做冬同屋企人出去, 揀左係尖東, 人唔會太多, 7 點鐘去到都有好多枱等人, 差唔多到8 點先坐滿成間酒樓.
見到報紙一心食全羊宴, 水準都不錯. 屋企人都食得好滿足
頭盤一次過黎左羊肉片, 羊肚絲同羊肋骨. 三樣之中羊肚絲最開胃, 羊肚絲爽口, 另外有落少少wasabi 汁, 屋企人好快就掃晒.
羊肋骨係椒鹽, 肉質鬆軟, 又唔會太乾, 唔錯.

但頭盤之後開始失色, 鐵板京蔥羊肉片, 落酒又點火, 又加上鐵皮熱石保溫, 賣相好睇, 但味道一般. 羊肉嗱得西利, 冇晒羊味, 只係滿足視覺享受
之後的砂窩羊湯味道太鹹, 烤羊脾太乾, 羊腩煲亦不過不失.

一輪羊肉過後係薑汁炒芥蘭, 芥蘭爽脆, 但未夠薑味. 最後羊肉撻的羊肉味不夠, 撻皮太濕太淋, 屋企人大多數都只係食個菠蘿撻面.

大家都懷念羊肚絲最好味, 雖然後面d 餸既水準唔係咁多, 但係可以一家人食飯做冬都係溫暖既.

之前睇電視介紹apply green個brunch好似好吸引, 所以上個星期日就同左屋企人去試下。叫左egg in a hole, egg benedicts 同一個pizza.
其實佢話serve American size, 但係個份量都唔算係好大. 三款黎講都係egg in a hole 最好, 有兩塊面包加蛋, 一條蜜糖腸, 一塊火腿, 一堆薯片同一個生果杯，好豐富。Egg benedicts 就好似有兩件水煮蛋, 蘆筍, 煙肉夾鬆餅. 水煮蛋好似用醋烚，食落帶有少少醋既酸味. 煙肉份量好多, 加埋d 蛋汁同鬆餅一齊食, 好滿足. 相比之下, pizza 就失色左少少. 雖然番茄醬既味好濃同埋食到番茄肉, 但係個pizza 底就濃左d , 唔係咁好.

環境個到, 因為我地十二點去到, 唔係好多人, 就揀左個近窗邊既u字形位。有d光由玻璃窗透入黎，感覺好舒服. 真係有種悠閒既感覺。遲d黎既話就要坐入面, 得d 燈光. 另外，樓底就低左d，所以就有d 壓迫感，不過整體黎講環境都算舒適.

又黎到中環探呢間餃子店, 黎食過好幾次, 始終都覺得呢間餃子店好特別, 好有地度風味. 同埋d 餃子包都似人手"猜"咁, 鞋鞋地, 好有住家feel
今日一個人食, 叫左京葱羊肉餃同雞絲粉皮

京葱羊內餃都係鐘意佢d 京葱, 唔使點豉油都好夠味, 雖然食完第二日個口都有陣葱同羊味,要食香口膠, 但依然係至愛, 每次黎都會揀呢隻餃. 唯一唔好既餃子用碟上, 唔係用碗湯浸住保溫, 碟餃子好快就凍晒....

食一碟餃子唔夠飽, 所以就點埋雞絲粉皮, 味道都唔錯不過30蚊一碟就好似貴左少少, 20-25就差唔多