第二次黎食早餐.
唔知點解我舅父好鍾意黎呢度,
不過唔多人又可以坐得耐野食都ok就係真.

同上次一樣我都係叫 沙爹牛肉通粉 + 餐包炒蛋.
明明係雙蛋炒完出黎好明顯係單蛋囉...
個沙爹牛肉通粉都ok.
不過無乜沙爹味囉, 反而係d 牛肉真係幾好食.
似係佢地d 手砌牛去做.
成個早餐都可以比 (65分)

其實我唔太明白呢間野點解叫好食, 但今次我明啦.
我都黎過不下5-6次不過次次都係叫個麵 or 飯;
今次因為係陪朋友食, 所以叫小食一齊食.

小菜叫左: 粉皮, 肉碎菜, 腐皮蚵卷.
朋友晚餐係牛肉麵.

先講牛肉麵. 真係唔多掂. 一來同台式差太遠, 二來似港式又要比港式差. (40分)
粉皮. 真係好食woo. 個汁岩岩好都好夾. (75分)
肉碎菜. 清清地都幾好. (65分)
腐皮蚵卷. 嘩! 正woo!! 翠口裡面係就係唔太多蠔, 不過好香口好食. (80分)

以後黎都係食小菜好啦.

無黎佰厭仔幾個月d 待應轉晒人重意為轉左手比其他人.
同朋友兩個人6點入去坐底啦, 都唔太多人.

我叫左羅送湯拉麵 豬軟骨 + 椒鹽豬扒.
見到老細係廚房咁即無轉手啦.

羅送湯底淡左好多...
不過豬軟骨都重有返咁上下.
椒鹽豬扒好正.
其實佢地d 椒鹽野係好得下.
一齊計可比 (65分)

不過水準下跌係事實 , 加上新阿姐待應手腳慢囉.

之前係銅鑼灣的出名小食店搬左過黎旺角.
今日落雨路過又餓餓地所以叫吉列炸蠔.

吉列炸蠔with薯條.
蠔炸得岩岩好, 外翠內軟有肉汁; 不過就太細隻. (90分)
薯條都做到外翠內軟, 加上都ok 粗. 係要粗薯條都好食嫁麻. (70分)

星期二晚係觀塘食左次大家樂鐵板餐之後成日都想食多次;
出開旺角又單拖... 好啦食多次啦.

買完野6點2左右上到黎即order 原條鐵板餐;
以上次經驗, 唔好揀焗螺同紅豆冰.

叫左穌皮湯同楊支甘露.

件扒都一樣係夠林, 都無漂味. 不過汁無咁濃woo (80分)
楊支甘露. 好好多! 唔太甜又夠味都唔太濃. 野飲可比 (80分)
穌皮湯. 就一般大家樂水平, 加上無咩料. (60分)

order左都唔洗10分鐘即攞得...快成咁...真係快餐店.

其實我就唔多寫快餐店, 一來唔會有咩好寫, 二來寫完都唔會有人搵黎睇.
但今次真係要寫.

今次黎大家樂食左佢地新出的鐵板餐.
我叫左西冷牛扒, 焗螺, 紅豆冰.
牛扒真係有驚喜. 肉質好林(唔係漂)加上有肉味 無得叫幾熟不過都ok woo 唔老. (值85分)
螺就真係無下次. 螺肉無味, 完全唔似有焗過囉. (50分)
紅豆冰點知重出事, 紅豆無豆味又硬硬地, 奶又少, 成杯野係水喉水味囉... (0分)

本身係愛扒之人只係件扒就夠比個笑. 51蚊有件咁好的牛扒woo.
不過下次都係要湯唔要螺好啦.
野飲叫返檸水安全好多.

身為知悉熟客的我, 幾乎係一話要食糖水就一定重黎呢度.
金滿堂家下經已開到 同一條街有3間.
但當然我都係要等位嫁啦...

一行7人等左廿分鐘左右啦.
因為早前的 初戀, 熱戀, 失戀都食到悶.
所以都係食滄海遺珠. 一來無咁甜啦, 二來我唔太大碗野.

雖然開到家下咁大,不過水準重係返度.
呢點先係最重要.

走個時老闆娘咁忙都同我吹左陣水, 重問我有咩 idea比佢搞新野.
我話比d時間我下.
滄海遺珠其實係我當年因唔食豆腐花所以煩老闆娘之後改出黎的.

早係星期5已經book定位, 因為成10個人咩餐廳都係book定安全.

位置都唔難搵, 7點去到... 得一張台有人... 星期日晚炸woo.
老細一早準備好左張10人檯比我地,
雖然我係book 7點半又 7點去到先, 不過都一早準備好晒野. (可能無客啦)

玩左一輪人又到左d 老闆好主動咁介紹今晚有咩野食.
二位侍應小姐都好有心機咁service.
少左二個人之下, 老闆無黑面都好體貼咁幫忙坐位,
因為我地有4個月大的BB出席.

order 好晒之後老闆都問想幾時起菜.
加上老闆介紹個d都唔係貴野.
不過田螺就唔好啦...

講返食物:
餐湯係洋蔥湯, 重有舊芝士係度. 我個人黎講都ok洋蔥湯,呢度都會比. (60分) 唔特別.
煙三文魚salad. 三文魚ok不過個汁麻麻... (50分)
焗田螺. 其實熟行少少都知田螺肉係出面街買之後整完入返殼. 肉太細加上無咩味. (40分)
短骨. 肉質好"林"7成都ok 不過有漂過. (唔漂您想食石頭) 重好大件. (85分)
肉眼芯. 好爽. 無漂味. 份量岩岩好. (90分)
西冷. 我個份係三成, (一般識食牛扒人士都係叫Very rare or Rare) 即係三成or五成.
不過我今次呢個就件扒多根左囉... 如果唔係就good job! (80分)
鵝肝牛柳. 朋友話好食woo. 我無試. (我唔食內臟都唔好肥野)

最後侍應小姐重送左個出煙甜品比我地.

朋友係為左蝦多士先入黎坪洲.
我心諗蝦多士!? 細個時係九龍城d 冰屋都有嫁woo...
唔係咩新野呀... 只係家下係九龍呢d老版冰屋好難搵姐.

一入黎即問阿姐重有無蝦多士賣,
因為朋友話聽講賣晒就無,
所以問清楚有無先.

叫左蝦多士同紅豆冰.
蝦多士真係名過其實.
d油都夠熱所以炸出黎唔會太油膩,不過d蝦明顯唔新鮮. (妹左)
加上太太太少蝦啦. 食材真係好重要囉.

反而紅豆冰好味.
一來d紅豆夠甜, 奶又岩岩好.
紅豆有d會太硬, 有d會太沙.
所以要有好紅豆冰真係要夾得好先得.

第一次去坪洲, 去之前都睇一睇Openrice睇下邊間野d野食食得過.

落船個時已12點,因我成朝未食過野所以都係快d搵野食.
見呢間都有6個好評,所以都入啦.
入到呢間茶餐廳第一個感覺係老香港味道.

一行兩人叫左2個荼餐.
都係沙爹牛.
我個通粉都還可以,不過個湯底真係出晒事...
重有就係個沙爹完全無味,不過d牛肉都新鮮.
最慘係個方包. 可能因為係離島啦, d包係雪到硬左嫁.
朋友個件'行'底重衰.
炒蛋油到無朋友...

服務真係好好, 老細都出黎傾下吹下.
呢d小島人情味真係好濃.
店內都有晒船期,地圖真係好方便.

不過 OpenRice 係講食嫁ma, 所以都係要比個喊佢.
因為食物先係最主要.