叉燒大王開左咁耐，身為沙田友，其實我係無去過 但原來佢啲野都幾好食，真係估佢唔到 蟹粥（大） 有兩隻蟹，咁我估佢細既蟹粥有一隻 個粥好甜，因為啲蟹好新鮮 而且佢啲粥好綿好滑，好香米味 蜜糖薯仔牛柳粒（大概） 其實，呢個幾好食，但因為佢係蜜糖炒 呢個天時食，都真係幾滯，天氣凍番啲食，就應該會好正 第一次去叉燒大王，點可以唔試佢啲叉燒？ 難怪佢叫叉燒大王，都真係好好食 燒叉燒個汁佢調教得幾好，唔會無咩味又唔會話太甜 唯一美中不足，如果佢啲叉燒可以切薄少少就好 木魚茄子，又一樣我好鍾意嘅嘢 佢煮得好入味，好鹹香，不過同叉燒調返轉 如果呢個可以切大件啲，就更加好

朋友生日，他在網上看到這裡有韓式宮廷海鮮鍋，我們便來試了。 在網上看到相片，其實我都幾期待，因為啲野都好似幾靚。 而我，亦係一個海鮮控。 但老老實實，佢呢個海鮮鍋都真係好一般 湯底味精好重，海鮮新鮮程度一般 啲蜆同蛤未吐乾淨啲沙，基本上大部分都食到沙 我平時打邊爐好鍾意食粟米，但佢啲粟米真心唔好食 煲左個幾鐘，啲粟米唔知點解都仲係又硬又乾 乾導致我唔覺得佢入味食左一舊，無再食第二舊 不過不失啦，但呢個價錢，我可以有其他選擇囉

朋友知我好鍾意食海鮮，又鍾意食日本野。 見新城市開左呢間野，就拿拿林拉我黎嚐鮮。 （聽聞佢前身其實係峰壽X，但老老實實，我覺得佢好食過峰壽X） 去之前，我聽到同事去過，取下經，佢建議我一定要食燒帶子 我直接叫左個貝類套餐（好似叫咩濱燒盛盒，唔記得嚕） 好甜好甜好甜 而且啲貝類好新鮮 好啦，燒完啲貝，就食壽司 芥辣八爪魚軍艦 我知呢啲周圍放題都好多，但我就係鍾意食 佢呢個芥辣都幾攻鼻，正 呢個超級正呀大漁軍艦！ 我同我朋友一人叫左一個，完全唔想同人分享 基本上，我食完呢個，其實都飽左大半 （因為其實都真係幾滯） 大粒魚籽，出乎意料，完全唔腥！ 海膽，呢隻海膽有少少甜，食完有啲回甘 吞拿魚蓉好香魚油味，其實，平時我唔鍾意有魚油味，怕腥 但佢又唔腥，又香又滑 蟹肉軍艦，其實佢都幾好食，但食完前面幾個 我覺得佢有啲失色，可能一開始食佢會開心啲 我真係好鍾意食海膽，食完大漁軍艦，點都係要叫番個海膽軍艦 呢個品海膽軍艦好明顯同大漁個海膽唔同 佢creamy啲，甜口啲，各有千秋

朋友請我食生日飯，佢話由我決定食咩 係Openrice做左一輪功課，決定食呢間 老實說，其實我覺得環境麻麻地，太暗 暗到我好想訓覺（朋友話係我份人無情調喎） 同埋其實佢好逼，真係肥啲都坐唔落 但佢啲野就真係色香味俱全既 比個餐牌大家望望 呢個係佢嘅跟餐沙律，煙鴨肉+生菜+黑醋 成件事好fresh，同埋好開胃 飲品，我叫咗藍莓汁 但我覺得佢個味同我之前買個隻嘉_思藍莓汁差唔多味 （某啲超市會見到） 香煎大蝦芒果紅菜頭薯仔沙律 沙律有紅菜頭，其實真係比較少見 我平時食紅菜頭多數都係煲湯 但原做沙律都幾正架！好爽口！ 芒果好甜，但佢唔係糖水嗰種甜～ 係個蝦比較差，無咩味 香煎帶子扒虎蝦鮮茄扁意粉 佢個帶子煎得好滑呀 岩岩好熟，我可以encore 10次 隻蝦又超大隻，煎得又香 甜品，綠茶拿破崙，呢個係唔洗加錢既 如果鍾意食綠茶，我覺得一定要食 佢中間個cream，綠茶味超、級、重！ 再加埋啲鬆化既餅皮，甜甜地既糖霜，好正 綠茶窩夫（呢個要加錢，但我唔記得要加幾多） 其實我平時麻麻哋食窩夫，因為總覺得非常滯 但佢呢個窩夫都真係幾正，我哋兩個人食完上面咁多野 都仲可以食得晒，佢唔滯之餘，仲有淡淡既綠茶香 同埋佢跟機個樽仔蜜糖，佢唔係平時食開個啲蜜糖味黎架 似楓糖？（我有無食錯，麻煩搵人講返我知） 總之個味同個窩夫好夾，我哋竟然兩個食得晒

今日，同老細兩個人去食晏 咁岩同事又係呢度同客人lunch meeting 就叫佢順手幫我們攞位（懶到一個點）
基於得兩個人，坐bar台都無咩所謂，仲比左個機會我老細撩靚仔

講返野食先，我們兩個人要兩個餐，大家share食湯比較鹹，但料好多
沙律新鮮，不過如果沙律醬可以再多啲就好了
日式蒸蛋，夠滑夠香，而且唔會話溝左好多水豬軟骨奄得好入味，送白飯好好食
天婦羅比較特別，除咗平時點天婦羅個汁之外，佢仲有一個咖喱粉
我平時都唔太食天婦羅，見佢有個咁特別嘅組合，都忍唔住試一試，咖喱粉配天婦羅原來都幾好食刺身睇到個樣都知非常新鮮，重點係佢厚切炸物，佢個雞超好食，炸得好嫩口，一啲都唔老左邊：三件壽司，一件係魚、另一件係他他牛，最入個件係帶子
魚同他他牛都係我阿姐食，俾唔到comment
不過佢係一個嘴刁嘅人，佢冇話唔好食，都應該唔錯
我見佢個他他牛都俾得好多，我決定下次出bonus再黎，要自己食呢個餐
中間：又見刺身
右邊：卷物+吞拿魚醬，佢個吞拿魚醬應該係撈左啲沙律醬佢個味調得好好味，唔會話好腥
另外個玉子，可能因為我們坐bar枱，師傅見到我哋兩個人share食兩個餐
佢好細心咁將個玉子切左做兩份（我上次黎既時候無切架）
我對呢個行為非常有好感

佢啲野價錢雖然唔平，但勝在份量多，真係幾抵食同場加影靚仔師傅專心做野既場景
坐bar枱真好

同朋友約左四點睇戲，未夠鐘，就搵地方醫下肚
又一城呢個地段係比較偏貴，朋友手緊
原本想去某間鋪high tea，但見到三點先開始，果斷地放棄
然後，我們就選左去價錢比較合理排隊又無咁困難既school food沙冷希肉
沙律菜新鮮，無苦澀味，再配黑醋，健康又開胃五湖四海燴飯
有魷魚、青口、蜆肉、蝦，特別提醒，呢個係比較辣的
醬太多，影響左口感，總覺得不是黏，是爛...左：薑檸蜜-小妹叫親有薑既飲料/食物，對於薑味係有異常既執著
老實說 係幾好飲，不過一啲都唔薑，有啲失望
右：草莓梳打-朋友讓我嚐了口，唔知係咪隔離飯香，總覺得佢杯野好好飲 lol
至少，佢非常重士多啤梨味，飲得出佢應該係用左一定數量士多啤梨去打成呢杯野追加的餃子（$30）
不過不失吧 炸得太過了韓小姐（泡菜餡）（$60）
我比較喜歡外面是紫菜的吃法
在紫菜外層包裹了芝士蛋漿，把紫菜弄軟了
我不太喜歡那種口感

朋友生日，在FB看見foodbox的介紹
超吸引...但一看地址--鰂魚涌
對我這種新界人來說，真的很遠

不過，為左食出面無得食既醬油鮑魚，我地排除萬難咁去左
真係好值得我山長水遠咁搭車去

我地叫左三樣野

1, 牛肉火鍋
唔知係咪韓國火鍋比較偏甜，我食過好多間既韓國火鍋都係比較甜
不過，佢啲牛肉好味，切得薄，唔騷，無雪味再叫左一個泡菜海鮮湯
因為我地叫左一個鍋，所以個湯都放涼左
但店家好好人，主動問我們洗唔洗翻熱
不過朋友怕熱，所以都唔洗麻煩佢地
個湯好足料，勁多蜆肉魷魚，好正，無味精味登登～之後係重頭戲！
醬油鮑魚+醬油蝦！！
鮑魚有四隻，蝦有五隻
鮑魚同蝦都好爽口，佢蝦頭有膏架OPPA好好服務，佢會問客人需唔需要幫手
你要既話，佢會幫你搣蝦殻，又會幫你剪碎啲蝦、蒜頭、辣椒去撈飯下面係撈完之後店家仲驚我們唔夠飽 特登比多啲飯我地唔講唔知 原來我地睇起嚟咁食得

謹記：醬油鮑魚+醬油蝦係要預約先有得食架！

之前與朋友兩個人來吃，當時還覺得不錯
所以，後來帶多了幾位朋友一起來，便後悔了

兩個人，一個爐
五個人，還是一個爐，有無搞錯啊？邊燒得切？？？
成餐飯都食得勁趕囉
加左價，其實唔緊要，因為佢質素都算幾好
但你加完價，成300蚊個人（舊價：258，新價：278，另外再加一）
但我食唔飽，就覺得有啲過份（同台幾個都唔覺飽）
我明白你們人多，但五個人比一個爐...真係諗都無諗過
有個侍應姐姐長期黑口黑面 叫又唔理人...
講真，任食三百蚊，可以有更好選擇

anyway, 食物都唔錯既佢啲蠔幾抵讚，上幾round都keep住咁大隻咁新鮮
燒完啲蠔，仲有啲蠔水係裡面，飲一啖
嘩，超鮮甜蝦就蝦頭有啲霉霉地 驚會肚痛，無encore第二轉平時出面食燒肉 豬肉係比較容易癡底
佢又無咩話癡底，而且，都切得幾薄
易熟，我鍾意幾細心，雞翼切半隻，咁就唔會太飽，而食唔到其他野
而且，佢啲肉其實醃得幾好味
唔會似出面某啲鋪頭咁, 啲醃肉全部一樣味牛，另一個驚喜位，出面某啲任食
啲牛叫多兩轉，第三轉就好明顯變差
但佢係上左幾轉，都幾係比返呢啲樣既牛
特別係佢個和牛粒，好嫩口我好鍾意燒菜、燒菇，今次當然亦都唔例外
啲菇同翠肉瓜都好脆口香口
菠蘿輕輕燙一燙，酸酸甜甜，正而係主打燒肉既地方，真心無諗過佢既刺身原來都唔錯
新鮮，唔腥仲有海膽花之戀
不過師傅真係要練下握壽司...啲壽司都幾易散

如果，佢可以比2個爐，我真心覺得呢餐其實唔錯

同事生日，另一個同事請食飯
而我，當然漁人得利啦
同事介紹呢間泰國菜，基於呢位同事非常嘴刁
所以，我都幾期待架洛神花茶 um 我個人認為太甜
本身洛神花茶又酸酸地，令我覺得味道有啲奇怪
不過後尾加多左水就好啲生蝦我超鍾意食泰式生蝦啊
佢呢個生蝦好厚肉 又大隻
夾埋啲蒜同辣椒一齊食 爽口得黎又辣辣地 正啊泰式炒蜆 佢炒得好香 夠鑊氣
而且最重要係啲蜆無沙 洗得都算乾淨炸魷魚圈 係就係幾香口 不過粉略嫌厚左啲
放耐左少少 就好快變得好油青咖哩牛腩
佢呢個咖哩十分正 牛腩嫩口 咖哩勁香 仲有一股香草味
明明好飽 都忍唔住食多碗飯芝士蝦丸
呢個又係正喎啲蝦丸好大粒 又唔會話溝到成粒都係麵粉
咬落去 佢都仲有唔少係蝦黎架講開蝦丸就不得不post m呢張相啦
望下佢個芯 幾多芝士流出黎

路經葵芳，又有啲肚餓，忽然諗起之前喺某網站看見介紹海膽手卷的文章
係葵涌廣場，都有幾間被介紹
篩選一番，我決定去呢間問卷

35蚊半板海膽手卷海膽算係幾鮮甜，紫菜都幾脆
不過，啲飯比較似平時一般食開嗰啲白飯，冇咩酸味

但其實我都係比較鍾意加拿大海膽，口感creamy d@@