Unnie (銅鑼灣)

今晚同友人去銅鑼灣的樓上Cafe  [UNNIE]，新店加上裝潢簡約，而且座位寬敞舒適，感覺可以放鬆享受咖啡，同友人飲野傾計。主菜類 有9款, 價錢 $128-$138，小食有8款，可以加錢要套餐，飲品款式較多$32-$46。
湯/沙律、飲品、甜品 $48/$63
沙律用油醋汁，味道帶點韓式風味，酸酸地幾開胃，沙律菜新鮮乾淨，食落好爽脆。乾坤海鮮炸醬意粉 $138
賣相好靚，乾坤黑白，有齊兩款口味，搞勻一齊食又有另一番滋味。白色係忌廉醬汁，奶香creamy，加左蟹籽脆卜卜增加口感，仲有海鮮蜆肉同帶子粒。黑色係韓式炸醬好濃郁，味道甜甜地，仲有魚糕同醃黃色蘿蔔，係韓國嘅味道。最後我將兩者搞勻，味道咸咸甜甜，好好味。意粉煮得剛好，有咬口又掛滿醬汁。安格斯牛肉芝士漢堡 $138超級大個好吸引好正，好香牛肉味，牛肉超厚身多肉汁，扎實不散開，而且入口肉質鬆化，做得很好。加上溶化芝士同調味剛好的醬汁，非常美味。
薯條即炸，又熱又脆卜卜。抹茶豆腐拿鐵 $42
抹茶味濃香，加左滑溜豆腐，令口感更細滑，而中和甜度，所以飲完唔膩，抹茶同豆腐兩者味道都平均，甜度唔高，好好飲。美式咖啡 （跟餐）
咖啡突出，夠凍又夠大杯，個人喜歡啡味重，而唔酸，呢杯好岩我。
朱古力慕絲蛋糕 （跟餐）
估唔到甜品都咁正，朱古力好rich，質感細膩幼滑，入口化開濃濃朱古力味，底層係鬆軟朱古力蛋糕。

木蘭 (長洲)

每次入長洲都經過呢間西餐小店，今日閒日見少人，就入去嘆個悠閒午餐。

可揀室內或室外座位，我揀室外，因為有陽光又有微海風，仲可以望到船仔長洲海景，感覺好似渡假咁舒服。

素菜春卷，即點即製，炸得金黃香脆，估唔到素菜都好好味，簡單餡料，有椰菜、甘筍、薯蓉，調味很好，就咁食都好好味，沾甜辣醬更滋味。





蕃茄海鮮意粉
用長洲街市每日新鮮入貨，魷魚、蜆肉、蝦肉都非常新鮮，魷魚彈牙，蝦肉爽口，最吸引係蜆肉，超大超鮮甜，脹卜卜好飽滿。意粉也煮得有咬口，掛滿蕃肉的醬汁，用料很足很用心。



香草燒雞（半隻），燒得好靚，皮脆肉嫩，做法亦非常欣賞，將rosemary 同調味都釀入雞皮同雞肉之間，雞肉吸哂香料味，每口都有濃郁rosemary 香，雞肉亦保持濕潤多汁，雞胸亦做到嫩腍，雞脾肉有彈性。
沙律亦落足料，用油醋汁調味，蔬菜清爽消膩。粗薯條飽肚又重薯味。





雖然中午就飲酒，但吹海風嘆酒好chill

見到其他客人食pizza都好吸引，下次可以再去。

慢活瞬間長洲粒粒雪糕 (長洲)

今日放假去長洲，行行下發現呢間［慢活瞬間長洲粒粒雪糕］，好新好乾淨，老闆好nice，而且夠哂冷氣，熱天黎飲野食小食，好chill。店內有好多懷舊野同特別裝飾，有唱片、舞獅、霓虹燈……還播舊歌，係好岩80後同90後 聽。有超多款式小食，樣樣都好吸引。
餐具可以自取。點左撈撈麵、小食、飲品同粒粒雪糕，全部都好味。鰻魚汁帆立貝 $40/串
好香好惹味，鰻魚汁甜甜地，好夾海鮮，帆立貝煎得香脆，咬落好嫩好香。份量多又大粒，好味抵食。仲有沙律都新鮮乾淨，蔬菜爽脆，加芝麻醬汁好開胃。法式香草羊架 $88
好香帶微微羊羶味，肉質都嫩帶肉汁，有肉香夾著脂肪位，特別重羊位同油香，配沙律消膩。長洲撈撈麵， 可以自選配料，有12款選擇，每款$8，麵底可選辣度。味道係以前好興嘅撈撈麵，揀左少少辣，有蒜香。配料必揀索哂醬汁味嘅牛柏葉、仲有鴨胸同螺肉都好正，係令人懷念嘅味道。蜂蜜蘋果梳打（左）$38 ，蜂蜜白提梳打（右）$38
搞勻先飲，清新爽口，有甜甜蜂蜜味，果味都突出，個底有蘆薈粒粒，酸酸甜甜好飲。
粒粒雪糕 由韓國直送，又係以前興起，特別在外形同口感，粒粒雪糕入口有獨特感覺，同一般雪糕唔同，味道同口內溶化就同一般雪糕一樣。賣相吸引，用可愛碗仔裝粒粒雪糕。冰極彩虹係雪芭黎，比較清爽味道，酸甜可口又清涼。士多啤梨係雪糕，入口溶化軟綿綿，好味。

鍋牛 (佐敦)

佐敦的[鍋牛] 主打招牌本地牛肉，即切肥牛夠新鮮，有多間包房，亦有電視，很有氣氛好熱鬧。咸菜胡椒豬肚鍋 $78
個湯底味道濃郁，好重胡椒香，咸菜爽脆，豬肚很最後食夠軟腍入味。招牌牛肉船 $398
今晚主角手切本地肥牛，牛肉船 超有氣勢，有牛筋膜、手切肥牛、牛脷托、牛爽肉、金錢展(牛展)、安格斯牛、牛肉粒。
牛筋膜要涮10多分鐘，有咬口有牛脂香。
手切肥牛，肉嫩鮮味。
牛脷托超爽脆，口感相當好。牛爽肉睇落白雪雪好似脂肪，其實唔係，口感爽滑。金錢展肉質結實有少少筋，也很好味。安格斯牛脂肪分佈平均，牛味濃郁又柔軟鮮嫩。牛肉粒厚身啖啖肉，食落充滿肉汁。
墨魚滑拼蝦滑 $118
份量十足，墨魚滑雪白，入口彈牙爽口，墨魚味亦重。蝦滑微橙色，食到細細的蝦肉粒，爽彈口感也好好。
什餃 $22
粒粒飽滿，脹卜卜好多餡。西洋菜餃，肉菜比例剛好，有西洋菜香味，特別好味。韭菜餃亦很香。水餃有蝦、豬肉及木耳絲，蝦彈牙木耳爽。魚皮餃味道都幾好。田園什菜 $68
好豐富有齊多款蔬菜，包括有蕃茄、紅白蘿蔔、粟米、冬菇、娃娃菜、唐生菜、油麥菜。蔬菜都乾淨新鮮，粟米好甜，冬菇厚肉吸哂湯汁好正，蕃茄好多汁。

鬼金棒牛骨辣麻拉麵 (尖沙咀)

尖沙咀開左新拉麵店，睇落有d似曾相識，原來係鬼金棒姊妹店，呢間好特別，主打牛骨湯底，味道濃郁，而叉燒也是用牛肉，估唔到肉質咁嫩腍。

新開張好乾淨舒適，因為夠光線又闊落，裝潢帶日式風格，用淺木色枱櫈，牆身仿紙門，令人感覺更以係日本食拉麵。




只有數款味道選擇，全都是牛骨湯底，配不同牛肉同自選麻度同辣度，仲可以追加配料。還有2款牛丼，所以我地點左拉麵同牛丼。



增量牛叉燒牛骨拉麵 $135
由原本2片肉增至6片肉，牛筋也增量。友人點的是無辣無麻的原味，先飲牛骨湯，味道濃郁深厚，用料十足。牛叉燒非常嫩腍，慢煮令肉質柔軟。牛筋也煮得好腍，入口軟滑即化。




味玉辣麻牛骨拉麵 $110
少辣中麻的湯頭，入口微微辣刺激，好開胃惹味，慢慢感覺口有麻感，辣度易接受，而且餐廳提供自助冷熱水，再辣都可以挑戰。


用幼身拉麵，掛湯又唔膩，口感較硬，食落爽身有咬口。

味玉都做得好，入味又香，蛋黃濃郁，配麵或飯都超正。



秘制醬汁慢煮牛筋丼 $54
秘制醬汁好濃調，有牛筋的膠原，唸口帶香的醬汁好正。牛筋滑溜軟綿，配飯真係一流。