之前見到KOL吹奏呢間野，咁就抱住一試既心態去食，KOL話官網訂位有75折，我早幾日係官網做左會員訂埋位，但酒店完全無打過黎confirm booking。 到食個日，我地食到一半，職員無啦啦埋黎問會用咩優惠埋單，咁我好聲好氣問：係咪官網訂座有75折？個職員面無表情，態度不太好咁話：人地一早網上買飛先有75折，唔係你無啦啦黎食，話有就有。 咁我聽完無言，準備照比正價，個職員突然又話：你自己上eshop睇下有無飛賣囉，有咪做比你囉個75折！ 即係咁，我都係好奇問下係咪好似個KOL講既咁，官網訂位有75折，無咪比正價囉，又唔係R著數，更加唔係比唔起錢，做咩咁既態度對我姐？ 其實75折都係平個一百幾十，洗唔洗咁既態度呀？ 其實比700幾800蚊一位既價錢黎食自助餐，都唔算話係好平，就算真係有折，都要比600幾蚊接近700蚊一位，呢個價錢黎食飯要受你氣，你地酒店真係檢討下啦！ 講完職員態度講返食評： 食物質素普通，種類款式無KOL講既咁多，主打龍蝦唔新鮮，泰式主題但食物無泰國風味，係港式泰菜，味道真係好一般，冬陰功湯麵得個辣字，飲唔出冬陰功味，烤西冷生到咬唔入，已調味的煙三文魚有怪異臭味，講真唔係針對佢職員態度衰就寫衰佢啲食物，係真係麻麻地！ 唯一一讚佢個花生蛋糕，口味好特別，算係唔錯！ 食完返到屋企，我地成枱人都又痾又嘔，職員態度衰已經一肚氣，仲要食到食物中毒，真係好無奈！ 以下係食物圖片，當晚影既，比大家作參考。

看到網上某報社的報導，得知店主是法國藍帶學成歸來，碰巧經過觀塘，便來試試。 千層蛋糕每件三十多元，味道算是對得起這價錢，但細節做得不夠仔細，我食的是伯爵茶味千層蛋糕，可能當日天氣很熱吧，蛋糕一上來是暖的，而不是想像般那麼冰凍，千層蛋糕裡有很多的伯爵茶葉，吃完後整個口裡都是茶葉，伯爵茶葉又細又碎，我好幾次差點被茶葉嗆到，茶葉太苦澀，個人認為味道真的麻麻，如果抱著普通蛋糕店的心態去試會覺得可以，但如果抱著法式藍帶餐廳的心態去試，對不起，我吃不到法國的味道

呢間野食到我肚痾...我好少上黎打劣評...但真心唔想再有人中招.....食物評論： 蝦餃有酸味，同阿姐講，無人理 再搵個第個員工講，佢話唔計蝦餃錢，換左張單比我地，點知個阿姐又走過黎問我地係咪食左啦籠蝦餃？講到我地好似食左霸王蝦餃咁...已經一肚氣....然後......燒賣有怪味....藥膳棉花雞無中藥味得酸味.....春蛋燒賣又咸到隻蛋唔知醃左幾耐....陳皮燉雪梨得個甜字無陳皮味....得個豬仔流沙包過得去....收6蚊茶錢但得一大煲同人共用既無味茶 本來想息事寧人，少少怪味酸味唔新鮮又唔係收得平都想由佢，但我食完回家竟然肚痾...所以決定上來唱衰佢！各位勇士，唔怕死又想瀉下清腸胃而且唔介意佢貼錢買難受的，點點心將會是你最佳的選擇

成日覺得西九美食廣場入面卧虎藏龍，有好多又平又抵又好食既美食
網上睇到介紹而得知呢間喇沙專門店，42-45蚊包埋野飲，其實真係好抵。
講返重點，喇沙湯底真係無得輸，濃香椰汁味襯托下帶有絲絲辣味，而且飲得出陣陣蝦乾味，真係好鮮甜。
老實講係香港食得喇沙都係唔辣既，我又未去過馬拉，未食過正宗既喇沙，所以佢正唔正宗我真係唔知，但真係好好味而且豬排大大塊，食得出有醃過，而且配菜有半邊烚蛋，沾上湯汁黎食，夾到無朋友。略嫌麵底太淋，但都無影響我食慾，我飲哂佢成個湯底，飲完都唔會口渴，証明無味精。
同行朋友就試冬陰公湯底，我飲左佢一啖湯汁，比平時泰國菜既冬陰公多左陣香味，比較特別，而且冬陰公既配菜有蔬菜，感覺好健康。
不過話明係喇沙專門店，你話我先主為主又好，點都好，我都係會話呢度既喇沙湯底比較出色
附上試食照兩張：

今天男友百無了賴說想喝咖啡，在友人推介下來到了這間名字特別的Soulmate coffee。

由於位置在工業大廈內，又沒有招牌指示…所以它的位置比較難找，但在工業大廈停車埸門口飄來陣陣咖啡香氣，於是便憑著這氣味而找到這店舖了。
一進店舖，店主便熱情款待，而且細心地介紹本日蛋糕及咖啡有什麼可選，我和男友都選了巧克力蛋糕，而咖啡我選了Cappuccino，男友則選了Lattle。店主還親切地問我咖啡裡要不要加入糖或可可粉及玉桂粉之類的去調味，我要求加入糖和可可粉，落單後，店主還遞上雜誌給我們，讓我們在等待的時間裡不會太苦悶，這真是十分體貼的一個行為。
不消一會，蛋糕和咖啡已到，蛋糕的巧克力味道十分恰當，而且內裡有巧克力軟心，蛋糕口感軟滑，十分美味。
而我的那杯Cappuccino，用貓貓咖啡杯盛載著，實在太萌了！咖啡的氣味嗅起來十分像拖肥糖的味道，喝下去也有這種味道。但香甜的拖肥糖味道下，還夾雜著一絲苦澀的香濃咖啡豆味道！這味道真的令我的靈魂騷動了一瞬間。
用餐完畢，店主還熱情地介紹了剛才為我們沖咖啡的咖啡員給我們認識，這是一間色，香，味俱全的咖啡店，而且距離我家亦不遠，有空我一定會再光顧的！
Soulmate coffee，這名字真是改得好！

茶木真係一間會令人食上癮既餐廳!
呢篇食評係綜合左我咁多次食茶木既經驗濃縮後再評論!
基本上,茶木既食物質素真係唔錯,但服務員既質素就有待提升啦,雖然行出行入都會有店員機械式咁用普通話講"歡迎光臨"...但入座後,想搵個店員落張單或者FILL下水都難
因為試過有次坐最入既卡位,台面細所以唔會好似出面D卡位咁桌上有一樽清水供你自行FILL水,而且想搵店員落單時發現,竟然無店員經過,後來等左15MINS,見有人行過先落到單,但基於我幫襯餐廳,著重食物質素多過服務質素,所以咁少事當然唔會令我BLACK LIST茶木啦!!
講左咁耐,係時候入正題,個人認為茶木最值得推介既食物有:      

芒果蜜糖磚塊:一大球沾滿芒果糖漿同棉花糖既芒果雪糕下,係一層放上芒果粒既忌廉同早已切好並烘脆左既蜜糖磚塊...好味得黎,唔會太甜.....個人認為係咁多款蜜糖磚塊中最好味既一款...如果閣下係無甜不歡既人,建議選擇巧克力蜜糖磚塊...因為係咁多款之中最甜既一款!豬軟骨手作麵:豬軟骨入口即溶又入味,手作麵煙刃好味,湯底有好濃烈既牛肉味,如果你將呢碗豬軟骨手作麵當做牛肉麵咁食,個觀感就FIT哂啦凍摩卡:實物同MENU圖完全一樣,絕無欺埸!味道都唔差,所以絕對抵飲!茄汁大蝦手作麵:茄汁中有香草味,大蝦爽口,台灣手作麵以西式方法烹調,有創意又好味!白汁煎鱸魚手作麵:白汁有香濃牛奶味,鱸魚大塊又香口,台灣手作麵以西式方法烹調,有創意又好味!另外以下呢兩款就....
不過不失啦!總括黎講,茶木係一間會令人食上癮既餐廳!

見到有其他食家評論此店的芝麻糊太杰同唔夠熱，我想為佢平一平反！
話說琴晚收工後突然好想食芝麻糊，自細就鐘意食芝麻糊既我，已經好耐無再係外面食過芝麻糊，因為坊間好多糖水店都已經再整唔返以前細個係舊式茶樓食到個種既有香濃芝麻味，又濃杰適中既芝麻糊！
於是琴晚一收工，就同男友落荃灣食飯兼揾芝麻糊食
開頭我地去左一間附近有兼賣糖水既粥店度食芝麻糊，碗芝麻糊我食左2啖就放棄左，因為真係好難食！
之後嬲嬲地就拉住男友黎幫襯阿玉豆花啦！ 因為之前試過呢間既豆花，覺得味道唔錯，所以今次決定試下佢d芝麻糊！
講真，$15得一碗仔芝麻糊，係貴左d, 但係佢d芝麻糊食得出真係用黑芝麻磨出黎，而且濃杰適中，真係值賣得咁貴！
我男友本來話好飽唔食糖水，但佢試左啖我碗芝麻糊後，都大讚話好味，而且夾硬分左我半碗黎食，可見此店既芝麻糊威力有幾大！

這間不起眼的咖啡店,我每天在附近上學放學途中,總會看到它的招牌,但沒有一次能夠悠閒地走進店裡試試它的咖啡,今天湊巧和男友經過,於是便拉著男友進內試試它的咖啡了!

男友選擇喝他最愛的摩卡,而我則選了平常在連鎖咖啡店沒有提供的IRIS COFFEE!

IRIS COFFEE上的拉花很可愛,一喝下去,陣陣椰香味傳遍我整個口腔,很清新的感覺,不錯不錯!

但男友的摩卡,苦澀得令人卻步!連我男友都受不了它的苦澀味!雖然我曾經吃過99%的純可可巧克力,它的味道的確是和這杯摩卡的苦澀味不相伯仲,但是我還是比較喜歡甜味重一些的摩卡!

此店咖啡的價錢比起連鎖咖啡店的咖啡比較便宜,所以不失為一個好的選擇!

契妹生日，點名要試呢間野，唯有一行四人星期日7pm左右黎排隊等入座，大約等左45分鐘先有得入，入座後即時點菜，上菜速度正常，但d菜色味道就有點名過其實，價錢偏貴，如果要食韓國野，不如去尖咀條韓國街隨意揾間餐廳好過，起碼味道有韓國特色過呢間排哂長龍既餐廳。

從哥哥口中得知在佐敦的恆豐中心開了一個屬於香港的拉麵橫町
自去年從北海道旅行回來後,我一直對日本的拉麵念念不忘,聽說這裡每一間拉麵店也是從日本來的過江龍,我當然要來會一會它啦!!!
我今次選擇了吃超男的辣味豚骨拉麵!在櫃面前站著一位日本店員,用純正日語及英語接待客人,他令我感覺到自己好像身在日本旅行
點菜後,店員會給你一個傳呼器,這做法跟日本完全一樣!!!當食物弄好後,傳呼器便會響起!
當我到櫃面拿食物時,那名日本店員依舊笑容可掬地用日語和英語對我說謝謝光臨和提示我可以在旁邊拿一些調味料!
老實說,一拿到拉麵時,我真的被它的"芽菜山"嚇著了!
它的湯底認真夠辣但略嫌有點油膩!麵條屬於粗麵,咬下去的質感像吃"油渣麵"中的麵條般!
它那塊豚肉瘦得可憐!!!
總括而言,噱頭大過味道!!
味道不算難吃,但跟日本吃到的味道不一樣!
如果像我那樣,想來這裡懷緬一下在日本旅行時的感覺,倒是一個不錯的選擇!