口水雞套餐，盛惠4x蚊。價錢唔算高。口水雞一般，雖然調料唔錯，但雞肉始終卑人感覺唔係咁新鮮。酸辣粉就真係相當正啦！絕對地道好食！回味無窮。。

所以，下次我唸我會散叫酸辣粉，或同其它配搭。

砵蘭街上的這家小店。店面就是廚房。不設堂食只能外賣。食物只有三種，重慶涼麵、紅油抄手（重慶雲吞）和豆漿。涼麵小碗8蚊大碗14蚊。細碗涼麵同埋豆漿擺係門口的冰櫃裡，涼麵分唔啦、小辣同大辣。雲吞係現場即煮。因時間關係，今次無得等即煮雲吞，唯有快手拎兩個細碗涼麵，盛惠16蚊。涼麵真係好好食！！！！！啲面煮嘅力度啱啱好！調料用料亦非常有誠意。簡單一個字：正！下次有機會會再來試紅油炒手！

呢間餐廳以前有friend介紹過，嗰晚咁啱過來銅鑼灣shopping， 兩個人選咗呢間來試。

一入來已經聞到濃濃的香味，對呢餐霎時十分期待！有兩人套餐同埋四人套餐。但因為我想食酸辣粉，我們決定散叫。口水雞 例牌， 正！黃皮白肉，雞望落去非常新鮮！唔似有的餐館嘅口水雞，煞白嘅皮同肉，睇落第一反應唔係美味，而係雪咗好耐嘅冰雞，第一印象已經大打折扣。雞肉serve時嘅溫度啱啱好，不會過凍，而且調料用料十足，啲汁好香好好味！LIKE！青椒皮蛋，麻麻地。量細的來，味道一般。啲青椒黑色嘅。。。唔知做過乜野處理。相信下次如果唔係好想食皮蛋，都唔會再試。。素菜涼拌拼盤，正！青瓜唔係淨系切一塊塊，仲做多一步大力拍嘅動作，咁樣啲青瓜更加入味！酸辣粉，正！好好味好地道！唯一缺點就係啲紅薯粉煮的過咗少少，口感太lum，如果唔係就perfect啦！唔太辣嘅擔擔面，啱唔多食得辣嘅人。面煮嘅力度剛剛好，夠筋道。時間短咗會覺得未斷生，長咗又會覺得太lum。撈埋啲調料食，正！鐘水餃。啲水餃都唔錯嘅，但係調料我就真係唔識欣賞啦。好似加咗好多糖，食落去甜甜地，：（青瓜豆漿都好唔錯！豆漿成日給我嘅感覺都係好稠，飲完會覺得更加頸渴，同埋有時啲豆漿會有少少腥味。不過加咗青瓜後，青瓜給豆漿帶來另一種風味，青瓜嘅清甜讓整杯豆漿好清爽易入口，解辣解熱必備！正！

過來黃埔花園附近探朋友，晚上相約一起吃飯。200幾蚊燒肉放題，唔包野飲，只有各種肉和少量和食（比如天婦羅）。限時兩個鐘，分18：00 - 20：00 和20：00至22：00兩個時段。因為個日系星期日，我哋去到已經6：20分，因為第二場已經fully booked，無得以入座時間計兩個鐘，必須8點前交枱

以前食其它日式料理放題，想叫嘅野一系次次卑好少分量，無奈分幾次叫先夠；一系就有店員唔記得落單，等好耐三催四請先有的試。所以今次我哋非常豪放地tick做好多種唔同嘅食物，10分鐘後見到侍應奉上一碟碟肉時，忍不住心裡暗叫：“天哪。。乜原來我哋叫咗咁多嘅。。。。”跟住開始擔心無法向8點前食嗮全部。。。

啲肉好新鮮，上菜好快！我們食得好滿足！！！

偶然看到食評，立馬被the sinking island吸引到。於是某日放工後趕來這裡一試。店鋪不大。需要自己到收銀處下單（這感覺好像去到快餐店）。裝修以baking題材為主，很別緻。店主拿了不少獎呢～此行嘅主角, the sinking island

飲嘅時候將網狀朱古力球放入熱朱古力杯中，朱古力球會慢慢溶化，好似個小島慢慢沉入海中，正如其名the sinking island！飲落朱古力味濃郁，不會太甜，正！好飲又好玩！

三個女生的聚會。有人提議不如去這間蒙古燒烤店。

晚上自助餐HKD195 加一，有甜品和沙拉，唔包飲品。不限時！女生聚會梗系有好多野傾架啦，食嗰啲限時兩個鐘嘅自助餐真係唔會唸住慢慢傾偈，都係著緊時間食飽食好為上。

嗰晚我同另外一個女仔7點前已經去到。坐低一路傾偈食野，一路等另外一個女仔（她最後都係差唔多8點半先到）環境唔錯，裝修都幾有風味兒。同埋唔會坐得好擠逼。當晚我們就坐在一角的這張四方桌邊，飲飲、食食、談天。其實呢度食物選擇唔多。主角蒙古燒烤玩嘅就係唔同調料嘅配搭。有素菜肉類自己選擇原材料，跟住自己配搭不同嘅調料，交給師傅炒製。調料有over20種，大膽將各種調料放在一起，興奮地期待出來的味道和效果的心情，和最後發現原來味道還能接受的驚喜，都是在這裡獨到的體驗

42蚊無限量refill的軟飲，我點了姜味汽水，味道不錯。當晚三個女生工作生活各種喜怒哀樂盡情分享，一路聊到10點多餐館打烊，真是好開心！

食物不差，價位不高。美食真是見仁見智。而那一晚在這裡小小角落裡的閒話家常，格外溫馨。

男朋友提前幾日book位，唸住星期五晚放工後兩人坐小艇嘆海鮮撐枱腳。最先book位時話只有夜晚8：45分有位available.週四收到電話確認booking時順便問下有無得提前，竟然咁um19：45有空位。 OH YEAH!

兩人頗費一番功夫先搵到搭船嘅位置。call店家，等咗差唔多10分鐘即刻有嬸嬸級人物撐艇出來接我哋。其實來呢度食飯真係好簡單。電話book位時講清楚想食乜野，好讓店家提早準備好食材（所有食材都係店家去市場精挑細選買返來架，唔係自家養~所以一定要提早講清楚要食乜野！）一”圍“人一隻艇，來接你嘅撐艇人就係你呢張”枱“嘅”侍應“，有乜野搵距得架啦。

我哋因為只得兩個人，於是接受店家提議，選擇了兩人套餐。飽餐一頓，兩人餐盛惠10xx。折約500蚊一人。其實去西貢食餐靚地嘅海鮮都要呢個價錢啦。仲要如此有風情咁坐小艇慢慢嘆，真係享受。

不過小艇有時有D晃，暈船浪嘅朋友可能唔舒服～

提前兩日book好枱。10個好友聚會，來試朋友推薦嘅御火鍋。

來之前已知道呢間出名食鱷魚火鍋。坐低觀望四方，有各種鱷魚擺設，小電視裡不斷播放人工養殖鱷魚的宣傳片。食鱷魚？其實心裡有點怪怪的。。。

因為人數多，又想試多啲野。我哋叫咗兩個不同湯底來試。一個系朋友推薦嘅呢間出名嘅番石榴蘋果雪梨煲鱷魚尾膠，另一個系椰子雞湯。侍應也不時會過來推薦一些飲品或食物，即使我哋唔接受也唔會態度差。。

首先上湯底，每人一碗湯。兩種湯都鮮甜好飲，回味無窮。（因為太好飲，我事後忍唔住系屋企嘗試煲了番石榴蘋果雪梨豬骨湯 & 椰子雞湯～從此本家食譜多咗兩種住家湯選擇） 每人一碗飲完後，加水再煲，開始打邊爐～

所有材料都好新鮮，加上鮮味湯底，真係好滿足！啲侍應服務好好，又風趣。真係朋友聚會打邊爐嘅好選擇！

午餐時段有lunch special套餐，10幾種選擇，HKD35~50左右一個套餐唔包野飲。

套餐主要都係飯類同即食面。是日選擇泡菜炒豬肉配米飯餐，加6蚊加一罐蘆薈提子汁。所有套餐都會奉送小食兩碟：辣白菜+姜。

泡菜炒豬肉泡菜味十足，不過豬肉可能切的太薄，炒的時候容易散，口感麻麻。呢餐飯盛惠40+6=46蚊。是為不過不失值得考慮的午餐點也。

有朋友過來香港出trip，約一起食飯。他同事介紹過來呢間酒店食自助餐，兩個人，用恆生信用卡88折之後都要800幾蚊，真系幾貴吓哦。環境：一般，無咩特別景看，裝修也不見特色。朗豪酒店本身系一間好有藝術味兒的酒店，可惜好似系The place就見唔到。不過始終都係5星酒店，不會太嘈雜，坐位都夠鬆動，燈光唔算太光，好um兩個人傾偈。食物：老實講，食物選擇不算多。同埋我因為身體原因呢排盡量少吃生冷野，所以選擇更加少。好彩呢度有好多甜品選擇，都沒有太失望。甜品都係細細一份，我食咗好多。。哈哈。服務：老實講，麻麻地0者。食完野都要等陣先有人幫手收碟。D水飲完又不見有人幫手斟。。。不過態度都OK。 hmmm...無咩特別的自助餐。基本上我認為好唔抵。。。。所以，如果無咩特殊原因，應該都誤會選擇去第二次啦。