龍鳳冰室 (大坑)

因為名星效應被帶來，門面十足電影版懷舊冰室。大大隻字，座位只有二事個左右。

食物總類主打茶餐路線，炒蛋火腿厚多士、瑞士雞亦意粉。炒蛋尚算滑溜，但所有食品無難度無特別可言，凍飲加三元；一個無特別茶餐收$53元實在不值。

還有芝士薯條$5x,火焰雪糕$12x,紅豆冰$38。食物普通之餘價錢亦算不值；至於服務簡直是零分，有不少人忍唔住未食就＂較腳＂。散慢無heart無服務！

文輝墨魚丸大王 (銅鑼灣)

數下手指都可能有５年冇黎過文輝食野，近期過番多左CWB忽然就好掛住佢。得半個鐘時間食野，急急叫左我最喜愛既紫菜墨丸河‧
唔洗五分鐘就已經有得食，墨丸一如以往的好，超彈牙而墨魚味十足。紫菜份量大減有D可惜；河粉配上大量呷醋，酸may may 正！

實說論墨魚丸真係冇一間比得上佢，另外佢地既香矛豬扒亦做得相當唔錯，香矛味超香，豬扒亦夠晒腍。推！

Triple O's by White Spot (沙田)

過開沙田做野順便可以去試下Triple O, 開左咁耐話食話食都係未食過。病左成個星期實在唔應該食D咁肥膩既野食。
今期佢地既新Promotion 蝦堡真係好吸引我，但為左對佢既第一印象公平D我都係叫左佢地出名既磨菇漢堡。一打開個包就跌左條酸瓜出黎，真係嚇一嚇我幾驚係小強。再睇個包既外型，實在係有d失禮；好似扁左既奶油豬咁。食落都真係似腍左既奶油豬皮，蘑菇份量唔少冇菇水味，牛肉亦夠Juicy加埋溶晒既芝士同有少少蕃茄味既Sauce；配搭一流 ~

漢堡黎講佢對得起自己既價錢，總好過好多百幾蚊個又麻麻地既Burger~

Buono Italiano (旺角)

女大街旁向來多食市，從沒想過會有法國菜吃。廚窗放著一隻廿多吋的美腿，太吸引我了！
全黑很Raw的石屎＂樓平＂配上暗黃吊燈，情調還可以。九時入坐都有八乘客人，set dinner 大概HKD 100~200之間。這裡特別是有生蠔order，HKD30~40隻非常合理。

最後Order了一個蟹肉Risotto 及 Angus sirloin .
餐湯南瓜蠔肉忌廉湯：南瓜香甜而不太over，蠔肉沒有腥而很有蠔味；沒想過這配搭是那麼好。
另一款是蔬菜清雞湯，真是太清了；感覺是高湯加菜罷。
前菜：魚子鮮蝦焗蛋，賣相跟一般cream brûlée 差不多，可能是因為內裡有海鮮，時間用多了老了一點點：味道是不錯的，可以嫩口點就好，呵呵~
另一款是Parma ham 沙律蔬菜加西瓜蜜瓜配上重口味的Prama ham，好吃！
主菜蟹肉Risotto 蟹肉份量多絕不欺場，飯帶一點點硬度，有"趙"口。
Angus sirloin order了 medium ，生熟度控制得不錯牛的味度不算太重，肉質腍而不鬆。
美中不足的就是套餐不包甜品。

這個價錢絕對是物超所值！

時新快餐店 (紅磡)

今日到紅磡整頭，當然順道吃一吃出名的時新漢堡。裝飾方面是８０－９０年代的快餐店格局，椅子是不能轉的膠椅，都幾迫。與友人叫了２個包：雙層芝士蛋漢堡　＄１７　及魚扒包＄１３。因為太多人買的關係是要等叫飛，而叫飛是電腦化的，不用在窄少的門口等待。

大概等了十分鐘終於有得吃，雙層芝士蛋漢堡味道真的不錯，是手打的肉團（可能是機，不過一定不是像Ｍ記那些現成品）而且有少少沙拉汁的味，很合我口味～Yummy! 至於魚扒我覺得比較薄，不過友人說味道不俗。另外看到炸雞脾薯條的賣相都很好，下次一定要再試。

價廉物美，就是這樣！讚　～