久別鳥羽大半年、良友相約、再到於此
印象中此店略細、地方窄小、一排滿佈清酒木牆、簡潔整齊佈置、全木裝修極富有日本居酒色彩
今次一行四人被安排到清酒木牆邊的圓枱、而地方比以前更為狹窄、不規則飯枱偏排有如茶餐廳佈局(又有直又有橫又有圓又有方)可能店方想安排放多幾個位、此一來一間簡潔整齊特色小店就消失左、另一印象深刻是一位經常面帶笑容靚女待應、可惜已不復見、現在已換上一群木口木面木無表情的全男班待應、多次舉手示意才有反應、加茶時看見我朋友的骨碟滿如金字塔亦不會主動替換、今時今日0既服務態度
難得去到當然要食佢招牌菜、、手羽先唐揚、、全部中辣炸得略乾、反而我朋友話炸得香脆送酒一流、其他食物如下:

刺身沙律 : 唔夠凍、味道酸酸甜甜好味
鮑魚刺身 :原來得兩隻鮑魚仔、甜甜地夠淋身非常入味、一讚
腐皮溫泉蛋 :腐皮脆蛋溏心、好味
吉列佐賀串 :炸得比較乾
燒鱸魚 :肉質嫩滑、燒得夠香面層有七味沙律醬
燒牛舌 :爽口口感一流味道適中
燒雞皮 :乾到似張紙、食左一啖
燒雞軟骨 :夠香口夠膽
鰻魚飯 :食法特別、加湯食好味

整體食物水準唔錯、由其鰻魚飯食法特別、第一次食加左湯既鰻魚飯、或者叫鰻魚湯飯、呢個食法令到燒鰻魚無咁熱氣同一D都唔腥一絕
同場加映.....一老一少待應係場中鬧交、食咁耐飯都係第一次
以服務水準態度今次應比個喊面、不過食物加回不小分數ok啦

已年多沒有到壽司廣進餐、今日朋友提議到壽司廣晚飯、一早訂位壽司吧已滿唯有坐table、可能星期五關係、黎到壽司廣當然食魚生壽司為主、order 了 toro、hamachi、牡丹蝦、北海道海膽、鮮帶子、象拔蚌、池魚等...

hamachi 非常新鮮肉質通透食落口居然爽口
牡丹蝦 鮮甜好味size 又夠大
北海道海膽 超鮮甜無苦味 good
toro 全日主角肥美油份高脂肪分佈平均、略有小根當然要食肥toro又點會無根、小根可以接受
貝殼類 非常鮮甜爽口

食完魚生壽司後整多個tempura 同冷麵、tempura炸得酥脆絕無多餘油份值得一讚
年多沒去所有野保持得好好、唯一保持唔到既係價錢 (一次貴過一次)、但同區中質素對比絕對屬於出色、絕對可回味再回味、不過要帶定多D銀兩

今次都係一家大細、一行六人其中一個四歲一個二歲、預先打電話訂位、三歲以下免費、8:00去到時即有位唔洗等、可能依家D日本菜因為輻射問題小左人幫襯、坐低左待應講解得好清楚可以食幾耐、顏色紙代表邊一種食物、不過要自己寫番抬號、食物選擇多、但剌身種類比較小、填完紙仔後比個男待應、佢望一望跟手比番張紙仔我、用非常差既態度同我講寫番抬號呀)....嘩你乜態度呀幫手寫一寫唔洗死呀....咁既服務態度真係、入完紙後終於有野食..先番串燒再黎炸野食晒都未見有剌身出、於是追追個待應、等左一陣終於等到、食晒熟野先食刺身都係第一次、唯一最正就係罐裝啤酒任飲、食物質素如下:
刺身 : 三文魚ok 新鮮、甜蝦同隻筷子一樣幼、立魚急凍貨唔食也吧
炸物 : 炸定又凍又淋
串燒 : 可以由其羊扒正、聽講老細係做串燒出身、但若即燒熱D仲好
和食 : 都唸唔到有乜好食
湯 : 一個好似叫魚翅湯既野、出奇地勁似街邊碗仔、又出奇地好味
雪糕 : 多種口味、最正朱古力曲奇
飲品 : 柚子茶..等等ok好飲、我當然飲啤酒啦

埋單時只收四位大人、連四歲果位小朋友都無收、問番個待應、佢話係呀小朋友無收你
整體不過不失、若你唸住勁食串燒勁飲啤酒的話可以講句抵食、始終百幾蚊有飲有食算係咁啦

事隔半年，再次幫襯Paul Lafayet，但地點已有所改變，它們終於開了分店，位置在銅鑼灣的皇室堡內，地方也比以前大了不少，起碼座位數目是以前的幾倍，哈哈，但其實都只是十個座位左右，這裡除了蛋糕外，還有coffer & tea，買完蛋糕後，可以坐下慢慢品嚐，閒時又可以嘆杯afternoon tea，寫意人生。
來得這裡豈能錯過法式焦糖敝蛋，那軟滑無比的蛋，有濃郁的雲尼拿香味，面上舖有一層不厚也不薄，恰到好處的焦糖層，味道更上一層樓，可以說是香港no.1都唔誇張。
檸檬撻富有檸檬香氣，而且酸酸甜甜，口感清新，唯獨是上面的蛋白粒比預期想像中甜了少許，但整體做得非常好，最憎有檸檬苦味的撻。
Orange & Coffee Cake那個金字塔型的形狀，十分似一個變了形狀的新高梨，一切下去，裡面分開幾層，現在才知道橙色與咖啡味原來可以這麼配合，有勁香咖啡味之餘，一絲絲的橙味不斷滲出。
最後，還買了我至愛的Apple crumble，這個簡直是我食過最好食的，因為好多地方，都將青蘋果轉做紅蘋果，失去了爽脆的口感，另外，這個是要酸酸甜甜才好味，不應過份甜到溜，有地方將紅蘋果配上士多啤梨果醬，食一啖已經放棄，面上那些牛油酥粒才是美味的根源，富有勁重的牛油香，而且十分鬆化，一咬即碎，配合酸甜的蘋果醬，正好減少了那份甜到溜的感覺。

復活節假期一家大細去食自助餐.最後揀左九龍酒店、當然同區有好多選擇.、比佢平又有比佢好都有、只係睇左open rice介紹食評ok同有85折coupon download .最仲要係六歲以下小朋友免費、一家大細慳番唔小、食物平均可以但唔特出、話晒若正價要成$448
食物如下:
龍蝦仔 : 超硬無肉食灼蝦好過
生蠔 : ok...但要開聲問佢拎先有、但每次只可拎兩隻、問佢點解佢話:每次只可拎兩隻等你盡快進食保持衛但家都估到佢用意
長腳蟹 : 開始時拎左一碟晏D想再拎時已無晒、又問佢幾時會有佢答:師傳整緊遲小小會有、但到走時都未見過佢拎出黎
冷盤 : 灼蝦、青口新鮮鮮甜ok
熱盤 : 唔錯食得下比起其他自助餐出色、起碼有味道
甜品 : 又係唔錯多D款式仲正、Häagen-Dazs雪糕正
整體可以如果可以出多D長腳蟹 同生蠔仲正

從雜誌廣告得知呢度有日本放提食,價錢唔係貴同時老人仲有優惠. 一個月前已經BOOK左位05/JAN(18:30). 但一個星期前睇到以下既食評唔好既多過好.唔多唔小有些影響,真係有D擔心,雖然擔心但點都想試下係咪咁差勁.但結果沒有領我們失望. 我地一行11人有大有細18:15到場. 門口個侍應一睇到我手攞住生日蛋榚立即笑笑口上前幫我攞走放入雪柜,係呢度佢同你切蛋榚仲唔會收CHARGE. 可能時間尚早,個場唔係咁多人.心想唔係冇人黎食呀!..點知有4個客人WALK-IN入黎,個好似經理打呔既男人同佢地講唔好意思今晚個場FULL左,如果冇BOOK位就招呼唔到. 我仲聽到佢打電話比過左booking時間既客人.問佢地黎唔黎,其中一個客應該唔黎. 佢同個客講:唔緊要下次再book過...多謝!

我地係食野前唱生日歌同切蛋榚,個侍應提議不如先切完蛋榚但到最後食,怕我地先食左蛋榚冇咩胃口食唔到太多野.佢呢度侍應既服務十分好,好笑容多謝前多謝後, 食完好快同你收碟,唔洗叫,自動自覺同你加茶,ORDER食物好快送到.唔覺有咩食物走單未到. 鐵板燒食物ok呀,不過d魚生頭一round唔係好新鮮.

我覺得可能上兩個月真係有d服務唔好既侍應係呢個場做.但今次真係feel唔到.可能冇做or比公司抄左.呢度雖然冇5星級既食物,但有5星級既服務.我會再返黎食..