新天地人中華料理 (太子)

姨姨服務好 座位坐得舒服
5人行叫4人套餐已經好夠食 仲要有生猛海鮮
點生猛法？花螺上菜嗰陣全部都識郁㗎！縮下縮下咁哈哈
套餐湯底揀咗芫茜皮蛋同蕃茄薯仔
牛肉質素唔差 呢個價錢嚟講抵食
另外散叫咗烏冬啊 響鈴啊 牛豬拚盤咁
埋單都係每人284蚊！
推介鮮腐竹！一層層真材實料，唔會一煮就爛！
套餐汽水可以轉羅漢果菊花茶 似自己煲 唔會死甜 仲超大渣！
坐得耐姨姨唔會趕客仲問洗唔洗飲啲茶
太子大把火鍋店排曬長龍，大家happy friday嚟食唔洗餓住等位嘛！

醬家 (旺角)

因為健吾, 知道了醬家的存在
那天在油麻地等入場看戲, 特意走去品嘗
因為剛從日本回來好想吃拉麵
一看, 咦?只有蕃茄湯麵?
不吃辣, 唯有點蕃茄雞肉麵
湯頭濃郁偏酸, 偏粉紅, 能嘗到新鮮蕃茄的味道
非一般罐頭湯底
雞肉味道有點像白切雞，不是一般滑雞
如果你是喜歡吃蕃茄湯麵的，不妨來支持小店

吉壽日本料理 (旺角)

想係放題大食刺身借以回本既朋友，請千祈唔好揀呢間
因為呢間魚生質素有待改進，最欣賞既反而係炸物、串燒呢類
是日同男朋友嚟食，係我第二次嚟，book左7:00等左一陣就入得，原先係最出面接近門口既一張二人枱
要求換枱既情況下亦即刻換成入面既二人枱，加上今次係左近幫手落單既waitress幾有禮貌
上菜既速度快而且無錯單漏單既情況
所以是次對服務感到滿意！你知啦！放題咁手忙腳亂想要好服務幾乎係可望不可及~~~

食物方面好鐘意佢既牛柳粒、燒羊鞍，惹味得嚟又唔會乾同硬，串燒亦都係同樣好食！！
不過今日既雞軟骨串燒唔知係咪唔記得落鹽無乜味
芝士魚餅推薦！！！裏面真係好多芝士叫左2碟~~~~
鯖魚燒得唔錯，皮脆肉嫩，肉汁鎖住左~~~~每碟份量為半條，idea幾好唔怕食唔曬
雞翼皮脆脆乾咁不過不失~~~
吉烈蠔唔可以錯過！！！！唔會腥！！！外層好脆~~~~~
男朋友唔鐘意食鍋所以無叫到~~~~~

對佢既魚生完全無好感
吞拿魚既肉質好差劣又未完全解雪~~~~希靈魚都係！！三文魚只係不過不失~~~~
八爪魚腥到食唔到~~~~~
鰻魚薄得嚟又無乜汁~~~

雖然一分錢一分貨，但佢既吞拿魚真係難食到接受唔到

如果後生仔三五知己想食番餐都係唔錯既選擇，我見好多學生都一堆堆嚟食
幾個女性朋友約埋一齊增肥都得記住食多D串燒同炸物

Ace Burger (天后)

石磨坊 (旺角)

而家食糖水真係好貴動輒都幾廿蚊~~~
好似我鐘意食懷舊糖水既人真係唔公平
偶然間見到石磨坊咁平就試吓啦！！
我由細到大都好鐘意食紫米露
佢呢度既椰汁黑糯米（紫米露）真係好多紫米我好鐘意啊！！！！！
其他鋪頭有呢款甜品通常好少紫米一唔係D紫米爛曬一pat pat
呢度既仲可以嚼吓，再加埋D西米頗有口感架
學生一個唔呃人既！！
20蚊碗我覺得價錢非常合理~~~~我返到屋企都成日掛住佢想食
仲有我個FD話佢D黃金球好得意好好食~~~~大家可以加一份落糖水度試吓