一心諗著買蝴蝶酥，所以一入去便先試食了3款蝴蝶酥。試食第一塊一個金啡色頭髮的女店員已企在我側邊不停掃我因試食而跌落地的餅碎，試食第二款已問我睇arm邊款，又再掃一次地（難道試了2款，一定有一款合我口味？）試第三款就話等佢幫我拎。到比錢買了第三款時問佢D酥可以留幾耐，佢望都唔望你去答你，說話態度又寸寸地。總之成個感覺就好似不歡迎試食咁，但明明就是自助試食區。這服務員的態度真的趕客。
話説回來今次買的黃金亞麻籽蝴蝶酥味道不錯，習香、甜、脆於一身。食物質素不容置疑，但服務就真係有問題，希望店主能正視一下！

今日下午走過英華台，見到有新餐廳，門面又幾特別，於是便決定入內一試。

老闆娘很親切，一入門口便用一口流利的英語又歡迎，又介紹。好可惜，我不懂英語，不過，老闆娘見我只說OK，OK，她便醒目地自動轉台，用回廣東話。

問老闆娘有什麼好東西吃，她便指著餐排說：這一個美式漢堡吧，是我店的主打，很好吃的，要試一下嗎？

見老闆娘那100分的笑容，又見價錢不貴，只＄68元，便叫她給我一個吧。食物還未送來時，老闆娘又走過來告訴我，原來她們的牛和豬肉，是全由美國入口，沒有任何激素，和化學成份；她又強調她們的牛肉牛味重，入口柔軟，味道不錯。經她一講，心裡不禁懷疑，因為這個價錢，很難令我信服這是全美國用料，但她己成功在我心裡製造了一些對那漢堡的期待！

大約十分鐘後，食物來了。首先，賣相不錯，薯條金金黃黃，芝士軟黃慾滴。還未入口，我已聞到很香的牛肉味。但是，當我把面包拿起，發現面包太林，不太喜歡這感覺。不過，不要緊，因為漢堡的靈魂是牛肉。就如老闆娘所說，牛肉的確十分可口，牛味不但重，入口十分柔軟，味道一流，可比中環和山頂一帶＄150元的美式漢堡！的確，香港和中國的牛是不能有這牛肉的香味的。

離開時，我跟老闆娘說我很滿意妳們的漢堡，只是那個面包太林，她說只要我滿意就好了，至於那個面包，是香港的嘉頓，她們也不太滿意他們的面包，現在在尋找其他面包公司，希望可以快些找到。她還介紹我下一次可以試下她們的水牛雞翼，因為她們的雞翼，都是用美國正宗水牛雞翼汁炮製。我跟她說，我不久後一定會再回來試。

裝修古老懷舊, 坐升降機時有如進入了時光隧道…
今天第一次來, 叫了:
牛肉球: 味道好!
雞紮: D 汁好味, 豬皮較硬但入味,芋頭好粉呀!但叉燒超咸!
雞球大包: 好興奮,我們都是第一次食, 又估唔到咁好味喎, 好大個, 有雞, 鵪鶉蛋,內臟,豬肉等等, 包內仲有大量肉汁, 總之味道有D 似菜肉包咁啦!
排骨:好多骨碎, 我諗佢無洗過, 味道都好味但太油!
肉絲炒麵: D 全蛋麵幾特別, 以前從未食過, 有D 似伊麵但硬身D, 成碟野本身無味, 但點了隨碟附上的辣椒醬併芥末醬,都算有返D 味, 不過都油油地!
整體來說雖然伙計同呀姐不多, 但全部服務都幾好喎, 不過他們是不會換枱布的, 而且唔係所有餐具都清潔, 仲有人食煙tim! 我想我們還是試一次便算了!

睇完醫生便行去佐敦這甜品店買芝麻糊回家食.第2之食了,芝麻糊甜度適中而且只是$14(外賣再加$1),甜度真係值得一讚(不太甜), 好arm我呢D就生嘅大肚婆食呀, 因為之前食”日清”加埋水都超甜呀…

好耐無去過了, 好掛住呢間餐廳嘅環境同裝飾,有昏暗的環境, 古堡大吊燈,溫暖的牆色同油畫,感覺去如了外國, 好舒適浪漫的一個環境, 去一次便愛上了!
今次再去, 2人點了:
Classic pizza: 香草好新鮮, 仲有鮮茄,鮮磨菇,芝士,肉碎等等, 好外國的味道與份量(超大size)初初見到都嚇了一跳, 食落唔錯,係個批邊較乾同脆, ,熱氣小小!
2個人食, 連同餐前那藍麵包, 食到呆晒!
美中不足嘅係,就算我飲完柸熱水好耐都無人幫我加水, 當時不是太多人, 但就不斷幫客人加凍水, 後尾頂唔著叫佢比瓶熱水我自已斟, 感覺上服務欠熱誠同細心……

今日终於試左芝士7重奏喇, 想試好耐架喇, 多謝好友Anna，今晚特意放工入天水圍為我預祝生日, 叫了:
2 人套餐包括芝士7重奏配新鮮車厘茄大蝦普通批一個,卡邦尼意粉, 2個湯及2柸飲品.
個批: 芝士好香好惹味，其中一種芝士好咸（比我挑走左）,但因為用上了千島沙律做醬料, 令整體感覺不會膩, 總括來說係好好味呀!
羅宋湯: 好淡, 無味
意粉: 不過不失
熱檸水及熱檸荼，檸檬新鮮而不苦，而且無限ｒｅｆｉｌｌ

今日同老公食過, 確實有點失望, 本來一心想食松葉蟹鍋拉麵, 但去到至知月底才會返貨, 仲要得10隻蟹…老實說心裡真的有被騙感覺…在此想奉勸各位食家如想食松葉蟹鍋拉麵, 請先致電店家問一下……
結果點了:
叉燒烏冬: 叉燒是瘦叉燒, 外皮有明顯燒過的痕跡, 有小小燒過的香味; 烏冬像噹噹烏冬吧, 一定不是手打了, 個湯根本無味!
八王子拉麵:個湯油左小小, 又係有叉燒, 溏心蛋唔錯但不特別, 由於不夠飽, 所以追加多一個麵(是免費的, 都幾大個麵),這個味道算OK吧!!
至於服務:於未追加拉麵時確實好好，　叫了追加後，　就連水也不想加給你！

今日老公同我預祝了生日, 點了:
焗肉醬茄子千層麵（牛肉）:味道濃得黎不會嗆喉, 可能是用上了茄子, 令感覺不膩. 個人更喜歡於食時再加上芝士粉令到整體味道更添上了咸香, 好好味呀, OR食家們果然無騙人!!
德國腸併盤: 都有好多條, 其實不太認得邊條打邊條, 只記得波子腸皮好un,芝士腸就好膩, 另外有條無味,有條好油, 有條重黑椒味……
再加上餐前2個麵包點油同醋，好飽呀！！
順帶一提星期日,是沒有午餐的！另外再加一！

這一間水準一向穩定(其實個人來說做得最好的是沙田分店吧)，無論Mushroom Burger或BC Burger一樣好味，今日仲將個Mushroom Burger餐加錢轉了Orange Juice,好多果肉，酸酸甜甜咁好醒胃呀！(唔知會唔會係鮮榨的呢?)
不過今日老公叫了原味漢堡，材料有新鮮生菜蕃茄同漢堡扒，論味道一定不及其他款式漢堡了，但佢話都ＯＫla…

今晚同老公食左:
石頭鍋牛肉飯, 牛肉甜甜地,仲有波菜,翠肉瓜絲,紅蘿蔔絲, 大豆芽菜,生雞蛋, 個石鍋好夠熱,飯又多, 味道真不錯(當然不及喺韓國時食的咁好味) , 只欠一點點顏色.
辣炒魷魚飯(呢個係老公食), 佢話好惹味,辣辣地又甜甜地, 除了魷魚,仲有洋蔥,紅,青辣椒等等,又係好多飯, 可以連後來我食唔晒比佢的飯都撈埋汁食埋...好少見老公食得咁狼架
總括來說: 價錢合理,好味道,好有韓國feel,不過老公話佢食完都有口渴的感覺, 同埋waitress係會喺你食完野仲飲緊野時趕你走的...