本身對呢間餐廳有啲抗拒 事關已經多次光顧此店位於尖沙咀之分店 惟每次皆享用到欠佳既服務態度同差勁既食物質素 不過今日星期六真係冇得揀 周圍都排長龍 肚空空既我惟有硬住頭皮走入去 諗住求其食啲野就走 門口穿淺色恤衫既男員工無論帶位定幫我落單都非常有禮貌同保持笑容 相反 其他員工令我以為琴晚場世界盃係佢地落場踢咁 個個都冇厘神氣同木無表情 所以服務個4粒星基本上係俾哂個位男員工 迴轉帶上既三文魚壽司睇落非常新鮮 有光澤 而且唔剩只一碟係咁 眼見碟碟都係 好耐未係連鎖店度見過 抵讚！ 牡丹蝦刺身亦係十分新鮮 蝦頭鮮甜而蝦肉彈牙 冇得頂 對比之下魚刺身僅屬不過不失 鱆紅魚壽司合乎預期 但象拔蚌壽司則大失所望 象拔蚌不新鮮且毫無味道 差！ 火炙三文魚送到我面前時仍然保持暖口 芥辣八爪魚軍艦塊紫菜亦都仲係脆口 值得一提既我問女店員 佢地既"泰式赤海蝦"有咩配料同大約咩味道 女店員啞口無言 不過唔怪得佢 我食完之後都唔知佢係咩味 唔駛再試 今次既體驗完全顛覆左我對一壽司既觀念 重新評價為可以再去既迴轉壽司店(不包括尖沙咀店）

日日經過都見門口排長龍 今日終於有機會黎試一試 四支公係門口等左大約二十鐘就有得入 如果唔係我地要一齊坐其實一早入得 係門口等位個陣侍應已經俾定點菜紙同menu我地揀 所以一坐低就馬上可以叫野食 亦都唔駛等太耐 四碗香噴噴既拉麵就送到我地面前 我order左辣既赤王拉麵加紫菜 紫菜係淋的 下次唔會再嗌 但個拉麵真係冇得頂 湯底夠哂味 辣度岩岩好 我揀辣度1 辣得黎唔會辣到入唔到口 相當過癮 麵既軟硬度亦係食客自己選擇 我揀左適中 麵質彈牙 而且索哂啲湯 真係一級捧！ 另外朋友order左墨魚汁湯底既黑王拉麵 朋友都話非常好味 下次可以試下！ p.s.1.汽水收十三蚊罐 相當貴 重點係唔夠凍 p.s.2.張枱係摺枱 我同朋友被安排坐係枱既側邊 枱腳頂住左我地 相當唔舒服

榮式已經唔係第一次食 北角分店就第一次黎 每次都一定係食雞扒飯 呢次都唔例外！ 雞扒保持即叫即燒既做法 抵讚！ 出奇地飯既份量比其他分店既多 非常岩我呢個大胃王 之前每次食都要叫多飯 今次唔記得左 但今次份量岩岩好！ 可能下午茶時段 店內計埋我得四枱客 所以侍應態度都算好 總結：食物水準保持一貫高水準 環境寛敞 服務質素可接受 有機會過黎呢邊都唔駛煩食咩野

星期六同女友行行下行左去海光街 見到呢間拉麵館 裝修都幾別緻 決定入去試下 入左去一睇就知老闆唔係香港人 廚房非常寛敞 全部20個座位都係吧枱 一坐低就有廚房師傅問我地食過未 未食過就俾左個餐牌我地睇 然後就有位樓面員工幫我地介紹 佢解釋得非常清楚同埋細心 佢地有個今期推介既安格斯牛肉拉麵 非常吸引 可惜我唔食凍既麵 如果唔係一定會試 最後我地揀左豚肉拉麵同香蔥拉麵 兩碗麵味道都算唔錯 麵質夠彈牙 略嫌湯底都係濃左啲 豚肉見到師傅每碗都係即叫即翻煎熱 相當好味 如果配料可以多番啲就perfect 例如加番啲粟米同紫菜 汽水貴左啲 13蚊罐 好夠凍 不過下次都係食完過隔離7仔買 總結：服務態度好 員工有禮貌 食物質素不錯 環境裝修順眼 價錢尚算合理 可以再黎