好耐之前睇過呢到有大大塊吉列豬扒

奈何無機會試到

今次諗唔到食咩之下就決定黎試

差唔多10點都仲有唔少人食緊

大部份扒餐都係$73

算係正路價錢啦~~

值得一提佢塊多士係即烘~

熱辣辣幾好味

到左主菜上啦....我係極度肚餓情況下都食淨1/3塊...

個餐仲包埋 飯/意粉....

味道算正正常常~講真就無咩特別

係個份量嚇親人....

而友人的西冷就...麻麻地..."拿"得太勁...

係尖沙咀 想食大排檔

諗都唔諗就去妹記啦~!

等左3~4個字先有位

叫左個 黑椒京蔥羊鞍煲+欖角肉碎四季豆+椒鹽八爪魚咀

黑椒京蔥羊鞍煲
次次都叫
鍾意佢夠惹味份量又夠
d京蔥好好食~!羊又夠"so"味

欖角肉碎四季豆
呢個就窄窄地.....
味道麻麻唔夠香

椒鹽八爪魚咀
雖然我鍾意食香口野...
但係呢個真係炸得太勁....
超級熱氣....而且調味麻麻...
唔知係我錯覺定點...好似有少少咖哩粉既味

總結黎講感覺麻麻地...
可能客多忙 出品拿西d啦...

係網上面見到有$38龍蝦食

咁岩係旺角搵野食既時候

發現有間富臨

整定呢隻龍蝦 難逃一劫

六點幾上到去唔洗等位

不過間野都幾細間....晚飯時間應該有排等

叫左個$38芝士龍蝦伊麵 + 蒜蓉蒸元貝

都幾快手就有得食

個龍蝦伊麵收$38真係交足貨有突

有十幾件龍蝦 好多芝士 伊麵都可以分到5~6碗到

味道都唔錯 芝士味幾香

蒜蓉蒸元貝 就淨d 普普通通 都算幾大隻

不過好似麻麻地新鮮

整體黎講幾抵食

係到見到有新店開~
而且價錢非常抵梗係去試下啦~!
9點半準時入座
全場都幾full~淨返bar台~~

開始叫野食...
因為好肚餓...
所以瘋狂咁叫左好多刺身~!
跟住野飲黎啦....檸檬特飲...
真係麻麻地...可能我飲唔慣咁酸
最後都係飲可樂算...
然後...等...等...等....
第一碟刺身黎啦~!等左..20分鍾....
帶子真係唔錯~不過我唔鍾意佢咁切粒法
三文魚同北寄貝都幾好~~甜蝦細隻d~但都幾新鮮~~
其他刺身普普通通..款式都有十款左右~~
由於第一碟已經等左咁耐...
所以係佢放低碟刺身既時候已經再入單
同時亦叫埋天婦羅果d炸物~~~
天婦羅果d都幾快就到...
唯獨是刺身好慢....不過無辦法..
得果一個師傅切全場人既刺身....想唔慢都唔得....
蝦天婦羅真係好好食~!蝦夠大隻~又唔厚粉~又唔油~
焗蠔都好好食~上面d汁同肉碎好好食~
隻蠔就細d...食得多都幾"漏"~~
牛唔錯~~幾有牛味而且唔un~~
雞軟骨好好食~~~
其他野就中規中距~
雪糕 芋頭 味真係好正~其他兩隻味都好好~~
我地兩個人 食左4個...哈哈

最後有樣野極之唔好
就係無last order...一黎就話俾你知夠鍾
唔可以再落order....
唔通要我地一路食野一路望住個鍾咩....

呢個價錢有呢種食物 算係 物超所值

與女朋友結伴到此一遊

吃6:00-8:15時段
6:15來到已差不多一半滿了
對工廠區來說環境尚可
只是有點嘈雜
而且如果二人到此
必定要搭

食物方面
選擇不算很多

刺身新鮮~不錯
款式亦很多
而且第一次叫的時候
排例很有心思
賞心悅目

牛舌,雞腎很好
炸蠔,軟殼蟹,蝦天婦羅亦不錯
牛肋骨個人覺得燒得有點老...
燒元貝不錯
帶子一口燒很好
雞軟骨,可樂骨..普普通通
七味尤魚圈...十分十分油
芝士餃子尚可
紅豆涼粉...個人覺得麻麻...
好像差不多了..

值多一讚的是
上菜速度十分快
每次入紙15分鐘內
已經差不多全來了

服務方面...沒甚麼笑容
但亦不算差

總結$148+10%
個人覺得算不錯

基本上我由尖沙咀舊舖已經幫襯～
尖沙咀舊舖執左之後轉戰中環～
再到現在的尖沙咀新舖～
平心而論．．．．在尖沙咀舊舖的水準是最好的
雖然之後每一次都表現不錯～
但始終不及頭幾次～＿～

廢話講完＝　＝＋
講返今次尖沙咀新舖之旅～
因為怕唔知係邊．．．所以未夠６點已經到左
老闆友哥見到就叫我地入去坐低～
一如以往熱情招待～先來刺生
十分新鮮～亦因為早的原因所以上菜速度極快

之後陸續點了
蝦天婦羅－不錯～頭兩次炸得好～之後果次就差小小
牛舌－勁好食～食左ｎ塊＝　＝ｖ
羊扒－不錯～唔會好”ｕｎ”
雞軟骨－普普通通～乾得濟同唔夠味
炸蠔－蠔ｓｉｚｅ略細
金菇肥牛卷－呢個幾好食～個汁唔錯～
　　　　　　不過唔好點太多個汁～
燒露荀－幾好食～出面有ｄ豬肉包住
仲有食左好多．．．唔太記得啦．．．
總括黎講唔錯～

最後一定要講ｇｅ係佢特別送果個和牛
真係好食到震～＞ｖ＜

服務方面唔錯～有個ｗａｉｔｒｅｓｓ好搞笑～
次次行埋黎都好似好尷尬咁

不過裝修好似仲未搞掂哂～雖然環境亦可接受
個老闆仲帶我周圍參觀～因為果陣得我地一台客＝　＝

ｐ．ｓ樓下果位係唔係去錯地方．．．
　　　呢間係松屋～唔係松本
　　　我覺得應該唔會差得咁緊要．．．
　　　起碼刺身唔會唔生鮮而炸物亦唔會咁差

＄２３３一位～有ｖｉｐ６折卡～折實＄１６３