星期六晚嗌左4個小菜，個姐姐話唔熟電腦系統落單，落個菜名都搵成分鐘，問佢係咪小菜有跟飯？無就另外叫，佢好好人咁施捨左4個飯俾我，因為佢話：咁俾4個飯你囉⋯⋯姐係咁，無嘅話我另外叫都ok但唔會係咁講野掛？ 收到外賣一打開真係想講粗口！西芹炒花芝枝片蝦仁，少得可憐😅得3舊蝦仁+4片花枝片，西芹咁平亦都少得可憐，再打返電話問，佢問我係咪$110個個？（呢個時候我真係打左個突，因為我無諗過$110，因為原本唔係想叫呢個餸，而係姐姐話無我想要個款先轉呢個⋯⋯） 酒樓價但無酒樓量！

由於情人節當日仍然有限制晚上營業時間，所以book左下午食餐飯慶祝。 ▶️服務：當日book左下午2點，我地預早左1點半已經到左，去到就同店員登記booking，其實都無諗住可以早入去，只係想佢知道我地到左驚佢會再打黎，結果佢同我地講「你地早左咁多？因為有張4人枱預左俾4個人，你地得兩個人，但個枱客人遲左半個鐘都未到，我唔知佢仲黎唔黎，佢黎我都要俾左佢先，你地不如出去行到兩點先再過黎」。 我覺得都ok嘅，但其實係咪應該都打電話問一問位客人黎唔黎先？咁起碼唔會hold住張枱先，因為出面都有客等緊位。等地離開左餐廳大概5分鐘左右就已經收到餐廳電話叫我地返返去⋯⋯但我地已經行到去大馬路😂又要即刻行返返轉頭。 入到餐廳整體感覺服務可以，但有待改善。因為我可能有小小同上一手never too late做左比較，上一手一個女仔走全場都可以做得好好，但今次係兩個人都搞唔掂，好似有小小亂，加上上菜時間做得一般，所以希望會再加強。 ▶️食物：預先Book左情人節餐，其實擺盤真係好靚好精緻，但食落無乜驚喜，價錢同食物質素唔成正比，同預期中有小小出入，只可以講ok。 ▶️環境：簡潔舒服，可以再擺多小小擺設會更加好。

因為男朋友生日想俾個驚喜佢，預早幾日致電餐廳幫忙，而餐廳店員非常helpful，中間聯絡左好幾次溝通亦無感到不耐煩，感受到店員嘅用心服務。 用餐當晚點左二人套餐，味道及擺盤非常出色👍🏻 以呢個價錢黎計係物超所值，特別鍾意頭盤嘅蘑菇，除左有蕃茄汁，仲加左蟹肉，蟹嘅味道慢慢滲出，係會追住落去食。成餐晚飯都覺得好正，無論環境、食物、服務都好滿意👍🏻

話說以前係屯門讀書時成日都去食自家烏冬，自從出黎做野就好耐都無食過，個日無啦啦想食就約埋朋友去。餐牌入面無左以前好鐘意食嘅韓風泡菜湯烏冬，於是叫左個獎門人海鮮湯烏冬。先飲一啖湯，差！個湯底完全唔掂，蝦味唔似蝦味。豬骨又唔似豬骨！再食一口麵，差！無口感可言。唔彈牙，無質感！唔知以後仲會唔會去幫襯，相信如果再去，都係幾年後嘅事！

話說岩岩去左吉野家買外賣，好想三文魚籽個飯，咁看就問佢係咪唔俾外賣，佢擺出一副唔耐煩嘅樣話：係喎。咁我都算啦，要兩個特盛牛肉飯，千叮萬噣叫佢俾牛肉汁我。返到屋企一睇，嘩！特盛牛肉飯佢俾錯普通牛肉飯我，連牛肉汁都無俾！真係好嬲，點解可以咁樣？

碗仔翅，一流！味道比以前係旺角細鋪更好。車仔麵係好食，蘿蔔夠入味！唯一美中不足嘅係，無我以後細個食開嘅油渣麵。又老闆娘同以前一樣咁nice^^搵返以前係佢間鋪食野嘅回憶。

我又去左食川味，但係我想講，我唔會再去食！真係超級唔順氣！
話說我叫左個酸辣湯寬粉，一黎到用筷子夾左幾下，嘩！
成碗野得4-5條寬粉係度，你叫我點夠食呀？仲有D蘿蔔係完全冇味囉！
我唔知點解呢間野越做越差，我比左咁嘅錢，你好應該比返足份量我囉！
唔係話做紅左就可以少D料。我寧願晒D錢出去總店度食好過　

好耐冇食啦！今日同朋友去食，原來唔同左好多。
價錢方面當然貴左。以前D湯底都係原味，但係而家好多都變左第隻湯底。
好似海鮮湯烏冬咁，以前係鮮蝦湯底，而家變左辣味湯底，如果要轉湯底就要加$7。好好食！呢個湯底好好朋友叫嘅，個湯底都唔錯炸豆腐，so far so good。

記得佢岩岩開個陣，碗野係大大碗，有少量芽菜同少少青，小酸辣已經好夠味。
到左今時今日，佢碗野我係食完都唔會飽囉，芽菜仲要係時有時冇，青係得果幾粒，
叫佢加..佢仲話多青要收$1..而家係你比唔夠青囉我想講！小酸辣係冇酸味同辣味囉！
今日去食，已經貴左，本身$16一碗,而家$18..而撈粉由$15加到$17

首先講下環境先：環境唔錯，地方幾大，有幾多位。
但係雖然係冬天，都唔洗一D冷氣都冇掛？我淨係知好焗！
食物：款式幾多，多過屯門間分店。但係食物味道麻麻地，我點左平時點開嘅韓風海鮮湯烏冬....
點知就出事啦！成碗野極酸！烏冬太軟身~同屯門分店差好遠！唯一值得讚既係海鮮幾新鮮。
服務：非常好，見我地飲晒茶就即刻問我地洗唔洗加茶。

對於呢間分店，第一次去食就得到咁差嘅印象，唔會再食呢間分店！