上一次去又一城, 本身諗住試下呢間. 但因為實在超多人係出面排隊, 放棄左.  
今次, 都係咁多人, 所以決定係FOOD COURT食完後, 行一陣再買外賣CAKE 試試.

賣相講真, 好吸引~!
不過試落, 只可以講一句, 超級普通. 真係唔值$32/件

不過可能間店唔係CAKE出名吧~
栗子CAKE, 栗子味濃, 不過同美心差不多.

藍莓芝士TART, D 藍莓係好大粒, 都甜既. 不過個芝士TART就麻麻, 個餅底都好一般.

今日2人終於一試德福新開的金滿庭.
星期日約1時到, 居然不用等位. 
一入去感覺格調與 旁邊的X香不同, 明顯是較為高檔, 當然亦知價錢有別.... 仲有, D 冷氣好凍.

因為想試試和商場內的X翠有咩唔同, 所以都點了平時在那間所點的東西作比較.

$326:
酸辣湯拉麵$52 +四喜烤夫$58 +一口小籠包$52 +生煎飽$48 +排骨湯拉麵$64 +茶水巾芥$22 (加一)

其實整體味道不錯。

不過, 輪麵底, 金滿庭比較林身, 飽肚感大D. 但我都係中意另一間手打的口感較佳及滑.
而小籠包, 金滿庭比較優勝.
其他的都差不多.

至於金滿庭既人蔘烏龍茶, 喜歡佢既甘香, 回甘.... 沖到第3次水先覺得鞋口已經算係咁...
不過就略嫌第一次落得太多茶葉, 好快D茶就勁濃,  太'容' 了.  如果佢有個OFFER 係建議客人中途再加茶葉會好D.  咁開頭就落少一半... 咁樣味道會調較得好D.. 因為真係超級'容'...

咁...感覺是偏貴了點.... 本來想試賽螃蟹, 但要$92... 所以放棄左....

打左電話黎訂位, 原來係訂左上樓新店. 主店職員話因為上樓新店用左主店的電話. 所以下次黎食BOOK位, 要講係主店定上樓新店呀....  上樓新店有加一茶芥的。 主店比我想像中細, 一張8-10人大檯加 6-7 張4人檯, 不過我地得3個人. 又廢事行, 最尾係地舖主店食.我地點左 欖菜菇粒炒飯, 肥牛粉C煲, 同一個粉米.
欖菜菇粒炒飯: 唔錯, 最緊要唔係好油, 我平時絕少食炒飯的, 加上出面的炒飯好多都好油. 呢度唔錯呀, 有鍋氣, D飯粒粒乾身, 又唔會太過濃味太過味精~
肥牛粉C煲: 當然唔好EXPECT牛肉係真牛肉咁. 不過味道都唔錯的~
炒米: 唔記得左咩名. 不過炒得幾香.

原本仲想叫, 不過店員話叫我地點住先, 驚我地食唔晒..... 哈哈, 其實份量OK. 我地真係好飽.好彩冇點多. 唔知佢係咪事頭婆, 都好好商語, 又同我地傾左幾句.  唔錯... 有機會會同其他朋友再食..

CWB呢間環境格調不錯, 牆上BABY的照片也很靚. 我地星期四7:40PM入座, 冇咩人, 唔錯.
唯一之後多左人, 就有點嘈. 建議枱與枱之間空間多點, 滿座時感覺冇咁迫. 挺喜歡MENU : A + B = Angela + Baby = $118 (+10%)
餐飲我諗應該每日不同, 可選 熱飲/凍飲.
熱的真係可以一試, 味道清新特別

我地2個女仔叫左2個餐 +甜品: 包+湯/沙律+MAIN+飲品 $118 +$35 (+10%)
因為2個人試, 一個叫湯, 一個叫沙律.

首先講下 牛角包, 之前睇網評話好味, 估唔到真係好鬆軟, 我朋友在外國生活過, 佢話真係好似外國果D！

濃蝦海鮮湯, 朋友話應該是罐頭開的. 味道十分普通
烤雞凱撒沙律, D菜好新鮮, 好味

朋友點了 MENU 12. 的 美國牛肩扒鵝肝配野菌汁(5成熟), 好味！ 夠份量, 5成其實都好OK的
見到 隔離枱有位男士點了menu NO.4 的羊架得2件的, 感覺 食=冇食

我點的, 是No.7 既 Baby三食(日式黑松露炒蛋, 火炙鮭魚腩, 香草蕃茄意粉)3食~ 好味.
d蛋都應該有用北海道牛乳,火炙鮭魚腩(2蕭)好味, 如果有多一舊會開心D. 意粉都唔少(一初以為得果一注, 點知整開佢, 份量都OK , 味道質地都好ok)
因為我地想試甜品, 所以冇加錢叫特飲, 只係要餐飲. 我揀左熱飲,
熱茉莉花茶, 有塊薄荷葉既野, 有D蜜糖, 好味, 感覺好清新. 建議要熱飲, 唔好攤凍先飲.


甜品我地BABY推介的 比利時朱古力雪糕+軟心朱古力 ($35): 舊雪糕都好好味, 有朱古力片的. 個心太軟好軟熟. 雖然細蕭左D, 不過其實都會膩的.

另一個甜品柚子雪葩 +鮮橙糕 ($35)~ 呢個真係唔得, 個雪葩都可以. 個鮮橙糕(一初睇英文係CAKE, 原來係似紅弄糕既質地) 好難食, 又苦又怪. 唔得！本身我想叫"香梨蜜糖蛋糕配青檸雪葩"的, 但賣晒, 改左呢個. =="

總括黎講, 原本諗住BABY CAFE賣樣, 點知D食物味道質素都幾好. D STAFF服務都幾好. 我地飲緊湯果時有人出MAIN, 個MANAGER都話佢做咩咁快出. 唔錯.