DanielLove 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-10-22
十里洋場是全香港數一數二既地道上海餐廳,我完全同意。口味懷舊,選材謹慎,所以一直有幫襯。 紅燒肉一流;煎小籠包好地道又唔肥膩;素佛跳牆可以做到完全沒有蔬菜‘腥’味。我個人最鍾意係醬蘿蔔,食一啖會有清風吹過既感覺。 外賣套餐份量剛剛好適合簡單豐盛午餐。 每次幫襯必點清河蝦仁(清炒野生河蝦仁),從不失禮。可惜今日外賣河蝦仁掉鏈子,蝦肉有‘霉’味(上海話,形容河鮮唔新鮮)。 我懷疑我太早落單⋯下次要小心。 其他食品非常好食,可以俾到我地‘一週返一次鄉下’既感覺。 會繼續幫襯,也希望餐廳重視河蝦仁呢味指標型菜式。 推介美食: 脆煎灌湯小籠包, 紅燒肉, 素佛跳牆, 醬蘿蔔
評分: 味道 3 環境 5 服務 5 衛生 5 抵食 4
2014-03-23
今晚想食韓食,但又唔想去韓燒舖,整到全身都係燒烤味,於是響屋企周圍搵韓國館子,咁就見到尼間外買店,fine,都成7點鐘,其他地方堂食應該係冇咩可能,拎返屋企反而方便d~ 入去就見到好多人排緊隊,一路排隊一路撿食邊d餸,第一次來試,咁就order左 杯杯雞(細),炸醬麵,魚肉串,炒粉絲,雜錦拌飯,炒年糕,⋯⋯都要成200蚊。跟住行出去等,見到更加多人過來排隊,有d人等到唔耐煩走左添~更加另我有所期待! 正所謂期望越大,失望越大!聽小弟慢慢道來: 1. 炒年糕唔見左⋯⋯可能搞錯左,俾左我一份海帶湯⋯OMG,我最憎海帶湯用海帶葉+味粉,同飲泡麵湯有咩唔同?泡麵得10蚊遮 2. 炒粉絲用料好足,可惜敗在粉絲上,用最普通既粉條,點會做得出非常入味,又有彈力既炒粉絲呢?冇錯,炒粉絲冇味道,冇彈力,膠味重,非常失望。 3. 杯杯雞,唔錯,味道okay,雞腥味都冇,尼味值得推介 4. 炸醬麵,唔知點解有人讚好,我真係好唔明,都係敗在原料度,冇錯,係麵條。醬汁味道唔錯,又有馬鈴薯同肉塊,我個人係滿意既;可惜麵條類似泡麵,冇彈力,冇麵味⋯講多次,唔明點解有人會讚好⋯ 5. 雜錦拌飯,again,用料好足,但係失望,大家應該估到問題係邊,冇錯,係米飯,簡單幾個term評價下米飯:硬身,陳米,凍,糙。 6. 魚肉串,味道唔錯,不過價錢太貴,25蚊!我情願43蚊食隔壁三河屋既全份關東煮好過~ 總結,韓食好重要既係原材料,醬,米,麵,蛋,直接影響食客既味蕾,一間用心既韓國小食舖,老闆會重視每一個細節,務求用高性價比既食物,帶給客人殿堂級既滿足感。 我俾尼間一個dislike,希望喚起大家對真正美食既追求。
評分: 味道 1 環境 1 服務 2 衛生 1 抵食 1
|