大食小天使 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2019-02-14
新春時間莫過於約好友飯聚 今次簡選了新開張的申子,裝修簡潔舒服,啱晒一年之始飯聚。 打開餐牌燒物選擇最多,我們簡選了沙律,申子丼,蟹粥,燒飯團,天婦羅烏冬,天婦羅盛,燒芝士山藥,燒雞軟骨,燒甜薯,燒雞翼,燒粟米,燒豚肉車厘茄,燒新鮮菠蘿,免治雞肉棒,免治羊肉棒,免治牛肉棒…… - 申子丼,用了日本米及蛋,看似簡單但將蛋白分開打到定形,食時將蛋黃放上令整碗飯即時有畫龍點睛感覺。必食推介 - 燒飯團,餡料有得選擇梅子,三文魚同蟹肉,由於三文魚沽清,簡選了蟹肉。上枱時會俾日本蛋黃加在飯團上一齊進食,入口即感覺外脆內軟,面頭蛋黃汁剛好令飯團生色不少。必食推介 - 吉列豬,表面睇係平常食開貨色,但食左發覺真係估佢唔到,外面炸粉唔係厚厚炸皮,內裡豬肉夠嫩及易分開唔會食到硬柴,必食推介。下次要試埋加芝士 - 清酒煮蜆,蜆肉肥美冇沙,湯底有濃郁清酒,比起以往食過的有水準,必食推介 - 雞軟骨用新鮮雞軟骨,比平常食的較軟及鮮味 - 新鮮燒菠蘿甜度剛好,必食推介 - 天婦羅盛,事源叫左天婦羅烏冬覺得天婦羅要再安哥所以決定要叫個天婦羅盛。天婦羅盛有蝦,金菇,蕃薯,茄子,天婦羅醬汁清甜,天婦羅炸粉唔係厚厚的,又保存到食物原味。必食推介 - 蟹粥,新鮮蟹肉,粥底好綿。 - 燒芝士山藥(應該係咁叫)好特別 - 免治雞肉棒,雞肉很鮮甜嫩滑忘記了沾醬汁食,但冇沾醬汁都可以秒殺,亦都係必食推介,是日免治牛肉棒沽清,要等下次先可以食到。 - 而其他燒物及沙律都不過不失 - 雞翼燒耐左有d乾 總結食完全餐味蕾大滿足,而且點解比以往外出食同樣食物,今次唔會有口渴不停要飲水嘅情況,應該是良心食店用了尚好食材及不添加味精原因。 推介美食: 吉列豬,燒牛舌,燒菠蘿,申子丼,天婦羅
評分: 味道 4 環境 4 服務 4 衛生 4 抵食 4
2010-01-19
多美意的蛋糕與麵包真是有質素的, 因本人至少一星期光顧一次, 但在上星期發生此事情後真是要重新考慮是否仍是多美意的粉絲. 事源一月份真是個好日子, 大部份朋友及家人都生日, 我在1月11日就向多美意訂左2個蛋糕, 因為之前我都在此有訂蛋糕有底單, 所以就可以訂蛋糕有9折了,當日訂的蛋糕分別是會在1月16日拎同1月21日拎, 每兩個蛋糕當然也有9折.到了昨天我又到多美意訂蛋糕, 而此蛋糕是要在1月17日拎的, 我就同店員講之前訂了兩個蛋糕有單的是否有9折, 我拎回1張1月16日的底單給他, 他在廚房內找回1月16日他們留底的單講此單已用在1月21日的訂單, 因我手上沒有帶1月21日的訂單, 便同店員講1月21日的底單現在不在我手上, 可在1月16日拎蛋糕時給他再做回折扣, 該店員就回覆你向1月17日拎蛋糕時給我1月21日我給你折扣. 我付了訂金後, 該店員就對我講下次你唔好咁插單就唔會咁亂, 我即時反應當然回覆我係突然要訂蛋糕又諗起你多美意先來訂, 我唔係想來插單令到咁混亂. 此店員即時只是笑口沒有回覆, 當我踏出此餅店後心想為何賞識你餅店而且重要一星期訂三個蛋糕也要有此服務態度對待. 希望該店不只對食物質素有要求, 對員工服務質素也有要求.
2007-03-02
在3月1日晚上與一班朋友在詠黎園食飯,可能抱有太大冀望,所以失望而回.一行9人食1個6人餐加3個餸, 在落單時已經同伙計講會再加餸,佢重不停講"個餐唔夠食, 你地9個人叫個12人餐".我已經不停講會加餸,唔知係我太細聲定係佢太專心自己講.到上菜因為重有朋友未到但D餸好快擺滿枱,個D伙計見到成枱餸都冇話要唔要蓋保溫,於是就請伙計用蓋蓋住D餸保溫,終於可以開餐啦!整體食物味道一般.食完見到枱都重有餸,伙計就又話"駛唔駛加餸",老友有眼見成枱餸食唔晒重問駛唔駛加餸,一定係口頭禪,我就只好答唔駛啦! 而餐單如下: 6人餐菜單-冷盤(墨魚/冇骨鳳爪/海哲/熏魚),莞茜魚湯,咸肉津白,五柳魚,香酥鴨,西芹蝦仁,擔擔面(6碗),高力豆沙 加餸-紅燒茄子,炒尢物菜,一口鍋貼 如果再搵地方食飯,一定唔會去個間.
評分: 味道 2 環境 3 服務 1 衛生 3 抵食 2
|