平時行街要買野飲，多數都係揀貢茶
因為招牌奶蓋綠茶真係幾好飲，咸奶油加綠茶，好味又唔會太漏～
有時換下口味，飲過龍眼花蜜、凍頂烏龍茶，仲有次試過買左杯熱茶（唔記得咩名），都幾好飲

好幾個月之前同一班朋友上去，閒日晏晝時間，可能學生未放學、打工仔又未收工，
上到去得兩枱客，真係有Ｄ驚。。。但一場去到，都坐低叫野食，諗住有個地方吹下水咁就無所謂啦

見到個餐牌推介蛋包飯，咁就諗住招牌菜實無死，有幾個朋友都叫左～
送上黎既時候，女僕姐姐就會問我地想畫Ｄ咩係上面，
我地隨口講小丸子，佢真係畫到＝口＝
之後再講蠟筆小新、ｍｅｌｏｄｙ其他卡通人物，佢都畫到，仲要真係幾靚～～






食物本身味道就麻麻地，啖味左ｄ，要不停加茄汁先得～～
另外都有啤牌、ｄｅａｌ果ｄ　ｇａｍｅｓ玩
不過如果想同女僕姐姐影相就要俾五十蚊（唔知而家有無變），覺得貴左少少，所以我地無影到～

整體黎講間野都ｏｋ，同朋友想聚下都可以再去。不過有幾次想再去，都撞岩ｂｏｏｋ場／爆哂～～