超級伏！🤬 第一碟嚟鹵水鵝都叫合格。 但後面上嘅菜不知所謂，食食下吾忿氣都要影低告知大家。 我潮州妹由細到大未食過咁難食嘅煎蠔烙！又實又乾又厚，仲要燶嘅！ 方魚炒芥蘭就一灘水😒，菜有菜烚，方魚好似放上去裝飾咁。 蝦蟹棗全冇味道，仲竟然配碟泰色酸甜醬上，咁仲算吾算係一間潮州酒家！？ 糖醋麵煎到乾爭凈 同部長投訴碟煎蠔烙，佢地仲好似好平常啫，收少碟錢就當冇事，一d都冇檢討心態 註：我全單照俾，只怪自己以為飲茶ok 就晚飯會正常 係我揀錯！團年飯食到一肚氣！

酒樓晚上6點營業，我們是第一批客，亦即時盡快落單。成晚酒樓多位服務員態度惡劣！問心食材味道不差，可惜因是晚經歷絕不會再光顧。 1. 我們取票四位同時入座，枱面只有3份餐具，便叫服務員加多一份，但回應是返被投訴我們沒說四位，當然得欠一份，還黑著臉給我碗筷 2. 我們叫三個餸，10分鐘左右先來牛柳粒，但之後的灼蝦和蒸魚竟要等咗成粒鐘！ 其間曾找多位服務員追單 一位説：你張枱不是我的，你找其他人 其他人只說追緊、追緊⋯ 之後的男服務員還說蒸魚還要等多10分鐘，問我地要唔要。叫客人等咗成個鐘先問要唔要，是何安排？！ 結果灼蝦需時40分鐘！蒸魚需時1小 時！

朋友成日同我講呢度嘅豬潤通非食不可，久久想試都冇時間，因為平日6點就收，星期日又休息
的起心肝星期六特登過來，下午2點幾排了10人咗右，老板在門口招呼客人落單，未食先要讚，老板很有耐性講解套餐內容及介紹，又提出option 俾客人豬潤通
豬潤爽滑，薑絲湯好味友人order 咖哩豬扒飯，OK 啦，汁少咗d見到對面枱個蔥油雞翼飯，聞到流口水，下次一定要試

同朋友仔在上環覓食，發現新開拉麵店，原來是佐敦熊拉麵的分店，還在試業中，襯住新店不用排隊，唔駛諗即決定啦超級拉麵，除左义燒，仲有舊豬腩肉。佐敦店説一天得10件左右，估唔到响呢樹俾我食到
腩肉非常入味，不過對肥肉又d抗拒。豬骨湯，义燒和糖心蛋仍有水準。拉麵店食义燒飯？又ok喎
义燒我諗係頭尾的部分啦，味道和口感還好，日本米飯加上义燒汁，不錯的。自家制餃子好juicy

呢間食店主打日式醬汁飯，有咖喱汁／雞肉忌廉汁和牛肋濃茄汁 三款

日式咖喱漢堡扒蛋包飯 －一次過滿足三個願望
咖喱是偏甜不辣, 稍為稀薄，不同 Izumi 和 GoGo，適合喜歡日式甜咖喱的朋友
蛋包飯的蛋不是用蛋皮包飯，而是炒滑蛋淋在飯面，嫩滑香濃
漢堡扒是自家手打的，好 juicy。之前在 Izumi 食過漢堡扒有筋，這裡側沒有這問題。
飯方面，店鋪門外掛著日本米選用的木牌，黏度軟硬亦算配合醬汁另外 order 了忌廉濃茄汁雙色飯，想起鴛鴦炒飯 
白汁 creamy 有奶香，雞肉不老。但茄汁的牛肉當天"鞋"了一點，可能煲耐咗，要留意一下。
如果男士吃這個好像少了一點肉。特別一提枱面的一瓶辣醬，聽到店主和客人對話，這是日本秘方，也是店主自家制的，"畢"起一羮果然落料十足，見到一隻隻蝦仔喎，所以辣中帶甜，撈飯又唔錯播。

成日聽人講呢度嘅醉蟹好好味，特登約埋同事嚟開飯

前菜先來燻蛋，晶瑩的糖心加濃濃煙燻香味，推介必吃跟著點了拼盤，當中燻魚比較好吃，建議還是點雙拼或三拼自選好了。主角醉蟹出場，金黃色的蟹糕很吸引，入口濃烈的酒香加上蟹肉的鮮甜，正！另點了幾款小菜，小籠包，百頁結，津白，獅子頭，卻不見特別最後當然要甜品作結，現今不是容易吃到的拔絲香蕉／蘋果在這裡就有，一定要點呀。

好想食 Waffle, 又唔捨得去餐廳食七八拾蚊一份，之前買咖啡見到D相好吸引，所以專登來到這裡一試。

好可惜通常 coffee shop 都被學生哥霸佔著，去到見到六成枱都放著電腦同paper，香港地方細少，要有一個聚腳做 project 的地方真困難，我都好明白，但香港地租金昂貴，做少兩轉真係好慘架。我只想飲杯 coffee 食件 cake 啫，好彩企咗 5 分鐘有一個 bar 枱位。

呢度 Waffle 有3款選擇，我揀咗 apple caramel, 個 Waffle 好軟熟，但欠了蛋香，不過＄36 蚊還算ok, 仍然係會想再幫親的。

星期五晚即興想食串燒，即刻上 openrice search 一下灣仔有冇好推介，看看圖片同價錢幾吸引，便試下walk in 有沒有位。

去到幸好有枱，之後進來的客人大都預早booking 的。
門面店內裝修高雅，金色加黑色卻出奇舒服，睇睇 facebook 原來這設計還得獎的。

這晚因不太餓，所以只點了幾款串燒

牛舌 － 彈牙
紫蘇免治雞肉捧 － 加了紫蘇葉多了一重香味
帶子釀雞翼 － 很花心機的一道菜
白鱔 － 口感味道一流，皮脆肉彈
豚肉露荀卷 － 這道菜又是傑作，豚肉包在外面像薄膜一樣，吃到肉香但絕不油
加上冰凍啤酒絕配

驚喜還有這裡的總廚十分友善，傾談中看到她對食材及食品的要求和堅持。

聽到沙田新開日式 pancake 店，又即刻仆去試下。

12點前到達，可以即刻入座，遲多一點門口已有多人等候。

這裡 pancake concept 與 Wired Cafe 一樣，班戟連鑄鐵pan一起焗

pancake 有分鹹同甜，不只是下午茶甜品，當個午餐亦是不錯選擇。

煙三文魚牛油果班戟，pancake 香軟，牛油加蛋香十分吸引。一般日式餐廳裝修，店鋪頗大，沒有逼迫感，可舒適的enjoy一餐。
另外店鋪不只是 pancake, 亦有意粉、沙律、芭菲杯等，set lunch 其他選擇。
 

最近睇到誌介紹台山腸粉，專程去到土瓜灣一試。

不同布拉腸，粉漿倒在鐵盤放入蒸爐，蒸好取出用鏟刮出落碟。

腸粉不是綿綿的，少了米香，但換來是爽滑煙韌的口感，粉皮比看上去的要薄。

款式的配搭亦不錯，雞蛋牛肉比較特別，另外點了的粟米魚片頗清甜。聽講這店是兩個年青人搭檔的，香港很多食市都因租貴捱不住，希望他們可繼續下去。