前牛肉是鋪滿飯面，而家就只得一半
牛肉汁亦少了很多，要拎五味粉才可勉強食完成碗飯

本來去左同區一間豉油西餐廳食扒，不過阿姐服務太差，入左去都走返出黎
轉戰呢度，當時將近七點食飯時間，估唔到只有幾檯人客，很幸運地坐了近窗卡位

要了一個套餐:
餃子羅宋湯、青口、黑松露牛面頰肉意大利飯、心太軟、檸茶
另加烤雞凱撒沙律

餃子羅宋湯
朋友仔飲，我無試
見到餃子有四隻，體積亦不算小

烤雞凱撒沙律
夏日炎炎，胃口一大，最好就食個輕怡清新既沙律
菜頗新鮮，最怕食到已有黑邊既菜
只係烤雞有點鞋

青口
加了咖哩汁，微辣
很普通，沒什麼好吃不好吃

黑松露牛面頰肉意大利飯
牛面頰肉軟熟鬆軟，近乎入口即融
大概黑松露是個綽頭吧，看不到，嗅不到，也吃不出

心太軟
不太熱，但很流心，甜度適中，亦不會太膩
單以心太軟比較的話，平心而論是很不錯，但還是同區的sugermama好，因為人家真的做到外層很脆而又沒有裂開
雪糕是椰子味，不太對口味，還是雲尼拿較好

檸茶
一般

服務非常之好
每樣都一道一道地上菜，讚
疑似老闆/經理很細心，周不時拎碟俾我地分菜

上海炒年糕
最愛的上海菜之一
年糕非常QQ，又不黏牙
配料亦不少
不過食到尾，碟底令立立

松子炒飯
之前好多食評都推介，一於試下
好不幸，有陣鑊焦味，感覺麻麻

蝦餃
可能需求不多，流量慢，明顯發脹
幸而未至於難食，就是很一般

小籠包
皮雖薄，但易穿
上檯時四個已有一個流汁，另一個夾上時亦穿了個咕窿

四寶滑雞扎
朋友仔想食鮮竹卷，可惜是日停售
一籠兩件，一件朋友仔一件就係朋友仔細佬
聽說都是很普通

鮮竹牛肉球
比一般酒樓較好，至少不是粉團，尚有牛肉味