今日放工約埋媽媽嚟到九龍城搵食，行咗幾條街，睇見鯛魚湯menu好吸引，媽媽最鍾意响啖湯下功夫嘅小店，點咗皇帝蟹腳烏冬，上枱溫度份量都滿意，飲得出鯛魚湯沒有味精，但味道很一般偏淡，蟹腳正常，沒有魚湯嘅鮮味，鮮甜濃一d都扯唔上關係，根本唔值過佰蚊一碗，可能我同媽媽討論嘅時候比店員聽到，碗野未食完好想趕執枱咁，多次影響進食，店員很不友善，不接受意見，唔休做嘅態度，就算好好食都唔會再幫襯，沒有下次👎👎👎👎

住响荃灣區~實在太多好野食~又有新店開張~梗係要試下啦～ 雖然話係中午12點半~係我瞓醒嘅第一餐呢~真係食唔到太多野~只點咗個黃酒雞柳米線~嘩~真唔係講笑~强勁滋補濃湯味~啖湯好掂~超鮮甜~以為只可以响屋企先食到嘅味~突然間覺得好補呀~准山~紅棗~杞子~黨參~冬菇~好美味呀~雞柳略嫌少咗d ~原來小店12點至6點仲有8折~下次誓必開咗個胃~帶多個人嚟試下其他好想試嘅炸珍珠奶茶~涼拌雞翼尖~芝士薯蓉燒蕃茄~

冒名而去~揀下午3點幫襯~貪過咗午飯時間人少d~去到都係要排~等咗10分鐘倒~睇下menu 時間都過咗嚕~一坐底好似入咗冰雪樂園咁~個冷氣凍到呢~再加埋幾把風扇兜頭兜腦吹落嚟~好難頂呀~冷氣旁寫住大字報~叫人唔好自行調教冷氣~自私行為~攪到同枱嘅人都唔敢出聲~自己調位~調來調去~店員梗係黑面啦～但其實有冇諗過客人嘅感受先~都係嗰句~要食好嘅野~要求就唔好咁高啦～ 酸麻BB辣豬腩肉炸腐皮卷米線~ 上枱~應該不是小窩煮法~湯唔夠熱~再加餸~d餸又凍~米線有d硬又粗~碗野唔夠熱好難會好食囉~湯底過咸~老實講~我唔多識欣賞~ 唯一係腐皮卷~即炸~好味~不過未至於要再嚟食囉～

偶然間下睇到呢間小店嘅訪問~兩公婆圓夢~堅持嘅故事~覺得佢哋好有心經營~感動咗我專登去幫襯~
2星期前去小店，發現只係外賣企店旁食~覺得有d呢hea~始終心目中係想試食餃子~熱湯好唔方便~
今日再次去決定買一打生餃子返屋企煮~早知道自己煮~當然明白無店家做得咁好啦~有哂心理準備~好喇~見到店主嗰份熱誠~真係滿瀉哂~仲睇得出有份執著~主動問我食過佢d餃未~當然未啦~佢介紹佢嘅餃子我識~強調新鮮豬肉…………下刪幾十字（因為唔太記得喇）~跟住~一個步驟一個步驟咁教我煮~認真到我忍唔住笑~真心好少見到咁有heart 店子~因為我遇到燥底嘅特別多~仲提醒我煎餃係高難度~最好唔好試~
放湯煮~皮薄~饀多~菜多肉少~好新鮮~真係好味呀～一個人食哂一打~真係會再幫襯~店主加呀

純粹路過大角咀 ~發現有間開放式廚房小店~起初以為小食店~熱狗~三文治~咖啡~
行近八一八睇睇~😰 吓~原來食緊海鮮~生蠔~生蟹~西式野~嘩~好吸引~店主Tony 好主動介紹好nice ~話最好book位~同埋要訂蟹~

好~一於捉埋老公嚟試下~book咗8:00準時有位~店仔細細~位置唔多但坐滿~眼見店主一人分析幾個角色~擺位~落單~招呼~煮野~一個字勁~
每一道菜都睇住~洗~切~煮~感覺好新鮮~好似睇住佢表演咁~望住店主煮完一味又一味~有創意~有驚喜~👍

大熱天時 Lunch 過後~搵個地方食d涼快野~原本行去食開老店~路經一家新店索性試一試~店裡面一個人都無~冷氣凍冰冰~有d好似後悔入咗嚟幫襯嘅感覺~落單後~唔知係咪羊群心理~越嚟越多人入嚟~一陣間就坐滿哂呀~ 點咗個 Mango Waffle ~賣相吸引~芒果雪糕味濃~ 芒果jam 再配新鮮芒果厚肉但欠芒果味又唔夠甜~芒果品種出咗問題~窩夫即做~好香雞旦味~
All Black~原味乳酪~配朱古力醬~旦糕~脆脆餅底~一般都會配呍呢嗱雪糕~朱古力配乳酪口感酸酸好特別~

是日家庭飯局~一行6人~揀咗去大圍食潮州打冷~對我嚟講地方都算避~都係朋友介紹~唔係搵食都唔會搵到嚟呢度食~一向都唔太喜好潮州菜式~都算有驚喜啦~全場都坐滿~氣氛感覺上已經都當咗好好食~ 點咗~ ~雞湯翅~湯濃足料~大排翅~太足料嘅關係~附上太多湯渣~變相湯太少~ ~凍蟹~新鮮鮮甜~蟹肉夠實~啖啖肉~正~ ~蒜蓉粉絲蒸聖子~惹味~聖子鮮甜~粉絲索哂味~正~ ~滷水拼盆~入門只有中size份量~都算大碟~但唔會因為大碟而覺得抵食~因為都要2佰幾蚊~味道都ok ~ ~腐乳炒通菜~錯哂~唔知本身棵菜係好老~定還是被炒到老哂~成碟嘥咗~冇人食~ ~鹽焗烏頭~實情唔知點解咁好食~係枱枱都會點嘅野~但係張枱清得最快就係條魚~咁就當好食啦~哈哈~ ~冰鎮菠蘿~真孤陋寡聞~真係冇見過有得咁吃~仲要係飯店~係特別嘅~不過唔夠甜又有渣~

其實荃灣嚟嚟去去十間有8間都係食米線嘅鋪頭~再好食嘅~都食到厭哂~ 最近發現咗呢間西貢星~食咗都有3~5次~水準都ok~開始愛上咗~ 生牛肉湯河~湯底清甜夠熱辣辣~配上我唔知佢叫咩名嘅葉~草~芫茜~做配料~好香~河粉夠滑~正~加埋辣椒粉重正~ 椰子沙冰~椰味重~大大杯~ 一個午餐40蚊~有呢個水準~讚~讚~讚~

星期日~郊遊樂~揀咗去赤柱吹吹海風~曬曬太陽~一早搵咗 open rice 食評~ 睇睇有咩好介紹~呢間主打門面裝修特別~位於地牢~幾特色~決定一試~ 4個人 high high tea ~點咗2件酥餅~2件cake~1份all day breakfast share ~4
個drink~

酥餅正常~沒特別好脆~
2件Cake~味道濃~太甜太甜~第一次食cake可以甜到一件都食唔哂~

All day breakfast 大大份~味道還可以~

凍朱古力~唔夠涷~味道濃~同cake一齊食~甜上加甜~下次咪攪我~



順道一提~外面氣溫34度~熱溶~後門門口一直打開~熱氣一直沖住入店~店冷氣唔足夠~一路食~一路抹汗~感覺好似坐緊露天茶座咁~一個字~好熱~大汗者請揀遠離門口位置坐~

自小家住大埔~大埔有好多好嘅野食~魚旦粉~碗仔翅~排骨飯~砵仔糕~ 新蔡潤記~以前放學跟同學一個星期一定會幫襯一次~ 由細食到大~人長大咗~搬離大埔17年~返工~放工~忙碌~忙碌~呢d全部都係回憶~ 今日帶住我個女同老公去追尋我嘅兒時最愛~魚旦粉~炸魚皮~期待已久~小店多年都無變過~但係食物就完全變哂~魚旦變細粒咗~等如以前嘅半粒~魚旦味淡~得個彈~彈得嚟又唔似魚旦嘅口感~河粉變粗硬咗~唔夠滑~炸魚皮好厚粉~兼炸得好硬~一d都唔鬆~食2件~牙肉都損損地~所有野都好差~難怪個女同老公都話~仲難食過平時屋企樓下平民店仔~仲話出名~拆咗我誠意推介嘅好好味招牌~失望而回~我可以同新蔡潤記劃上一個句號~往事只能回憶~