第一次嬲到出食評，一間打卡餐廳，本身都唔寄望佢啲食物質素，但食完之後真係完全唔建議人哋去食，試都不值一試，呢個價錢完全畀唔到相應嘅食物質素畀客人。 你哋冇睇錯呀，成碟茄子冬菇天婦羅嗰碟就係豬手啦，大伏，圖文不符，落單apps張圖明明係炸完隻豬手先至切好，上枱竟然係一塊塊炸起曬，極度懷疑係收到order先至點炸漿翻炸，碟野咁仲收$258。 雞蛋捲收$108，但d蛋好老完全唔滑。 蒜香牛油炸雞完全冇味得個油字，收$178。 個辣蕃茄湯中華麵全部都係無味海鮮，似急凍貨，又收你$238。 荔枝刨冰啤酒似係無味冰淋d果汁糖水上去，荔枝味勁薄弱，收$98。 餐廳環境勁嘈，音樂勁大聲，完全傾唔倒計。仲有去餐廳入面有個裝飾係模仿夾公仔個爪，但舊嘢好大舊又硬，裝係天花真係唔驚d客冚爆頭？我行出行入都爭啲撞到頭。 一間食店，如果你好食，收到貴一貴我都覺得值得。 一間食店，如果你收得平，唔好食我都算數。 但係你又貴又唔好食零cp值我真係接受唔到，冇心煮野到咁樣，感覺只係掛住賺啲00後妹豬錢。 總括而言，永久blacklist。

近9點黎到西九龍中心
上到2樓見到醬先生 Mr Sauce, 晚飯低至$29!
我地d貧苦學生當然覺得吸引~ 一於試下!

由入座, 落單, 上菜, 埋單,老闆都好細心, 講解晒佢地ge整法同推介
最後叫左$36套餐, 係包餐湯+主菜+餐飲+甜品(而家出街食好少可包甜品)
餐湯係西洋菜湯~足料無味精
蕃茄咖哩好食, 唔辣, 好香蕃茄味, 據老闆講用左8種蕃茄煲個汁
餐飲簡左雪梨茶, 係自家煲ge~好清甜!!
成個餐最大驚喜係甜品, 布丁同奶凍都好滑好有奶味!!又唔會太甜, 好好味~好過出面好多甜品店

接近食完老闆仲會問我地意見~態度積極良好!
呢個價而家係hk已經好少見~ 出去食餐飯閒閒地都要$40~$50la~ 仲要未必好食
總括黎講成餐有水準!

去食果陣近6點~唔洗等位
而且成日無食過野~好餓下~
見到自家烏冬心諗未試過咪試下囉
應該差極有限la,點知真係衰過我條底線~
叫左個吉列豬扒咖哩烏冬($45)~
d豬扒好似識除衫咁~一夾層吉列皮即甩...
豬扒本身瘦到似瘦肉~韌到死
d咖哩湯唔夠熱,又唔辣唔咸....
唔講都唔知自己食緊咖哩...
食到剩番十幾啖...碗野已經凍晒...好似食緊隔夜麵咁...
服務方面...d員工手腳好慢...收錢慢到暈~_~
總結:完全唔抵食~無下次~