我叫聰聰 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-05-01
找到了新工作,公司在油塘,有我既出現即係有人要離開,於是和同事食一餐,當係見面禮吧.係OPENRICE找到御膳,決定試一試吧,連埋我5個人,訂位說明每人約300蚊左右,指示唔食翅 同事們大多未食過私房菜,因此十分興奮 推介美食: 芝士龍蝦,水煮魚,御膳炒飯,霸氣西瓜盅
評分: 味道 4 環境 3 服務 3 衛生 3 抵食 4
2015-11-01
又去到佈滿拉麵店既銅鑼灣燈籠街,今次簡左日本過江龍三田製麵所(仲有兩間未試,唔計豚王).....簡左佢既原因係已經唔洗再排隊~需知道一開業好有人氣. 呢間既沾麵好似好出名~~那就試試$88 既豚骨魚介吧,88蚊係因為佢有420g既麵,如果細食既可以簡番$78既份量. 麵條係好煙韌既,但掛湯力不見強.呢個唔係重點,那個湯汁真係唔好食,佢地應該係以豚湯和魚介粉溝埋,加上適量既醋而做成.但個問題係,佢溝出來個味道好不討好,既沒有豚湯味道,魚介亦唔香. 都唔講佢地無靈魂死實實既叉燒和蛋蛋,另外湯汁溫度是暖暖的. 如果大家未試過既,我建議可以剔走呢間..
評分: 味道 1 環境 3 服務 3 衛生 3 抵食 3
2015-10-25
大鄉里油渣麵初體驗....專誠一試呢間深水埗周記油渣麵!因為成世都未食過,又聽人講好好食.老實講咩野係油渣我都唔知. $30細碗/36大碗....差唔多價錢當然叫碗大試試..立即放舊渣入口...全是肥豬肉吧....有些炸左有些無炸,比起一般肥豬肉爽,部份個味道有點似臘肉既肥肉味.炸同唔炸味道基本一樣.感覺上味道略為單調,而且真係好肥,我都頂不住了. 麵條有點似烏冬,但係質素有點問題,食食下部份麵條沿中間一分為幾,變左米粉.口感好奇怪.湯底就是豬骨湯,但都是沒有層次的,所以建議大家自行拎檯面既辣醃菜,蔥之類調味. 總結:唔識欣賞
評分: 味道 1 環境 3 服務 3 衛生 3 抵食 3
2015-10-19
係上環路過呢間唔係漢堡包店...原來係賣飯堡...飯堡呢樣野係香港好似永遠都HIT唔到. 不過呢間有趣一點點,就係舊飯係紫菜飯,比較多一點風味,但同時飯粒略為鬆散.如果飯粒可以多一點麻油香就更正呢.餡料我簡左雞扒,原來係火辣口味,個味道有點似五香肉丁罐頭,但再辛辣幾倍.雞肉就OVERCOOKED,個口感又係似五香肉丁罐頭. 都幾有趣既...飲品就係沙冰..麻麻地,不建議大家飲.
評分: 味道 3 環境 3 服務 3 衛生 3 抵食 3
|