同男朋友ge同事gathering,去左老闆屋企打牌玩deal~
玩到6點,就去左附近萃華食飯
因為時間早同book左枱ge關係,一入去已經有枱,唔使等位~
老闆一早已經落左order,我地一行17人就乖乖等食~

第一味當然係最出名ge燒乳鴿啦,一人一隻原隻上,一隻有一隻手掌咁大啦,一上枱熱騰騰,個個即刻夾番隻先
一撕開隻脾d肉汁就漏出黎,好juicy啊~
食落口d肉好嫩,一d都唔肥,就算減肥中的女仕食完絕對唔會有罪惡感!
而且乳鴿跟碟ge蝦片超好食,依家喺出面ge酒樓好少會咁傳統有蝦片食ga la~食完燒乳鴿,就食番d清清地ge蒜蓉蒸開邊蝦~
一隻蝦差不多一隻手指咁長,初初以為蝦仔細細會有少少腥,但食落又唔覺喎~
仲好鮮味添,連只食大海蝦ge男朋友都食左幾隻~

第三道主菜就係扣遼參啦~一人一碟豪到震!!!
人地話食鮑魚海參呢d淡味ge海味最緊要係個汁,個汁好味的話先至唔會浪費左d咁名貴ge食材喎~
初初食落口,唔....學男朋友ge口頭蟬 "好正常啊,冇咩特別",清清地又唔硬身咁,點知旁邊棵菜先至係最正,入哂味~正正正!!!跟住就一連上左2個菜,咕嚕肉同蝦籽柚皮~
一濃一淡,有我最鐘意食嘅咕嚕肉,又點會放過呢~
唔好睇佢細細粒,其實啖啖都係肉,同出面一般酒樓用肥膏黎整簡直差之千里!!!
蝦籽柚皮就真係食唔出係柚皮喎,好"林"配埋蝦籽一流~接著又係一味佳餚: 炸釀豆腐,豆腐表面脆脆,但一咬落口,咁滑ge!!!!
味道外濃內淡,仲有少少蝦膠釀左喺面,可惜預左一人一塊,如果唔係就一定食多2塊!!!

清蒸海邊斑,比我出街食飯就唔會叫,因為試過好多間親都係好"鞋",怕怕loo...
男朋友唔喜好海鮮冇食到...我就食左少少la,估唔到好滑喎,就算咁大條都唔會蒸到老哂,下次黎食就可以放心叫啦~

焗魚腸,因為唔食內臟ge關係我冇食到,但見同事個個一匙匙咁食,好快就冇哂loo....另一個必食ge菜: 椒鹽白鴿蛋!!!!!
隻蛋嘅表面係椒鹽,好野味,但入面嘅蛋白只能夠用一個字形容 "滑"
咁大個女第一次食,都未食到隻白鴿蛋其實係咩味,就已經滑左落喉嚨度....哈哈!!!
老闆話原來d白鴿蛋來貨價好貴ga,所以今次有得食就要好好珍惜~~ 瑤柱扒豆苗,個人偏好食菜,但又唔係咩菜都食ga bor~唔係時候絕對唔食~
呢個就真係好好味啊~
同行之中都係好菜之人,碟菜好快又冇哂loo...

秋風起 食臘味~~
今日咁凍食就一流了~
食左一舊臘腸,瘦得黎唔鞋身,一咬落去唔會有d油噴出黎但又好香肉味~之後上左2個糯米飯~
食到呢一刻已經飽到上心口了...
但都忍唔住食左一匙, 真係要學xtv個飲食節目主持人講一句,個糯米飯真係好"糯",飯有飯味,臘腸有臘腸味又唔肥膩!!!!食飽飽仲有生果同豆腐花食,個豆腐花又係好滑!!!
心中有一個好大嘅問題: 究竟d豆腐係搵咩整ga,滑到咁ge....
係咪真係山水豆腐花就會好食d??????daddy尋日都話佢當年同mami拍拖都係食萃華最出名ge乳鴿,估唔到今次輪到我喎~~~
番黎見到openrice其他朋友仔ge comment 先知原來仲有豬油飯,芋茸卷,炸鮮奶未試......
下次一定要去食過~