eatuphk 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-11-20
大排檔依家買少見少, 好多都執笠, 一係好似呢間咁, 搬o左上樓! 雖然係咁, 但係氣氛都仲係咁熱鬧, 又有冷氣, 不過係嘈d! 見o左兩樣試下先, 蜆介鯪魚球同粉絲什菜煲!!! 嘩, 好彩叫兩樣, 唔係實食唔哂, 勁大碟!!!! 個鯪魚球炸得好靚, 唔油, 而且好彈牙!!!! 個什菜煲好豐富, 又多蝦乾, 大大隻, 正!!! 完全保持到大排檔一貫傳統, 平、靚、正!!! 下次一定要call一大班人o黎食多d!!!!
評分: 味道 4 環境 3 服務 4 衛生 4 抵食 4
2012-11-20
都聽同事講過話呢間d意粉好食, 但真係咁耐都無試過, 今日難得要OT, 即管單人匹馬去看個究竟! 去到o岩o岩開晚市, 無乜人, 但已經放o左幾張留座牌!!!! 一入到去, 真係忍唔住講句「好香」!!! 唔知咩香味, cheese? 蕃茄? 蒜? No idea.... 只係得六個晚餐選擇, 簡而清, 全部海鮮, 無肉! 依家香港地都幾罕有!!!! OT嘛, 對自己好d, 揀過最貴o既, 藍貝意粉! 個餐湯好特別, 蘋果芹菜, 好清, 蘋果味足, 而且食到粒粒蘋果, 爽口!!!! 一路飲湯已經聽到加聞到廚房d煮o野聲同香味..... WOW!!!!!! 無諗過百一蚊有咁鬼多藍貝!!!!!!!!!!! 出面食一鍋藍貝平極都要二百幾啦..... 有成十幾隻, 仲要隻隻都好肥, 抵食!!!!! 香草加海水鮮味..... 食唔停口....... 意粉夠咬口, 一d都唔林, 正! 食食下, 開始多人, 自己一條友都唔好阻住, 食完就走人! 下次一定要再試下其他野, 因為一邊聽住音樂, 好舒服, 一覺唔留神, 真係以為自己去o左歐洲小鎮!
評分: 味道 4 環境 4 服務 4 衛生 4 抵食 4
2011-02-16
平時lunch, office附近都無乜選擇, 所以通常都係英記, 夠快靚正!!! 佢d點心整得幾好, 唔太多選擇, 但夠懷舊, 特別係佢d馬拉糕, 真係無乜邊間有個比!!! 同埋個午市點心套餐夠抵食, 有點心, 又有靚湯加粉麵飯!!! 不過平時lunch time都見幾多人打邊爐, 一直都覺得幾搞笑, 想試, 但個一個鐘放飯, 唔夠盡興!!!
評分: 味道 3 環境 3 服務 3 衛生 3 抵食 3
2012-11-20
完全無諗過深水步會有咁超值美食!!! 同事帶路, 小小檔口仔, 一張堂食檯都無, 全部擺街! 老實講, 如果自己行過係唔會試, 因為對住個垃圾站, 衛生環境睇落一般, 但係一試就知係禾稈擒珍珠!!!!! 食o左碗北京餃手攪麵, 睇住個師父將舊麵團放落部機, 係你面前攪, 一條條麵條即攪落個鑊度, 新鮮度爆炸!!!! 老闆娘就即包餃子, 隻隻都包到脹爆, SO COOL!!!!! 三兩下手勢, 一大碗手攪麵就擺係面前...... 六大粒新鮮餃子仲要有菜....... 大碗抵食之餘, 仲要超好味!!!! d麵好有口感, 彈牙, d餃子又足料, 湯底完全無味精!!!!!!!! 極級美食不過如此!!!!!! 平、靚、正!!!!!!! 下次一定要試下佢d打冷野同火鍋...................
評分: 味道 5 環境 2 服務 3 衛生 3 抵食 4
2012-11-20
平時好少去cafe, 旺角果d更加從來唔會踏足! 今日時間好趕, 撞正tea time, 茶餐廳勁多「自由人」, 見呢間cafe無乜人, 裝修都見ok, 試一次啦! 下午茶餐都要三十幾, 唔平! 叫o左個蕃茄吞拿魚意粉, 無期望底下, 都仍然係禁不住「唉」....... d意粉都真係林得幾勁, 仲衰過茶餐廳, d茄糕味重到不得了........ 唉~ 旺角貨色, 下次真係咪亂o黎!!!!!
評分: 味道 2 環境 3 服務 2 衛生 2 抵食 2
|