羅富記粥麵專家 (中環)

經過諗住食下小吃當下午茶


叫左一碟大既（六粒）炸鯪魚球，佢送左一碟蜆蚧

平時食小碟（三粒）配一碟蜆蚧就剛剛好既，
但係叫左個大就唔夠啦。

然後我問個員工要多一碟 佢立刻拎晒頭話：「無啊，十蚊啦」
😨

完全唔明白佢地既安排
小碟$20 大碟$40 ，價錢按比例，但蜆蚧就沒有，變相少左。

結果咪乾啃兩粒半鯪魚球

其實如果無得點蜆蚧食，成個鯪魚球即刻遜色曬，唉～


講真d野幾好食既，但係今次經驗勁唔開心
如果佢地寫清楚要額外收費，我就會分開叫啦，嬲嬲地！

就係佢啦

豊洲水産海鮮丼専門店 (灣仔)

因為無得訂枱聽講超多人排，有人神早去左拎定位
可能平日又剛剛7:00pm 所以未見人龍，基本上佢等埋我齊人就入得啦。張枱都幾大，食都食得舒服d👍
一坐底menu都未打開，隔離枱個鹽燒魚鮫陣味不停攻過尼，痴線 香到暈
就係我地研究緊叫咩既時候，有個好talkative ge侍應告訴我地d鰒身無好肥，所以會比多兩舊我地😂😂（但最後發現全世界都係六塊😂）我覺得個中拖羅係最好食，佢軟熟且有油份但唔不至於溶到成口油，又夠魚味👍平時好小一次過食咁多吞拿魚，依家先發現自己中意中拖羅多d😂
至於個魚蓉加埋d紫菜加飯加清新既柚子味加蔥 依個配搭簡直一流正正正正正正正正！
同時不禁想起上次係果間「西村」個唔係太得既蔥吞腩丼lunch都要成$3xx 🌚真係嬲嬲地（呃錢記得唔好去！）

講真豊洲依個水準依個價錢係超值大拖羅
稍為有小小根未完全夠入口即溶 但都好好味依個丼先係我嫁 甜蝦/帆立貝/油甘魚丼
好一個平鋪直敘既名😂
丫！佢漏左三文魚子
佢個三文魚子比平時見果d細粒小小，好得意都幾好味，其實三文魚子唔腥我就覺得幾好食嫁啦
另外果d 魚生 好新鮮 好甜 都係一個字！正！
$98咁新鮮咁足料真係好鬼抵食！好掛住係銅鑼灣番工既日子！happy Friday 可以食！

話說talkative ge侍應又告訴我地叫燒魚好快d叫，佢地就尼加價啦😂😂
Haha okok let's see 😂😂依個燒到勁爆香！而皮就係連埋魚鱗燒的，燒到脆卜卜，大家唔好以為魚鱗就唔食，黃金蝦既道理，殼先係重點ok?
（蘿蔔蓉同檸檬醋都係重點尼🙈🙈）
「檸檬醋」不是檸檬加醋 ，係其中一款醋尼，雖然係好普通買到既汁，但偏偏唔係成日食到依個味，唉⋯
今日食得番梗係要狂點hahahaha 📷✌🏻️
佢個飯都唔差嫁好夠「焾」力，醋味適中，都有7分👍差3分 略兼有點塞得太實同埋唔夠咬口 。
佢地都幾貼心 可以免費為客人加飯
不過我個人應為一個丼都已經好多飯 大家可以食左先再問佢地拎都得 d 侍應都幾好人。

後記：食到一半尼左枱男女，個女既好似係熟客咁款，嘩一坐底勁大聲講野🌚🌚嘩嘩嘩
大聲地將成套tvb 劇集同個男既講一次🌚🌚
救命 🌚🌚🌚
我唔想聽🙉

Amalfitana (淺水灣)

佢個位置係以前既Lab made,而坐位就延伸到商場內，梳化果邊好似好舒服🙈望一望個menu 佢地食物種類唔太多
就只係得pizza 同一d starters
可能晚上9點多關係 有幾樣已經sold out 😂
本來諗緊兩個女仔食兩個pizza 太誇張
而pizza+salad又唔知夠唔夠
但原來個salad 入面個汁係有混合埋d芝 所以都幾「漏」
Barley salad
本身係多d同靚d嫁
食左發覺好正先影相，所以無相機食先🙈
個汁好香芝士同香草味，入面仲有好多nuts 同車喱茄
依個salad真係一百分呀！！應該會成日心思思想再吃食完個salad 後
再期待多大概20分鐘
Pizza 終於都到了不知名pizza有無留意係無切嫁
好得意原來佢地文化係自己用交剪剪
食飽之後出面行雷閃電得好厲害！
由於係海灘 無建築物阻擋
見到成個天都怖滿雷電 勁震撼
D食客全部都好興奮😂😂 突然之間好熱鬧咁樣

Cucina Emilia (觀塘)

係APM個supermarket 行行下之際，見到間裝修幾靚既pizza店，仲有人即場整pizza麵團。本身以為係餐廳，發現原來佢都係food court一部分 , 然而外邊d椅呀桌呀，唔似平時d food court求求奇奇，靚好多，好吸引人食。
再望下價錢，平均三十幾蚊件，以佢個pizza 既質素，算幾抵食。
可惜當我地揀緊pizza果陣，個玻璃櫃入面竟然有隻"昆蟲"爬下爬下！係細細隻尖尖果種，但都成塊手指甲咁大隻，超吸嘔心。
當然立刻同廚師講啦，一講完佢無啦啦倒曬d 麵包
但我心諗"昆蟲"係菇pizza隔離喎，都唔關麵包事，佢反而無去倒隔離菇pizza ，浪費曬d麵包  
最後捉左啦，已經唔敢食，走左去隔離壽司店。
但最後始終無法抗拒菇pizza 既魅力，我地決定等一等，佢地pizza都賣得幾快，等多左五至十分鐘左右，原本係"昆蟲"隔離果幾塊菇pizza都賣完出左個新既，立刻買！佢個名好似叫 黑松露磨菇芝士？？
唔知咩名啦，總之非常吸引！本人甚為喜歡這類型既pizza，好多時去餐廳都係揀佢。
而今次呢間，佢個餅底做到好脆，但又唔會太乾，非常多既芝士，好香濃既雜菌味！雖然未去到每一口都係菇但已經算好多料，加上佢味道絕對唔輸蝕，洽到好處，愛菇人仕一定要試。
對於只係普通外賣pizza 加上大眾化價錢都可以做到咁既水準，令人喜出望外。
如果開近d我 我一定得閒又食，放工又食
不過希望佢地下次衛生搞好D。

居食屋「和民」 (銅鑼灣)

今日星期二，不用等位，但入到去都full左8成，本身被安排坐近廚房位，由於open kitchen 既關係，d串燒味全部飄曬出尼。或者有人會覺得香噴噴，不過要我聞足一餐飯就麻麻地了，所以叫左侍應安排另一邊。
侍應們禮貌都好好，幸好入面還有位置就往裡面坐。
當我們決定下單時，侍應突然跪下 ！！！和民給我印象未算很高級，真的不用下跪太誇張了👀
日式鰻魚出汁蛋
好正！熱辣辣，d蛋吸曬鰻魚既味，超好吃

  壽司盛
油甘魚：比想像好吃，沒有根，口感軟熟，啖啖魚香味
八爪魚：生的  不是平常死實實的，也很好吃
赤蝦，三文魚都是大概9分
可惜，件帶子不新鮮，帶有腥味

  豚肉露荀
正！燒到d肉香噴噴夾埋清甜露荀一口一塊
  四寶雞串(雞頸肉，雞皮，七里香，雞軟骨)
首先，本人甚愛食肥野。但依兩串完全唔掂，只是堆沒有處理得宜的雞垃圾！！！仲要成$20一串
本來諗緊佢第一塊咁似雞皮，可能串燒次序唔跟餐目，但食食下唔對路，塊塊都肥，頭兩粒都可以叫燒香左，但果種肥得個油字，同平時燒雞皮既香脆唔同，後面果兩粒更差，先不要說沒有台灣七里香味，第四粒連基本串燒味都無，只有鹽同肥油，係就係有軟骨，但軟骨亦不是被正常鬆化脂肪包裹著，佢是係一塊白色軟骨連一塊全完咬不開的雞皮加滴曬油既膏，喜歡吃肥的人應該明白，好吃爽口鬆化既肥膏同這些得d油既垃圾之間的分別。
非常差，四粒有兩粒咬不開咽不下，燒唔夠！！

不過整體而言，這餐廳還值得再去，那些鍋物很吸引，就只有帶子同四寶雞串失敗，其他食物質素也相當不錯