人已經唔係多又唔係多外賣單，人就企左係度，重要整完都唔pack袋出單。 直接skip左我張單出下張單杯野飲，我行埋去問先知原來我杯野沖好左但未pack袋。 飲左啖先知整錯單，打去問， 都講左幾次加珍珠走糖少冰都可以落漏野， 打去問佢話「如果個杯無寫加珍珠就張單個陣無加到。」「唔係我地無落漏，係無落單。」 我話咁係你地問題，我落單強調左幾次要加珍珠 「咁可能係同事無落單。」 咁啫係你地無落單唔關我事啦 「咁都可以咁講既」 咩叫咁都可以咁講既？ 呢間野真係垃圾到爆。

以前覺得食落去好香口好惹味， 配埋個蜜汁簡直係不得了。 自從搬咗入新界之後就好少食到，今日咁岩經過就買返一份半$44過吓口癮，但極度失望。 依家阿姐煎得唔夠脆同乾身，搞到啲雞翼尖林晒完全唔好食，個蜜汁又唔夠味，水準差咗勁多....... 個汁唔知係咪改過黎，以前隻色無咁透同埋無咁稀，依家成兜野都唔夠味，好差好差... 其實真係唔介意等耐啲，但最介意係Keep唔到水準.... 醃蘿蔔都買左兩份$14，係好食既，酸酸甜甜超開胃，但如果係一條條口感重正！ 希望老闆娘會改善下啦.....小店要有水準先真係會留到客人，今次係真係好失望，因為搬左之後好耐先黎一次...

買個Q餅話要等7-8分鐘無問題，轉個頭反黎拎話比我聽個爐未開未預熱，叫我再等。 咁點解收人錢個陣唔同人講聲個爐未開未熱叫人等？你既時間就無時間，客人既時間就唔係時間？無下次！

上次飲過佢地既綜合水果茶讚不絕口，山長水遠出到黎更係整反杯，但無理由次次都飲同一樣野，咁就決定飲岩鹽芝士奶蓋系列既玫瑰花果茶，點知就奶哂野.............. 我未試過飲一杯野飲兩啖就掉左佢 真係兩啖！兩啖就係垃圾桶見........... 陣味古怪到.....好難飲........ 個岩鹽芝士奶蓋...我唔知係咪真係咁咸...... 因為我平時係第2間飲既無咁咸..... 佢直情咸到食唔落，撈埋一齊飲又唔夾...... 我都唔知點飲好！ 我最後飲左兩啖，真係兩啖就掉左.......

今日荃灣第一站// Cup of... 呢間新開既茶店真係不得鳥，個水果茶好吸引我 飲完重可以加埋附送既梅粉shake黎食生果添！ 今次揀左個綜合水果茶配綠茶底，而佢本身有3款茶底比你揀既：紅茶/綠茶/烏龍茶。 店員會問你有無對奇異果敏感，幾細心 最後要左個中size $38（700cc） 水果配綠茶陣陣清香，正！ ^^ Cup Of... 荃灣昌泰街5號富榮大廈地下1號舖 營業時間： 星期一至四12:00-00:00 星期五至六12:00-01:00 星期日12:00-00:00

買杯野飲都要貼錢買難受
叫杯3兄弟走仙草有幾出奇？好似踩到間鋪啲職員條尾咁，對仙草凍敏感唔要仙草都要比人恥笑係咩玩法？
單都未落完個收銀就係到笑話咩檸檬柑桔走檸檬？
另一個就笑住同反個收銀講話重以為你話仙草奶凍走仙草，其實個客唔係聾架囉！尊重兩個字應該唔識寫。

一杯野飲等3個字，哦！原來係有熟人單先，所以落單先既客都遲啲，一路玩一路笑。

拎野飲個陣個收銀都話呢單野都等左好耐下。
我心諗，原來你地都知架？

呢間野永無下次。

一向都係呢間海南雞既fans，只不過去開九龍城咁解，無諗過荃灣呢間咁蟹差人意！

一去到門口已經話兩位，後面都有個女仔話兩位，個阿姐就叫等等，到派飛個陣就直接skip左我派比後面果個女仔，前晚已經都係咁，唔算多人但都會無視某啲係門口等既客人。

到坐低叫左個二人餐，黎到之後啲海南雞咸到似鹽焗雞、肉質就似白切雞，想點樣樣？
咸魚肉餅不過不失，一向質素。

再黎凍檸茶凍奶茶，奶茶無飲，我個杯凍檸茶完全無茶味，純粹得隻色，成餐飯都不知所謂，荃灣分店完全唔會有下次！

呢個係琴晚既晚餐，係早前Yahoo團購團反黎，
$290包含：$400 Cash Coupon、2杯精選特飲、2件精選蛋糕甜品、Homeless $50coupon。
圍反條數，都抵啊，睇過其他comment都唔錯，所以決定一試。

《Salt Recipes 》
講真，位置對於我地呢啲九龍人都算唔方便啦，哈哈，不過勝在食物同服務搭夠！

#SaltRecipes 位於元朗Yoho Mall 形點一期 2/F，位置有點小偏僻，要經Homeless直入到尾先見到既一個corner位。

因為有點小塞車既關係，由原定時間7pm改為7:15pm，職員都好好幫我改左，去到由職員帶位到近窗位，但係佢地話坐張4人枱梳化位會舒服啲，嗯!好貼心⋯⋯黎到之後職員放低餐牌，我地望左陣心大心細都唔知食咩好，因為樣樣都好似好得咁！唔知係咪發現左我地諗唔掂食咩，佢地就黎介紹下，佢地推薦我地單點，因為Coupon包飲品同甜品，如果叫set就會double左，所以我地都決定單點！最後兩條友仔就叫左個：蒜炒蜆 香菜香草、松露忌廉牛肝菌菇飯、茉莉花烤芬蘭春雞。

蒜炒蜆 香菜香草 ：

香菜唔係我個味～除左呢個之外啲蜆有啲沙，但個汁好好味。松露忌廉牛肝菌菇飯：

呢個飯可以話cp值甚高，雖然價錢中上$135，但每粒飯都有濃濃既牛肝菌味!!!!正到不得鳥茉莉花烤芬蘭春雞：

隻燒春雞都燒到皮脆但未至肉嫩，要挑剔既話就會係啲肉唔夠嫩身，但都保持到juicy既，但茉莉花味欠奉。精選特飲 — Peach Fruit Punch：

味道唔錯，用桃肉打碎，加埋薄荷葉成杯野飲都變到好fresh，但有點細杯，唔夠飲。精選特飲 — Blueberry Cheese Cake：

藍莓小清新，但係餅底太厚，成舊食落好滯，如果芝士蛋糕加址反啲檸檬皮就好啦！服務：

一流服務，你食完個頭盤(蜆)佢就會換一隻碟比你，重會好貼心咁留意夠唔夠水飲，同埋進食程度再上甜品，係窩心既

整體：

價錢略貴、但值得既，慶祝紀念日/生日都可考慮，無揸車既朋友會比較麻煩、位置麻麻地，整體cp值中高。
大胃王朋友仔，可考慮食set，食物比較精緻，食set會抵啲。
下次再去應該都係會等團購，無就...擇日重賽啦!!!

本身想食芋泥既，但無哂，咁岩見到佢有新出口味紫薯雞蛋仔，都幾貴...但算啦，都黎到，試下啦，落單買個陣問佢等幾耐，有位男士就話等10分鐘，吃好啦，我去買其他野再反黎，係街尾行去街頭買完野都3個幾字啦，諗住反去都可以拎啦掛？

嗯....係唔得既！最後就去埋萬寧買埋野反黎先有得食，都等左好幾個10分鐘.........

咁拎上手，熱到辣手，只可以拎無雞蛋仔既位置，明既，始終因為岩岩整起～之後等等就開始食啦！咦....er....
啲雞蛋仔唔岩位既？粒粒都合唔埋....個比例其實都幾好，一半紫薯一半小蛋糕，
可惜完全食唔到紫薯味
以呢底野收$25，太貴啦.....

明明係同一個品牌，但柴灣店清酒煮蜆奇差....
啲蔥無哂都算...個味道同飲清酒無分別......一啲味都無！清酒煮蜆係咁煮架咩？真係差到爆！同埋啲飯大過魚生....食咁耐板長都未試過！
大吞拿魚腩同油甘魚腩真係...唉

魚餅又整到過哂火同埋油淋淋......相反黃大仙分店就好得多....起碼魚生蓋過飯面，清酒煮蜆煮得出色！個味道都唔同！有牛油同蔥，味道好配合，點解個蜆2間店分別可以差咁大....下次都係去反黃大仙好了.........