漁之部屋 (將軍澳)

自己生日想請屋企人食番餐
見同事分享開話依間唔錯
決定就BOOK位試試

首先位置黎講確實有D僻
但僻都有僻嘅好可以無咁逼
不過同事話星期五六日都會好多人
想試就注意番

首先必需提提大家佢個放題係包埋酒精飲品
我覺得淨係依一樣野已經超值
始終出面好多差唔多價位而又做放題嘅都未必包酒精飲品
要飲酒仲要加幾十蚊
除咗酒仲有D特飲俾大家選擇
真心唔錯！





刺身新鮮
我叫咗三ROUND三ROUND都非常新鮮
有時出去食刺身
頭兩ROUND OK到第三ROUND就會有骨
但今次一條都無 證明師父非常細心
蟹腳其實勁新鮮
不過略為有D麻煩
如有埋鉗俾大家或者師父做多少少功夫
大家食得方便D會開心D





燒烤
鯖魚 雞軟骨好妹味
不過個雞翼略為淡
應該係未醃或者醃唔夠耐
不過所有野出到黎都係熱嘅
燒番薯仔都好正夠甜
食到咁上下叫番串都錯





壽司唔會大大夠飯塞飽你
用料新鮮之餘仲要有海膽+三文魚子嘅選擇
好味





燒蠔
本人唔食蠔
不過聽屋企人講好妹味
叫咗兩隻佢都一個人食哂就知係正嘅

甜品方面估唔到有水玄信餅
無落黃豆粉
不過就用咗黑糖
而且佢仲會俾你每人ORDER一個MOVEN PICK或haagen dazs雪糕拎走
俾你食足兩個鐘
WAITER態度200分咁好
成件事真係超值
超級推介大家！！

The Pink Pig Music Bar and Restaurant (長洲)

一場來到長洲，當然要周圍走走，看看有沒有特色食店！
路過此店，淨係門面都好有渡假FEEL
「不如試下啦！」咁就入咗去喇！淨睇MENU好似無咩食咁
不過無論係MOCKTAIL定咖啡
都係不錯選擇！自己就選擇咗一杯好濃橙味的，
長洲咁熱，飲番啖又甜又FRESH的飲品，
MATCH得黎真係好舒服，真係好醒神！
老闆同老闆娘都係年輕人~
整間食店一睇就知充滿佢地既STYLE
牆上亦都咗部份相做裝飾
咁花心思，真係唔錯！講到食物一定要提水牛城雞翼
望落去，炸雞翼啫無咩特別
咁你就太天真喇！淨係個醬已經令件事唔同哂！
酸酸甜甜真係好惹味！
就算我有位唔食辣的朋友都讚好味！
加上係香港好難再有既「即叫即製」，噴住煙咁出黎，
諗起都想番長洲食多次！

仲有炸魷魚配墨汁Aloli~
當魷魚配上依款醬，進一步提升咗魷魚的鮮味！
而且唔似街邊咁包咗厚到喊既炸粉，
好特別好味！而且切咗一小片檸檬，想傳統食法亦都ok！

薯角亦都配咗三款唔同汁！
茄汁、牛肉濃汁、松露白汁
三款唔同醬滿足唔同口味！
鍾意清新口味的可以選白汁，配合到夏天feel；
鍾意重口味既可以選帶有洋蔥既濃汁，
小朋友、老人家或者專情傳統既當然可以keep on茄汁，
不過就算茄汁都唔似係老M牌~大家自己試試啦！

寬條麵真係勁香芝士味！
而且焗完出黎真係辣口，大家真係要小心睇熱！
滿滿肉醬，唔係出面咁求其兩啖就算，
真心抵食！

如果再入長洲一定再去支持！！

超級自助壽司店 (牛頭角)

想不到能在香港吃到居酒屋的味道


之前跟朋友路經此處
礙於外觀,暫且放棄。
今晚一個人的晚餐,決定一試!!


所有食物果然即叫即製
所以要耐心等待
三文魚剌身非常鮮甜
仲以大量冰粒墊底
確保衞生


壽司都一樣
三文魚的紋理非常清晰,質素奇高!!!


串燒熱辣辣,雞皮仲燒到非常香口!!


值得再來

日航咖啡室 (尖沙咀)

日航酒店自助餐的話
大家也會認為刺身是重點吧?!
不負眾望的刺身真的是非常新鮮
有獨特的鮮甜味
無論是鯛魚、三文魚或吞拿魚也一樣
而且厚薄適中，不會切得太厚或薄得有點小氣
我自己也食了三ROUND

要推介一下日本壽司米
大家可根據個人喜好選擇配料
然後自製一碗屬於你的魚生丼
配料亦會定時添加和更換

西冷牛扒
薄、有肉味
不會燒得太熟亦唔會太生令大家不敢吃
加上燒汁真的很好吃！

芝士類的食物也非常推介
真的很濃郁的香味！

最後要說說甜品
朱古力味的甜品，如大家不太嗜甜
不太建議大家試吃。
不過焦糖燉蛋的甜不會太過份，確實可以幫到大家清一清味蕾
畢竟吃了一頓飽飽的午餐
不過一個心太軟要等四分鐘以上…
確實不太化算

無限大 (九龍灣)

第一次來拉麵champion,
真的希望香港能多一點這類主題式地方。
其實這種形式在日本已盛行很久。

第一次嘗試無限大的拉麵, 但早已聽聞。
湯底真的很濃郁, 但又不會感到油膩。
配上無限大特別製作的圓形大叉燒,
幼身, 有咬口的麵條, 芽菜等配料……
真的食指大動!!

茶水是獨立一個櫃台的,
裝潢也非常帑力營造日本的感覺!
非常用心, 抵讚!
一定會再去