星期三的晚上，落緊雨，約左朋友去荃灣幫襯福丸水產， 荃灣西鐵站經商場行過去約幾分鐘，都算方便。 收工遲左，上到去都九點零， 朋友先到，地方大，位位之間partition高， 食野時自成一格，幾鐘意。 行到渴渴地，先來個白桃蘇打： 清香的桃味，夠凍又夠氣， 當然還有好多種唔同的味道選擇。 叫了個盛合： 全部有Waiter當面幫你燒，我地負責食，好舒服 剛剛燒好的帶子鮮嫩多汁，肉質細膩， 絲絲甘甜中伴有淡淡的海水味， 烤鮑魚和烤生蠔都是活食材， 燒烤時飄出的鮮香味已好吸引。 鮑魚香嫩有口感，生蠔絲滑鮮味。 唔使任何的調味，大自然的精華，幸福嘅享受。 甲羅燒:  鮮香味濃， 配香脆的麵包口感更佳，不能錯過。 Waiter的燒烤火候掌握的相當好。值得一贊。 天婦羅軟殼蟹： 粉漿好薄，唔油膩，蟹肥滿，香口鮮味。 鐵板燒龍蝦： 龍蝦肉質鮮嫩Q彈， 蝦肉的鮮香味和甜味的醬汁在舌尖碰撞，恰到好處的融合一起， 沾上煮熟的蝦糕味道更濃香鮮，幸福的味道。 銀鱈魚：好肥厚大件， 一口咬落，表面香脆，裏面的魚肉鮮嫩多汁， 淋在表面的醬汁已滲入魚肉中， 中和了銀鱈魚的油膩感，又豐富了口感和味道，相當好食。 桃雪芭：味道清甜，桃味濃郁， 差點連桃肉都食清光。

這間有名人氣火鍋店, 聽朋友講是很有自家品味同好正宗的重慶老火鍋店, 慶幸有朋友生日, 而且大家都好有興趣來麻辣一番, 終於可以來一試了. 哈哈 舖門隔壁還掛上一塊重慶火鍋50强地圗, 可見這間火鍋店排名第一,  真的很有氣勢的一間一線火鍋店. 剛坐下來的時候, 店員就給我們各人一條自家品牌的圍裙, 感覺很好, 因為一般火鍋店並沒有那麼細心, 照顧客人身上有可能會沾上醬料及麻辣湯的不便, 這樣會令客人加分. 每張餐檯上都放有火鍋用的醬料, 但這間火鍋店的混醬, 就唔似其他火鍋店了, 火鍋店會推介傅統蘸醬, 將蒜茸加上香油混在一起, 變成香油碟, 再加上鮮味食材, 真的很美味呀. 另有蔥花及莞茜以供選擇. 一般火鍋店都是用傳統一鍋底及鴛鴦鍋的, 很少會有傅統九宮格鍋底, 這個九宮格麻辣大紅鍋, 選用了茂汶大紅袍和金陽青花椒, 再加入上等牛油及幾十種香料炒製而成. 所以鍋底很豔麗及帶有很濃郁的麻辣鮮香. 現炸豆皮, $30 半份  $58 一份, 即叫即炸, 十分脆口, 當然也夠晒熱氣, 浸一浸熱湯, 入口超正. 淮山條, $20 半份 $38 一份, 浸得太耐會爛, 但不夠時間 又會粉口, 還有那隻紫薯淮山條, 味道更好. 稻田毛肚, $55 半份, $108 一份, 毛肚即是香港人稱呼的牛拍葉, 網上成日聽人講, 重慶最多這些天價毛肚, 稻田毛肚, 要百幾元一斤, 今天試過, 口感一流, 新鮮脆口又彈牙, 少少韌度, 夠薄, 咬兩口可吞下. 極品鵝腸, $45 半份, $85 一份, 與平時食開的有些少不同, 就是完全無肥膏, 所有肥膏被切走, 有些人可能覺得不夠香滑, 但對於女士, 就十分歡迎, 最喜愛那種彈牙煙韌口感. 美國優質肥牛粒, $70 半份, $138 一份, 算是十分平均的半肥瘦, 灼至7成熟最好味. 手打四寶丸, $60 半份, $118 一份, 想食多幾種不同款式的配料, 所以只叫了一碟, 多人分, 分不均勻, 我分得了墨魚丸和蝦丸, 兩款都十分彈牙, 一句講晒: 蝦丸有蝦味, 墨魚丸有墨魚味... 嘻嘻... 手打香菜牛肉滑, $40 半份, $78 一份, 其實即是混入了香菜的大型鮮牛丸滑, 口感有點 像飲茶的山竹牛肉, 牛肉味道就濃得多. 萵筍條, $15 半份, $30 一份, 切得好薄, 只需放落湯灼一灼即可, 入口爽脆. 曉宇苕粉, $25 半份, $48 一份, 皇帝菜, $15 半份, $28 一份, 苕粉即是四川麵店的薯粉, 但切成塊狀, 比麵條狀更彈牙, 甚至有些韌, 未必人人喜歡. 脆鯇魚片, $40 半份, $78 一份, 脆鯇魚腩, $45 半份, $88 一份, 兩款都屬於脆鯇系列, 入口超強彈牙. 美國桶肥蠔, $65 半份, $128 一份, 食過那麼多次桶蠔, 這隻..是我見過最大的一次, 有些少得人驚...哈哈哈...

黃埔花園有很多好嘢食,  早就知道了,  最近才發現在近火車站新區那邊, 開了幾間新食肆, 今日專登去行一行, 想食餃子,  約埋老友記一齊,順便再逛逛AEON,  到門口,  一大個餐牌掛在門上,  推介創意新作. 未到晚飯時間,  店舖客人尚未太多,  可以隨意選擇座位,  整間舖以紅色為主,  裝修十分日本風,  座位寬敞. 每張檯上放了幾款食餃子用的醬料及餐具. 食餃子前叫了兩杯凍飲,  巨峰梳打同Asahi 生啤 一般日式餐廳只係得一、兩款日式煎餃子,  而呢間有很多款不同味道的創作餃子,  朋友就叫咗幾種較新推出的款式, 而我就選擇了一款限定供應餃子.  呢款Shake Shake 餃子, 只係香港分店有售,  有3種Shake  Shake 粉選擇,  梅子鰹魚味、醬油牛油味、粟米濃湯味. 先將熱辣辣的餃子加入調味粉,  輕輕將餃子同調味粉搖混一起便可.   餃子大大隻, 炸至金黃色,  外皮帶點脆,  調味粉跟餃子一起食,  感覺新鮮,  味道唔錯,  加埋啤酒一起,  真的非常好配搭. 呢款牛肉餃子,  餐牌寫住, 用日本牛牛肉做餡. 餃子皮薄,  牛肉軟滑,  肉汁多, 好好味. 雞肉芝士餃子,   一客5個,  外型比一般餃子不同,   餃子外型較方型,  餐牌上寫著, 可選煎或炸, 我們選了煎.  餡內芝士跟雞肉混合一起,  口感鬆軟,   個人口味, 喜歡芝士味濃些. 蟹肉海老特長豪華餃子棒,  餐牌寫: 全長180mm, 無度過, 唔知係未? 餃子外型長條型,  餡內滿滿鮮甜的蟹肉和蝦肉,  口感彈牙,  再沾上少許沙律醬一起食, 味道有別於其他餃子.

好久都無去過新蒲崗這區了, 這區都變化很大, 除了有大型屋苑外, 周邊都開了不少有誠意及特色小店, 加上天氣凍了不少, 經朋友介紹下, 今晚就跟友人來試吓滿粥嘅粥底火鍋.牆上掛有不少手Q版火鍋及餐具, 都很別緻.店鋪以粥底海鮮火鍋為主打, 所以都有簡單介紹. 坐下來後店員都很殷勤地向我們介紹店鋪主打一人海鮮粥底火鍋餐, 只需$198.00, 包括預設7款時令海鮮及自選5款火鍋配料, 聽落都很吸引, 所以我們就選了兩個海鮮火鍋餐.每張餐檯上都放有客戶需知及介紹粥底烹煮海鮮順序及預設時間計時器, 方便客人參考之用.首先到來是一鍋順白色的粥水以用來烹煮首輪海鮮.隨後店員送上預設7款時令海鮮火鍋配料, 一層一層的放在銀盤上, 看似英式下午茶那樣.海鮮火鍋料都很新鮮, 有多寶魚、基圍蝦.多寶魚肉質軟滑.基圍蝦大隻爽口彈牙.鮑魚鮮甜美味.仲有大、細蜆同沙白.大蜆肉質口感較好且很鮮甜, 相對沙白較細少, 個人認為質感就無咁好了.肉蟹膏不多, 但很鮮甜.我們將近食完所有海鮮後, 店員隨即將預設好的南瓜、芋頭及粟米放入鍋內烹煮好後. 我們就可隨即烹煮自選配料.自選配料有醬爆貢丸、墨魚滑, 貢丸彈牙, 味道真的唔錯, 值得一試.炸魚皮同黃金響鈴口感同樣新鮮脆口.肥牛不算太肥, 肉質軟不會過韌, 味道都很好.我們食完後, 店員將鍋內所有剩餘的食物盛起, , 之後便按份量放入粥膽、豬油渣、莞茜、菜脯、蔥花及蛋漿一起攪拌即熄火.便完成一鍋美味鮮甜的海鮮粥.這碗粥不可不食 , 因精華所在, 真的很滿足.

和民全新放題店"震撼登場"!... 尖沙咀店樓下個廣告燈箱咁樣樣講..., 平時去食一餐晚飯, 起碼都二百大元, 現在放題任食, 都只係多廿八, 計埋加一, 多五十, 感覺幾抵, 今晚與同事先食, 如果好嘢, 下星期先同屋企人再來.六時正, 晚市剛開門, 座位任揀, 搵窗口位, 可以一邊望街, 一邊食, 一邊吹水, 心情特別高興.落單前, 打個白鴿轉, 這是火鍋配料區, 口淡淡, 食咗濃味燒烤後再見面吧...飲品區, 十分大的橫型汽水櫃, 有甜凍茶、無糖凍茶、韓國汽水、啤酒, 全部自取.Haagen Dazs 專櫃, 有四款口味, 朱古力、士多啤梨、咖啡和..... 唔記得第四款添....自助飲品機, 咖啡都有四種: 朱古力咖啡、鮮奶咖啡、泡沫咖啡, 也有奶茶和傳統朱古力.生果和甜品櫃, 各式樣的小型蛋糕和奶凍, 生果有西瓜和哈密瓜.行完大運, 廢話講完, 先來一碟刺生併盤, 和民的刺生品種不多, 但勝在夠厚夠新鮮, 尤其是那對牡丹蝦, 全隻連殼, 又大又厚身, 油甘魚也是厚切, 入口寧捨有質感, 帶子爽口兼鮮甜無比, 三文魚平時食得太多了, 兩件足夠有餘, 其他則一律落多三次order, 好開心...食完刺身, 食長腳蟹和凍蝦, 凍蝦應該是食開自助餐的品種, 無太大特別, 只叫了一次, 但長腳蟹則肉厚鮮味, 蟹腳肉質彈牙, 帶些少鹹味, 無需加調味醬, 入口已經十分夠味, 此味又是重覆落單之重點.繼後是壽司拼盤, 一口氣叫了八款壽司, 最愛的大蝦和帶子壽司, 新鮮十足, 味道甜美, 那壽司的飯團夠晒專業, 十足專食日本壽司店的大小, 而且米飯沒有痴痴一舊, 絕對粒粒分明.食完壽司, 就是炸物和燒物大集會, 和牛燒和牛舌這兩味, 不可錯過, 是一等一水準, 外表少少香脆, 內裡軟熟, 友人最喜歡的羊架燒, 並非我愛之選, 聽佢講...也是十分高水準.炸雞柳, 送酒佳品, 外表超脆, 咬入口裡, 內部肉汁充足, 與金巴利街的韓雞店不遑多讓.和風石鍋煮蜆, 又是我的最愛, 可是今天師傅略為重手, 味道鹹了一點, 雖然個人喜歡淡口味, 但友人讚不絕口..., 友人喜歡濃味, 尤其鹹味, 可能佢天生愛鹹... 哈哈哈...最後來一個牛肉壽喜燒, 食肉太多, 去自助火鍋配料櫃台拿多些蔬菜, 希望可以平衡一點....實在太飽了, 雖然有四款Haagen Dazs 雪糕, 但最後都只是食了一款朱古力, 再加上一杯抹茶奶凍就結束了... 有些少遺憾..., 下星期要再與家人嚟多次, 一定要食足四款!!

這個星期放假朋友話不如去飲下酒。這個是一間樓上的酒吧餐廳，門口冇咩特別，推門入去裡面的環境十分有情調，店面唔大但座的好舒服。最適合兩個人或者三五知己傾計。我地叫左幾款小食，開左支紅酒。這裏飲酒你可以選擇一款自己喜歡的酒杯，很有特色。紅酒是智利的，顏色較深色，飲落唔會太酸，帶少少甜味，對我這個比較少飲酒的人來講都好易入口。Chicken Drumstick 一共有六隻，雞翼外脆內軟，咬落好juicy。Ox-Tail on Yau Chau Gui這個是一款fusion 的菜式，上面的牛尾是用慢煮的方式，所以的牛肉特別腍身又香，加上下面的油炸鬼脆口，一次過滿足兩種唔同的口感。蘋果jelly鵝肝醬 好怕食鵝肝醬有陣腥味，這個完全無，上面的蘋果jelly帶有少少酸味，令到鵝肝的肥膩感覺無左，更加突出鵝肝醬的味道，又香又滑。配上餅乾又多了一種香脆的感覺。Potato Bravas 薯角炸到香脆，但唔會油淋淋。特別的是用左蒜蓉醬加蕃茄醬，兩種味道加在一起十分好味。最後又叫左杯Parfum de Femme 一上臺已經聞到陣陣薫衣草的香味，令人感到好似去左薰衣草的花園，特別的是用左似香水樽的酒杯來裝，好靚。淡淡的紫色叫我真的唔捨得去飲。飲落酒味都幾濃，但薰衣草的味道都好濃郁。

這間細細地又舒服的lounge，真是令人感到非常嚮往。

小時常跟阿媽到棉登徑買珠仔, 當時的棉登徑, 是印巴人天下, 現在起了多棟新型酒店和住宅, 原居民搬走了... 換來的是新型高檔食肆, 此店正正位於街頭的角位, 從K11行過來, 一望就見到.天氣太熱, 無心機打轉了, 就直入店內, 搵個窗口位, 店員拿了一個奇怪水樽來為我們倒水.未看餐牌, 先來一杯凍飲, 下一下火, 西班牙餐廳, Sangria 是常識吧... 中等甜度, 酒味重一點, 好爽!店員推介任食系列, 十六款 tapas, 取價$278/位, 每款只需$17.4, 如此環境, 不算貴吧...Crudites Mint Mayo Dip, 先來開胃小食, 新鮮西芹和紅蘿蔔, 伴薄荷沙律醬, crudités 不是西班牙文, 而是法文, 其意思通常是指carrots and celery. Stuffed Sardines, 中式名稱, 應為"釀沙甸魚", 把瓜菜蓉釀入煎過的沙甸魚, 些少鹹香, 外層微微脆口, 魚味香濃.Sweet Wine Chorizo, 西班牙香腸, 用紅酒醋做汁, 味道微酸中甜, 煎過的香腸, 香口又彈牙.Chicken and Cheese Croquetas, 通常翻譯為西班牙薯仔球, 傳統有是用火腿芝士或鱈魚, 今天改用雞肉, 口感更實在, 金黃色外表, 內裡芝士香濃, 十分creamy.Pork and Cheese Rolls, 另一款炸芝士豬肉卷, 附上用來蘸的cream cheese 醬, 但其實內裡的芝士味道已經十分濃郁, 皮炸得比以上的Croquetas略為硬一點, 可能外層較厚, 但仍然十分香脆, 豬肉比雞肉更適合配搭芝士, 軟實並存.Stuffed Baby Squids, Squids or Octopus?? 我不清楚, 看外貌, 似小型Octopus多一點, 內裡釀了豬肉碎和洋蔥, 好惹味.Truffle Bikini, 其實即係"西班牙火腿芝士黑松露三文治", 水蛇咁長的名, 用短名"松露比堅尼", 更方便些, 話說..., 1900年左右, 巴塞隆拿的一間咖啡店, 因三文治的三色, 所以改了其名為"比堅尼"而成... 信不信由你... Piquillo Cod Brandada, 外層紅椒皮, 內層白黃色的是鱈魚薯蓉, 還加了一些忌廉攪成, 有奶味, 滑滑的口感.Basque Cod Scrambled Eggs, 經過調味的鱈魚, 混入蛋漿炒成, 微微鹹香, 半熟還未結實的流心蛋, 惹味又滑溜.Chorizo Broken Egg, 西班牙都有類似中式的雀巢, 用炸香的薯條做成, 放上脆邊煎蛋, 還有西班牙香腸Chorizo, 煎過的的Chorizo, 皮脆內彈牙, 撈落半熟的蛋黃一起吃, 既美味又邪惡...Pisto Manchego, 西班牙文Pisto, 即是茄汁燉蔬菜, 傳統是不加水, 而只用番茄和蔬菜的菜汁, 用小火慢慢燉至軟和淋. Manchego是用來煮燉蔬菜的芝士, 煮好後, 再加一隻半生熟蛋, 撈勻, 用多士來蘸, 一流!Seafood Paella, 即一般所謂的西班牙炒飯, 以海鮮煮湯, 放米落鑊, 慢慢煮至乾水, 魷魚、大蝦, 魚肉, 蜆, 青口的精華盡在米飯當中.Tarta de Santiago, 傳統翻譯為:西班牙杏仁蛋糕, 但今天的有些不同, 味道帶一點檸檬香味, 還送多一粒藍梅... 哈哈...Cinnamon Sugar Churros, 就算飽到食唔落了, 都不要錯過這道西班牙甜品, 名為西班牙油炸鬼, 甜度比想像中要輕, 軟度十足, 但外層些微的香脆, 帶一點煙韌, 用來送西班牙粥一流 (如果有的話.... 哈哈哈.)

周刊介紹, 銅鑼灣的食街: 登龍街, 開了新食店, 127年歷史嘅日本天婦羅專門店, 樓上舖, 商業大廈十三樓, 網上再了解一下日本原店, 鎮店食物係原條海鰻天丼, 雖然莆燒鰻才是賣飛佛, 但天婦羅鰻都不會錯過, 尤其是日本過江龍... 睇到照片就很想食.... 下午我老闆早走, 員工自然配合, 早了一小時離開公司, 五時半來到店, 少人, 座位隨意揀...餐廳坐位簡潔舒適, 幾乎所有店員及廚師均為日本人, 如無理解錯, 只有兩位識講廣東話. 餐牌除天婦羅外, 還有其他食物, 不太似日本傳統風格, 可能為相就香港人多樣化的口味吧...., 同行之一的友人, 就是對煎炸食物沒有好感, 幸好有日式壽司、刺身及日本料理供應. 餐具精緻, 傳統日本製的瓦碟, 短身扭紋身的筷子, 拿起來夾食物, 特別得心應手.前菜:海膽凍豆腐, 海膽屬於細型款式, 食不出是否紫海膽類別, 但絕對夠新鮮甜美, 凍豆腐夠滑溜, 配搭起來, 感覺很清新.五代目天丼, 網上提供詳細資料, 由第五代傳人谷原師傅, 用七款時令食材製做, 屬此店的招牌天丼, 炸至金黃色的天婦羅, 層層疊在白飯上面, 米飯是來自北海道的七星米, 賣相夠晒嚇人, 份量多到滿瀉, 超吸引.其中最有特色, 是炸海鰻魚骨, 既是裝飾品, 味道又美味, 魚骨炸得香脆, 一口咬碎, 十分鬆化, 味道少少鹹, 用來做佐酒最好.原條海鰻, 外層粉漿不算薄, 但炸得鬆脆, 鰻魚的肉質夠彈性, 配上醬汁米飯同食, 滋味無窮.櫻花蝦天婦羅, 香港為較少見, 外層晶瑩橙紅, 底部是肉餅, 口感脆口也帶點煙韌, 味道微微的鹹. 大蝦天婦羅, 蝦肉爽兼彈口.希靈魚子天婦羅, 與一般壽司店的黃色希靈魚子完全不同, 雪白無經過染色的新鮮魚子, 咬落脆口又帶點煙韌.老友不好炸物, 要了一款: 壽司八貫, 八款壽司, 並非港式的大件頭, 列陣式的賣相吸引, 吞拿魚、吞拿魚腩、油金魚、三文魚、赤貝、海瞻、蟹肉及鐵火卷。中間的一款好特別, 外層蔬菜, 包住燒芝士三文魚飯, 芝士濃郁, 三文魚肥美, 口感軟滑.赤貝壽司，赤貝十分大隻, 味道鮮甜又爽口, 我最愛的吞拿魚壽司, 魚味鮮甜.白身魚忌廉芝士天婦羅, 外層鬆脆, 薄身炸粉包住紫菜內的白身魚, 魚肉與忌廉芝士, 口感濃烈, 軟滑鬆脆.

今早上載, 被彈回頭, 如此寫著: "請避免重覆﹑濫發或利用不同食家身份對同一食肆刊登相似或相同內容的食評" 我重覆, 我並沒有"重覆﹑濫發或利用不同食家身份", 未知是否因為家中成員用同一部電腦上載文章關係, 即係以後要出街咖啡店才可以上載?? 好無耐...

後來, 在Facebook上, 看到健吾san 分享"傑出關公系列"的一文: "曾經多次聽聞openrice會打壓沒賣廣告的小店，今次終於遇上苦主", 今之我都遇到了.... http://apple113.blogspot.hk/2016/06/blog-post.html

我間中都會約舊同事食飯聚舊, 一邊傾下計, 順便八卦一下舊公司的人與事, 同事知我鍾意食天婦羅, 提議去掌壽司, 因為佢之前食過一次, 覺得呢間餐廳既炸物水準不錯。來官塘工廠大廈食野, 當然工廈大堂環境麻麻, 又正值放工晚飯時間, 人多lift 迫, 上到去, 門面還算企理, 餐廳內好寛敝, 枱與枱之間都好闊落, 環境都幾舒服。不過我個人比較實際, 環境都係其次, 最重要都係食物質素. 先來客軟殼蟹沙律, 沙律菜很新鮮爽口, 而我最鍾意的軟殼蟹炸得很香口, 上面還配有蟹子, 一啖咬下去, 既可食到香脆炸蟹, 又有粒粒蟹子, 口感很豐富。脆炸日本川海老: 這款小食做得很出色, 香口得來又不油膩, 好食到唔停得口, 很適合幾個朋友邊食邊傾。海鮮雜錦天婦羅: 到我最鍾意既天婦羅上場啦, 炸漿做得很薄很脆, 薄薄的包住主角, 蝦亦很鮮味大隻, 我很怕天婦羅做得很油, 但這餐廳做得絶不油膩, 朋友果然無介紹錯。櫻花蝦鰻魚玉子卷: 外層玉子, 裏面鰻魚, 上面櫻花蝦, 賣相一流, 可見廚師很花心思, 味道方面, 一啖可食到鰻魚的鮮味, 玉子的甜味, 再加上香脆的炸蝦仔, 口感很獨特, 層次很豐富, 值得推介!和風稻庭烏冬: 烏冬入口好滑, 咬落外層軟, 中間煙韌, 配上昆布, 連湯底也很清甜。黑芝麻雪糕: 淡淡芝麻味, 很香滑。當晚大家都食得好開心, 食下傾下, 不知不覺食到餐廳打烊, 食物質素不錯, 尤其炸物做得出色, 還有一個幾重要的細節: 就係洗手間, 洗手間乾淨闊落, 抵讚! 我們預先訂了枱, 所以有9折, 下次還會再來, 是三五知己聚腳的好地方。

被彈回頭兩次, 話我重覆濫發, 好無耐, 我真係無重覆濫發喎... 有些少暈暈地... 唉...很久未跟好友聚會，今晚特約到蘇豪區一間日式新派創意菜吹水，同事介紹，環境不錯，同朋友傾計, 喜歡特別奇異的新派菜.... 最啱。伊利近街，街名都怪過人... 口門不大起眼。經過一條窄窄的走廊，兩旁掛上餐廳菜式相片，再行上樓梯或搭大廈電梯到一樓。朋友與店員細細聲講了幾句，頭盤上了一杯 Jyunsai Shooter, 中文好似叫"蒓菜"的Shooter。當中有一件大型加拿大海膽，浸著它的是日本Sake。蒓菜一般用來煮湯，口感在舌上滑溜溜，味道特別，新鮮甜美海膽，配上柑橘醬油的清酒，飲第一口，感覺怪怪，但飲落聞到很清香的酒香味，這個配搭好新奇。Iberico Ham wrap oysterm, 開始食生蠔，用中式點心蒸籠盛上，賣相真有創意，用上48個月的西班牙風乾火腿，包住新鮮肥美生蠔，加了少許檸檬皮碎，底下沙律伴菜。西班牙風乾醃製火腿味道鹹甘味好，甘香在口，配上新鮮生蠔，味道又係從未試過, 好特別。Thai Inspired Oyster, 泰式創意生蠔，生蠔面上放上一串晶瑩剔透的海葡萄，聽聞是綠藻類中的蕨藻。放入口中，咬破卜卜聲，一種爆漿感覺，有海水味道。配上泰式微酸小辣醬汁，感覺清新。Mentaiko Crispy Oyster, 食完生蠔，來一隻炸蠔，賣相的顏色吸引，粉紅色明太子醬汁在底色，盛著金黃香脆炸蠔，配上美味海膽，用海鹽襯托基底，口感豐富，醬汁配搭是第二款最奇異的味道。Mini Unagi Rice, 從未見過如此大份的日式鰻魚飯團，鰻魚燒得香而輕焦，入口又軟淋中有脆口，飯團就燒得粒粒香脆，廚師還用心地加入水牛奶芝士、藜麥和芝麻，使飯團食得健康，更美味更吸引。Mentaiko Hotate Sushi Roll, 材料有明太子、元貝、櫻花蝦、炸蝦，口感有脆有軟，味道有輕微的辣，此店的米飯水準高, 咬落的感覺, 軟身中帶點煙韌, 凍飯入口, 仍感到米香。Cold Edamame Pesto Feta Cheese Udon, 毛豆發達芝士烏冬，綠色的賣相很美，給人有一種很健康清新感覺，全素配搭，加上發達芝士、巴馬芝士及松子，清新中帶芝士的濃郁，烏冬口感不錯，軟硬適中，而且是羅勒醬，令味道更香更豐富。