今晚忽然想食盅飯, 結果黎到呢間食。
其實開張時都試過幾次, 但今晚起再冇呢個機會。

首先友人叫左個常餐1101 , 係火腿煎蛋配瑞士雞翼公仔麵, 加杯凍檸茶。
而我就叫左蠟腸蒸雞飯。
2分鐘後我既飯到左, 味道都可以。
10分鐘後, 友人先黎左杯檸茶, 飲住等其他野食。 本身我都唔覺有咩問題。
煎蛋火腿多士一到, 見到火腿係冇煮過, 友人話係凍冰冰既, 亦冇煎既燶邊, 冇熱水燙過既收縮, 所以佢都唔敢再食。
而煎蛋樣似已隔夜炒蛋一樣, 蛋面已經冇晒水份, 好似橙皮一樣。
多士就應該未見有問題。

過多七分鐘左右, 碟天使麵都黎到, 瑞士汁冇味, 雞翼冇入味, 好似水煮雞翼咁, 至於天使麵林晒, 仲癡住一舊舊咁, 所謂既瑞士汁完全冇味, 我試左一啖好似得老抽, 冇落生抽同冰糖一樣。

之後我試啖檸茶。 先知道檸檬唔新鮮, 茶冇茶味, 而且凍檸茶一點都唔凍。

最後, 我食盅飯先, 真係最後一啖先食到盅有陣魚腥味。

成餐用左50元, 價錢已唔係衡量值唔值, 人地係俾錢黎食飯, 客人為咩要俾50元黎食你呢餐。我寫呢篇文係想表達, 如果有心開一間餐廳, 點解唔用心煮好味既野俾客人食。 最後友人還要去左2次廁所及嘔吐, 憑良知, 並唔係幾十塊元煮出呢類質素。

又再一次黎到Tony Wong，自從上次俾人睇到凍櫃裡面d玫瑰花好靚，
佢就一直想試佢既招牌蛋糕，見今年生日未諗到自家製蛋糕好定訂製一款特別生日蛋糕好，
倒不如就試下order一個tony wony黎分享俾大家試下啦。

由tele order 問定可唔可以做到呢個蛋糕(2天前)，店員話okay我就立即transfer 錢同fax order foam，
店員仲問定需唔需要整生日牌同寫咩字款，一時間諗唔到咩奇型怪狀倒不如簡簡單單。
當拎到呢個屬於佢既生日蛋糕時，真係好想即刻返屋企打開黎食。

估不到呢個款式賣相真係未食前都需要每人拎部相機狂影，
都估唔到佢既朱古力係苦苦的，灑上可可粉，
蛋糕係由十多塊既黑朱古力薄片整成一片片花瓣，
內層由巧克力脆脆，朱古力cream混成既cream cake，最好味係佢既餅底係薄燒餅皮，好脆口。
我地有5個人，order左一lb 黎食，份量都算okay，唔會太飽亦唔會太小。

唯一一個批評既反而係當天正正係TVB 介紹完九龍城幾間店，當天好多人.....
亦好多小巴都FULL晒好難先搵到架小巴，仲要落雨，
好彩.....辛苦過黎令到自己最親愛既人開心就OK啦。
呢份視覺同味覺既喜悅，帶俾自己，亦送給摯愛，很體貼，很值得！

今次係為左周未家庭聚會再整餐私房菜，專誠駕到九龍城一間上海貨店買毛豆同烤麩，
順帶一提，呢度既烤麩好香
順路再睇下有咩地方食，睇見越南兩字，不如今次黎試下呢區既越南野OK唔OK啦。因為今日放工唔係好餓，所以2人只係各叫左一個飯黎食，
但係睇到廚房入面有D大麵包，其實好想試下個咖喱蟹包味道如何，
唯有下次先可以再去試多次。首次，黎左一碟泰式香芒炒飯，我自己試既話覺得係幾吸引，
首先炒飯底係唔濕，佢用一個鐵盤盛住炒飯，盤邊亦有少少既飯焦香。
每粒飯都有醬汁包住，香芒亦都香甜，新鮮 (當造卦)，再加蛋碎炒，
我覺得論價錢及味道，其實都係合格有餘，就算今晚我唔肚餓，但都好想食多2啖。

泰式香芒炒飯反而呢個海南雞飯就遜色好多，其一，隻雞冇咩肉，雞皮亦好乾，
配既雞油飯亦唔多雞味，其二係醬汁亦都較得平平無奇，配埋既湯我亦都冇飲，若果以40幾蚊黎食，
深信一間連鎖店椰X閣既海南雞飯會比呢間好食，
試完呢個有少少失望同扣分，果然食要食佢當造既，地道既同埋新鮮既好重要

海南雞飯

今次係第2次黎，因為地方都叫偏僻，所以唔係成日都可以黎到，
點解會推介朋友黎食野，係因為我第一次見一間餐廳係全體人員都面帶笑容，
服務好好。而且上次黎係HALLOWEEN，所以侍應都為每客客人送上小禮物。
當晚我地成班都食到好晏，佢地冇因為收工而趕客走之餘，仲幫我地叫的士，可惜的士遲遲都未到，所以老闆專誠叫左2架私家車
(仲係BENZ黎添) 車我地一班人出錦田西鐵站，
香港既美食太多，味道我會注重之餘，其實服務態度真係開始冇咩餐廳係絕對做到，
反而呢間餐廳論招待既侍應、廚師對食物既心思同埋連老闆都會一手一腳去打點一切，
好值得客人欣賞，就算味道唔算上盛，但服務我俾晒滿分。招牌豬手
外脆內軟，今次係第2次食，對比上一次炸得更脆皮，值得一試。
醬汁係芥未醬，配上去味道好夾，旁邊有薯蓉同埋薯菜，減少肥膩感。焗海鮮飯
海鮮夠新鮮，而且芝士味唔會太重手，焗出黎賣相好靚，
飯以炒飯底，醬汁同飯既比例亦配合得適中，
唔會醬太多，食到最後一啖時，匙仲係一半飯一半醬汁。帶子墨汁麵
帶子非常鮮甜，麵採用幼身既意大利粉，
配上墨汁，上面淋上少少既香草鮮茄醬，
可見呢度既廚帥對於醬汁既配合同運作都花上不少既心思。金沙骨
相比以上3款菜式，呢碟味道明顯遜色左，
醬汁同平時燒野食時去超市買既金沙骨冇太大分別，
但肉質尚算軟，唔會燒得太實地。燒乳雞
肉質非常軟，一切就開，醬汁係燒汁，
因為本身乳雞只係用少少醃料醃，所以食既時候點少少醬黎食，
味道會好D，OK! 合格~~~

今天已經係第5次黎呢間餐廳食飯，以前住元朗，要搵一間戶外坐既地方又舒服唔趕客既，
呢度係個唔錯既選擇，好岩一大班人一齊黎食野同聚聚。

地方唔算好偏，就算0係元朗市搭的士都好近，只係0係博愛醫院再駛入少少就已經到。
而待客、服務方面都唔錯，夜晚天氣有少少凍，我地揀左戶外黎坐，侍應都好好即刻開著旁邊既暖爐燈俾我地

而自己推介既野食就有呢一樣，每次黎到都會叫呢個燒香菇黎食，只要去出面點想燒既野食，
有菜類同海鮮、肉等等，呢個香菇若手掌咁大，價錢40元左右，雖然價錢有少少貴，
但係味道真係一流。叫完可以返自己座位坐，餐廳侍應會將野食送到你檯面。咖喱雞+ 泰式薄餅
前幾日食完印度薄餅，今日仲想回味一下，所以即席叫左泰式既有咩分別，
我地ORDER左個原味，味道唔算好特別，但同樣軟綿綿，點咖哩味道OK! 合格合格!再叫多個菠蘿肉鬆海鮮炒飯，都唔算好有菠蘿味，反而肉鬆好似略厭太多，
蓋左本身新鮮菠蘿香味，菠蘿如果再炒耐少少，焦少少，令菠蘿香味出D，效果會更加好。
但賣相都算OK，下次我會再試其他炒飯~蝦釀皮蛋
最普遍既泰式小食，每次去泰式餐廳既DINNER SET都會好多時有埋呢道菜式，
若論汁，蝦肉既彈口同埋皮蛋，都只屬好普通。燒豬頸肉
因為自己唔食豬牛羊，所以冇食到，但係望上去燒得幾香同外脆內軟，
而且切片都切得適中，可以試一試。

每個星期三都會去九龍城試唔同既餐廳，
此區既泰國餐廳好多， 乾淨光鮮既店面餐館又有，
小型既粉麵檔又有，類似大排檔平民式既又有。

今日放工黎試呢間泰式美食，本身都唔會覺得會有咩出奇既美食，
因為呢度實在太多太多泰國野食，來來去去用黎香料同手法都差不多，
所以今次點返D慣常既泰國出名小菜黎比較一下。

先黎應該讚賞一下，呢間既送菜速度好快，
我見廚房煮菜既師父只有一兩個，但係我地3人點左六、七碟菜，
每隔兩三分鐘已經有一碟上菜，當然份量唔太大碟，岩1-2人食用(每碟)冬蔭公湯: HKD 60
先讚賞呢個冬蔭公湯，佢既辣味唔搶口，
因為我本身都食唔到太過刺激性既辣，而呢個椰奶多，
仲有火鍋一直煮熱，整體味道都好好。泰式鳳爪沙律 : HKD40左右
呢碟菜式個汁酸酸辣辣，食完好開胃，
用黎做前菜非常引起食慾。蒜茸包
非常脆口，不過蒜茸味唔太突出，
若果真係喜愛pizza hut既好大陣蒜茸味既朋友反而可能會有少少失望，
因為佢既味道只係好似一個法式麵包塗上少少牛油而已，
不過我都滿意香葉炒乳鴿 : HKD 50-60
好奇怪地覺得點解泰國會有乳鴿食，
佢既做法好特別，先將乳鴿炸一炸令外皮好脆，
再用蒜、紅椒爆香乳鴿同豆角，上面既唔知係咩香葉，
食落去脆脆，味道似紫菜味，好特別既泰式菜，
我非常喜歡呢道菜式！泰式炒飯: HKD 45左右
普普通通，味道唔算好特別，
只係香料炒豬肉同飯而已。

prama ham pizza
薄餅很薄很脆，我不吃豬肉，故此未吃過上面的prama ham，而上面的火箭菜很fresh，味道非常吸引我，尤其配襯濃味的pasta，這種特別反而最令我回味。而上面更有細細粒的水牛芝士，淡淡的芝士味道，不會蓋過上面的蕃茄醬味，這一餐我最欣賞這道菜。Penne Con Prosciutto Di Parma Alla Vodka
論賣相跟味道，這個不是太突出的菜式，印象亦不太深。White Chocolate，看見咖啡上的拉花很精美，點了一杯來試。上面的cream很甜，下面的咖啡很苦，我嘗試不停地用飲管攪勻，結果還是好像夾不來的味道，相比起2大的咖啡連鎖店，這間的咖啡可有待改進。Insalata Di Capesante: 帶子不算小，配上特製的醬汁，帶點酸甜，味道清新。

今日又黎九龍城搵野食，專登經openrice介紹黎尋找曲奇四重奏，
店內裝修好簡潔好吸引，每一個玻璃樽裝住唔同口味既曲奇供客人試味，
而我今日就試左4款味道，有朱古力味 (都ok，不過我鐘意食淋身既曲奇，呢個我反而覺得好脆口)
玉桂味 (呢個個人認為幾清香，淡味一d，不過都係好脆口)
川辣 (質感幾好，軟硬適中，但味道略厭未夠吸引)
蝴蝶酥 (鬆化，甜甜，都係幾脆身，不過味道較前3者最好，所以我決定買呢個黎試)

呀~反而返到屋企拆開黎食先試得真個味道，
打開包裝袋好香，好大陣牛油味，第一啖食落口時，酥面既糖粒好香甜，好好味，
食落去時砰砰聲，非常脆身，食完隻手唔會太黏，亦唔會有多餘既油0係手上。

如果真係想試真個味，真係要買返去先會試得最真，
而且包裝袋有透明袋袋住，出面既紙袋同萬字夾可以留返俾fans keep refer

同屋企人0係元朗食飯，想搵一間靜d，少人d既地方食。
去到江戶川門口，仲等緊2張木台，不過我地有6-7個人，所以接待員俾左一間房俾我地坐。
論餐廳環境，比較黑暗，選擇坐房會較安靜同埋舒服d，服務員態度唔錯，一開始就幫我地倒茶同落單，
我地個個都係第一次0係度食，所以好多野都係見餐牌個名而揀。

每度菜約等8分鐘左右，
壽司: 合格，但未算十分驚喜。壽司拼盤亦只屬普通款式。刺身: 拼盤只有三文魚同鮮帶子，味道幾新鮮，盤底亦放滿冰粒保持刺身既鮮味。日式燒餅: 味道ok! 約有6吋大小，份量反而未夠6人以上食，但燒得ok，若果再減少油膩會仲好味。炒年糕: 反而呢個就遜色左少少，汁既味道唔夠濃，浪費左年糕既彈口。燒三文魚: 呢個最突出，雖然本身三文魚點煮都好味道，但係呢度燒得皮夠脆，而且油份唔太多，擠少少檸汁連埋白蘿蔔一齊食，味道好好!燒銀雪魚: 魚身夠肥，好多魚油，味道亦可接受。呢度唔算係一間味道好好味既日式餐廳，但係論價錢較平民化，
而且坐房既環境亦幾岩一班朋友聚餐，所以今晚都食得幾開心！
由其特別會推介呢度既燒身同刺身。

平時上openrice時，見到入圍餐廳有呢間tony wong，以前都已經0係朋友生日時食過佢既拿破崙士多啤梨cake，
click入黎再睇下有咩吸引我既視覺，令我既味覺都想品嘗。
見到有玫瑰花既造型真係好吸引。夜晚約7點都見到餅店入面有幾pair人揀緊蛋糕，
凍櫃入面仲淨一個有玫瑰花造型既芒果撻同埋朱古力Truffle，就即刻買返黎試一試。

*Mango Fruit Tart*

外表好優美，用每一塊鮮橙黃色既芒果肉卷出一朵玫瑰花出黎，雖然食唔到佢既hit buy 玫瑰朱古力，但呢個都係可選之一。
表皮係香甜既芒果肉，肉質多汁鮮味，入面既奶油配搭出黎一d都唔覺得太肥太甜。撻底亦好鬆化，牛油味唔算太重味，但幾岩我唔太嗜甜膩口味。

*Chocolate Truffle*
外表巧克力好光滑，好似一個光面既太空館一樣，灑上少少金箔，份外帶黎呢款蛋糕既高貴。
從外表到味道，第一口好重朱古力味，出面係調溫黑朱古力，第2層係滑身既朱古力cream，第3層係微微朱古力味海綿蛋糕，入面仲有意料外既第4重口感，好似好特別咁，但望極都見唔到d朱古力脆脆，成個甜度同配搭都好分明好有層次既享受。慢慢咁食╴慢慢咁享受每一啖chocolate truffle帶黎既驚喜。