Bostonian Seafood & Grill (尖沙咀)

秋天正是食生蠔的季節，蠔迷的我可以放肆地吃個夠
位置於尖沙咀朗廷酒店地庫，沿著棗紅色地毯的樓梯向下走，餐廳裝修得很優雅，牆壁以紅色為主，掛滿當代知名中國藝術家的畫作，現場還有live band演奏，在這間充滿藝術氣息的餐廳用餐，可以一邊享用美味食物，又可一邊享受生活藝術~
Sunday Brunch是半自助餐的（$408），頭盤是自助，主菜及甜品可自選一項，如要任飲香檳的話另加$200，單杯$180，我當然選任飲啦~
坐下不久，侍應就奉上熱辣辣的麵包，外脆內軟，塗上牛油份外美味，這種麵包是我最愛食的法式傳統麵包，可是我不敢吃得太多，因為還有很多美食等著我我喜歡先食沙律，選了不同的沙律菜配意大利酸醋汁，沙律配料很新鮮，還有新鮮的蘑菇片及原條粟米片成表面的一大塊粟米粒，比較少是這樣，一般都會用罐頭粟米粒而不是這種新鮮原條粟米，很難得~頭盤選了幾款，由於是自家制煙三文魚，有幾種不同口味，我選了原味，很好，不會有魚腥，只得三文魚的魚香，巴馬火腿也不錯，充滿咸香，是只欠缺蜜瓜，美中不足，前菜最好食是Brandy Infused liver terrine,充滿酒香，又有鵝肝香味，上面還鋪上一層酸酸地的啫喱，與剛剛送上枱的麵包一起食簡直係絕配壽司吧有太卷，加州卷及魚生壽司，雖然選擇不多，但也很新鮮~
輪到我的最愛「生蠔」，今天有兩種生蠔，來自法國的Fine De Claire及來自紐西蘭的Coromandel，由於生蠔是即開的所以放在冰上的生蠔數目不多，但是開蠔的師傅會不斷添加，不會有那種要等的情況出現，這樣才能吃到是新鮮的生蠔!
我首先吃了4隻Coromandel，很甜，很creamy，加少少檸檬汁及食蠔用的醋味道更佳，我比較喜歡吃鮮甜的生蠔~然後再試4 隻 Fine De Claire，法國及澳洲的蠔很多都是偏咸，海水味重，但蠔味也重，不過今天的Fine De Claire偏小，不夠咬口，而且我也不太喜歡偏咸的海水味，所以只吃了4隻就繼續吃Coromandel了，一共吃20 隻生蠔，十分滿足，嘻嘻繼續作戰冷盤海鮮，這餐雖然是Sunday Brunch但絕不欺場，龍蝦、大蝦、翡翠螺、青口、長腳蟹蟹腳、枇爬蝦及小龍蝦也一應俱全，真可惜肚子位子有限不能一一試食~吃了冷盤海鮮再配上香檳，真的是錦上添花，我不太認識香檳的種類及牌子，但友人是酒癡，他說這個牌子不錯的，喝了兩大杯！鴨肝也是我今次之行的另一目標，煎至乾身後放在已烤到脆身的多士上，多士是法國長麵包切片再烤的，鴨肝的油香滲入多士中，真的十分美味，媲美鵝肝今天只吃了兩件，因為已經有飽飽地的感覺了，略嫌煎得不夠外脆內軟~
我曾經最高紀錄是吃了9件鵝肝，可想言之我有幾愛鵝肝呢~
熱盤有芝士焗蠔，蒜蓉焗蠔及一些精緻的小食，選擇不多~
主菜是牛扒，侍應奉上四種不同芥末選擇，牛扒有點韌，叫了七成熟，但是感覺似九成，有點過熟，牛味不夠，只是很普通的貨式~反而伴碟的餃子皮煎得很香脆，味道不俗~另一主菜是煎雞胸，雞胸煎得剛剛好，完全不鞋口，仍保持雞的嫩滑，只可惜不夠味，很白切雞感，醬汁做得又不好，點了來吃也不覺得份外美味！還有點雞腥味，所以只吃了一半...
伴碟的是粟米粒炒蛋餅，粟米很甜，蛋也很嫩滑，充滿蛋香~最後是甜品，這一刻的我真的很飽了，由於甜品是跟餐選的，有大概5至6種選擇，叫主菜的同時order，朱古力香蕉布甸超好味，暖暖地，內有朱古力蛋糕、新鮮香蕉及用蛋做成的熱布甸，正呀~另一甜品是蘋果批，好甜！真的很甜，做法是傳統英式蘋果批，蘋果肉充滿肉桂香，我很喜歡肉桂的獨特香味，配蘋果做蘋果批一流~這間餐廳的Sunday Brunch真的不錯，有五星級酒店的服務及裝修，最重要是不用排隊取食物，食物質素也ok，大家可以一試~

牛大人台灣火鍋吃到飽 (尖沙咀)

鐘意食火鍋程度真係好高，麻辣湯底X牛肉更加係我最愛，今次黎試下牛大人，企係門口一邊選湯底同套餐已經聞到陣火鍋味，最後揀左澳洲極上和牛($298) 既食到飽套餐。



湯底當然選擇麻辣湯，辣度可選大、中、小。
坐低後，即刻走去攞野飲，好多款冷泡茶，最後一次過攞左三款試飲：洛神花茶、白桃烏龍同埋桂花烏龍，三款都好飲夠濃夠茶味，下次要試埋其他。攞完野飲當然係去攞醬料準備開餐用。
見到有種洋蒽牛肉醬，試左用佢黎點牛肉又真係幾正。



講下牛肉先呢個餐有太多款牛肉，上腹牛五花、安格斯特選牛板腱、安格斯牛小排、手切封門柳……….(未能盡錄) ，每一款都叫左一碟試一試，之後當然係主打澳洲和牛M5牛肩卷。
澳洲和牛M5牛肩卷，牛味較重，食落有口感；另一款我食左幾次就係安格斯牛小排，雖然較腍，但入口夠油香。仲有每位送左2粒澳洲M9和牛牛丸，牛味又真係較普通牛丸重。



牛大人用app點餐，唔同配料分晒種類有埋相，除左主打食牛，試埋其他配料

海蝦(肉質夠實) 、脆肉鯇(新鮮爽脆) 、沙白(大大粒無沙) 、干貝鮮魚漿同澎湖花枝漿(鮮味口感未有想像中彈牙) 、豬五花片(唔榎帶少肥膏) 。

除左用app點配料，仲可以去自助配料凍櫃，攞蔬菜類、丸類……



正餐食飽飽就念起甜品，侍應會遞上一張甜品紙，每人一份限定甜品，有幾款Movenpick雪糕同台中仙草凍。
見有特別甜品----台中仙草凍特色野，當然要試一試，有花生粒、紅豆、椰果、仙草，凍凍地又有不同配料甜度適中，最適合食完麻辣火鍋既結尾。

神燈海鮮酒家 (佐敦)

夜晚佐敦收工，搵下有咩食既期間，見到呢間個名幾特別既酒家，又見到門口特色小菜介紹，就入黎試一試。

餐牌上有個「環球三蝦祭」，就叫左其中兩個：「星洲麥皮蝦」同「法式蜂蜜芥末蝦球」。呢兩味蝦確實有驚喜，「星洲麥皮蝦」用原隻大蝦(唔係蝦仔^^)、「法式蜂蜜芥末蝦球」就用蝦球(唔係蝦粒^^)，所以食落d蝦既口感係爽口彈牙、實肉有鮮味。
雖然兩味都係蝦🦐🦐🦐但食法完全唔同。



「星洲麥皮蝦」原隻大蝦配上麥及蛋炒埋，食落口有少少奶油味又加上有麥皮既甜香，口感脆香，但記得趁熱食，放耐左麥皮就無咁脆口。



「法式蜂蜜芥末蝦球」蝦球被薄薄既炸漿包住，再配上特製既醬汁。雖然醬汁有芥末，但不會嗆喉，加上蜂蜜既甜，有種微酸帶甜既感覺。



「鮮沙薑豬手粒」豬手切成細細粒，一口一粒，特別之處係用上鮮沙薑帶出沙薑味而不是比碟沙薑醬你點，所以沙薑味更香更有新鮮感。


「神燈小炒王」除左有豬板筋、四季豆、腰果、蝦乾，仲加左馬蹄同埋油炸鬼，油炸鬼十分脆口，馬蹄又夠爽甜，而加埋少少微辣，鑊氣夠加上口感非常豐富。



「即燒古法金錢雞」傳統懷舊菜式，瘦肉、雞膶，肥豬肉串成，即叫即燒，雖然有一大舊肥肉，但配埋柚子汁後，油膩感減去，多一份甘香。值得一試既傳統懷舊菜式。



「水煮魚」較為失色既菜式，香辣味不足，使用魚塊鬆散欠鮮味。再食神燈，一樣美味

2DP (尖沙咀)

每逢初一十五我都會茹素，尖沙咀很多間素食都食過了，這間是我食得最多次的~
餐牌選擇很多，小食🥗意粉🍝pizza🍕漢堡包🍔都有齊，最重要甜品都有好多選擇，好適合幾個女仔飲下咖啡☕️食下小食甜品🍮

今次叫咗泰式生菜包🥗all day breakfast 🍳
同埋仲有漢堡包🍔因為只得兩個人，唔敢叫得太多嘢食怕食唔晒~

泰式生菜包味道清新，加咗香料嘅味道幾好，但係素肉略鹹~


All day breakfast 🍳 有幾款選擇，每款選擇都唔錯，每次來都唔知揀邊個好~

最鍾意都係素肉漢堡包，仲可以加好多唔同配料，例如牛油果同埋新鮮燒菠蘿，加咗真係好味好多㗎🍍🍔🥗

飲品除咗一半嘅咖啡☕️茶🍵之外仲有好多特色沙冰🍹呢杯沙冰好好飲菠蘿加熱情果Perfectmatch，天氣咁熱啱晒🍹



總括嚟講值得推介👍🏻👍🏻👍🏻

Ambrosia Oyster Bar & Grill (尖沙咀)

位於Isquare 28樓，觀景和環境都很好，望住海景午餐感覺很悠閒寫意。
頭盤每人有3隻生蠔，感覺新鮮，只略咸。
由於是半自助，頭盤及甜點可以自取，但當我走向bar枱時，看到食物真的很少，很失望😞
有一盤麵包，但是硬到完全咬不到，像石頭，第一次用石頭來形容麵包😂
然後到律法，只得三款，一是青椒黃椒橄欖，二是只得生菜，三是KFC的酸菜沙律，就是這樣😔到冷盤也是選擇很少，明明上網看到有很多選擇，根本不是那回事，得南瓜蓉放在青瓜上，小杯是蛋沙律，下面是前青椒，蕃茄芝士及芝士塊😞到熱盤也只得三款，紅酒煮牛肉，稔到不似肉類😓中間是炒雜菜和炸雞，繼續失望下去😓
沒想到過是這種質素，真的很差！
到甜點看一下有沒有想吃的，選擇真的很少又不吸引，選了杏仁餅，一點都不脆😒再試小蛋糕，又濕又甜，唉！沒心情了😰😰😰

主菜也一般，炸牛仔肉，還以爲在吃炸豬扒，又薄又硬，像吃牛肉干😂
燒羊扒的格格位置有燶味😰
買叫了春雞，除了太嚡之外沒有味道😣
説真的，環境及服務都很好，但食物質素真的很差！
還了加價差不多$350一位，真的不值！