yyKumi 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-06-22
父親節訂了這家鐵板燒慶祝~ 到了門口 哇好神秘的感覺 🤭🤭 安排了坐bar 枱可以一邊睇住師傅「表演」 前菜~ 1️⃣煙三文魚沙律 🥗 師傅用了煙三文魚包住沙律菜,再打了酸酸甜甜的泡泡伴著,開胃~ 2️⃣ 菠蘿yogurt parma ham 另一道前菜 用了咸香parma ham 配酸甜的菠蘿,配合一齊食好fresh 3️⃣ 海鮮 蒜蓉鮑魚、 煎蠔、黑松露帶子、脆玉瓜 煎香了的蠔仍是很飽滿, 蒜蓉鮑魚鮮味十足 蟶子也很鮮甜美味 4️⃣宮崎豬 擺盤很可愛, 宮崎豬肉質幼嫰,配合醬汁yumyum 5️⃣秋田雞 跟宮崎豬同樣的可愛擺盤,煎香了的雞肉仍很嫰口多汁,推薦! 🍻🍻 飲品點了兩杯啤酒啤啤佢!爽呀 😆 炒飯粒粒分明,口感軟糯,好有日本風味 🍮 甜品是紅豆pancake pancake 是即時製作~ 用預先調好的粉漿倒在鐵板燒的爐上煎,感覺好新鮮香口,紅豆同cream都好match~ 味道又唔會太甜,啱晒港人口味😋 請注意~ 此家小店位置不多, 想來吃的記得預早訂枱呀 😃 評分: 味道 4 環境 5 服務 5 衛生 5 抵食 4
2023-04-14
沙田新城市回復以前咁, 就係假日無敵爆炸多人⋯ 所以我地一家冇事冇幹都唔會放假去新城市 費事同人迫 是日平日,帶女女去放電前食個 lunch 醫下肚先⋯ 今次揀左Butlery Mo Burger 似乎係呢間餐廳signature set 有飲品同湯,我揀左熱朱古力+$10 湯係粟米忌廉湯, 飲落似係新鮮粟米打出嚟再煮 ,幾有誠意 麵包有煎香過, 塊牛都幾香牛味同juicy 芝士邊都煎香咗 仲有洋蔥同蘑菇 整體配搭幾好~ 薯條係粗薯 口感唔錯~ 海膽帶子意粉 ($178) 呢個另外單點, 海膽同個汁都香同creamy 帶子有 2 粒 ,煎得洽好 絕對無overcooked 如果多一粒帶子會開心啲 😂 earl grey pancake 好耐冇食甜品,點一個試吓先 製作需時15至20分鐘 呢款疏乎厘pancake 口感唔會太空氣,有少少質感 唔會一陣風咁就無咗 蛋香唔算好濃, 伴碟有無花果同杏仁餅,同淡淡的earl grey cream 👌🏻👌🏻 整體感覺都幾好,會再次到訪😋 推介美食: Sea Urchin & Scallop Linguine 評分: 味道 4 環境 4 服務 4 衛生 5 抵食 4
2022-07-26
作為半個新界人,大埔算係比較好嘅覓食地區 今晚黎到呢度,首先比佢道門吸引住⋯ 因為係設計特別嘅防窺玻璃~ 有種好神奇又好神秘嘅感覺~ 加上有個特大水晶吊燈~ 好華麗的環境, 絕對係慶祝特別日子嘅好地方 我地book 左晚市最早嘅時間,所以未有太多客人, 舒服啲~ 呢度前菜都好吸睛 波特酒釀葡萄 🍇 好清新, 淡淡酒香~ 個疑似嘅雪糕球係鵝肝凍,個配搭食落一啲都唔會膩,而且係好夾 仲有好欣賞係粒粒都去左皮, 可以成粒直接啪,好爽! 椰菜花湯~ 好有田園風味 蒜蓉包亦好香 鵝肝牛柳~ 牛柳肉質嫩 , 鵝肝味好濃郁 所以都點左杯紅杯 更加帶出牛嘅香味 紅酒還好 不過不失🍷 甜品有鮮果 雪糕 cake , macaron 好 colourful ~ happy ending ! 到走嘅時間都滿座, 見到無book 位嘅都入唔到⋯ 整體而言幾好,值得一試 評分: 味道 4 環境 4 服務 5 衛生 5 抵食 4
2022-05-19
抗疫疲勞嘅我,決定要大吃大喝一番! 印象中第一間立鮨喺尖沙咀, 嗰陣應該係香港第一間嘅立食壽司店 新開嗰陣試過一次 都唔錯 嗰晚Coffee 喺我地隔離枱~~ 好快就開左幾間分店, 今次黎到荃灣。 原來呢間有位坐 見到個牌有水母刺身⋯ 點左黎試下😂😂 水母究竟係咩味 一份有16-20件 有個醋汁點住一齊食 ,好freshhh 口感幾得意 爽得黎帶點煙韌 我係左口魚邊迷⋯ 所以每次食親日本嘢都必點 不負所望,魚油味香不至於入口即溶,有啲咬口 賴尿蝦蟹膏櫻花蝦壽司 成條賴尿蝦唔使拆肉咁成粒扒超爽 加上有少少櫻花蝦吊一吊味 鮮味再出啲 帶子壽司,帶子夠大隻,味道夠鮮甜 伊佐木壽司 係斑魚嘅一種,肉質細緻,鮮味十足 螢光魷魚壽司 平時屋企人間唔時都會買盒螢光魷魚返屋企食,當係餐食小食同埋送酒一流! 螢光魷魚好爽口配埋醬汁好夾 呢個大拖羅壽司不得了 入口即溶,油甘香充斥着成個口腔 配埋少少蔥冇咁油膩 巧巧吃! 三文魚子多到氾濫 好鮮甜爽口彈牙 除咗壽司,都叫咗串燒 呢串係牛舌心~ 好香好爽口, 牛油漏晒出黎 極邪惡😈😈 食左咁多野,有得坐慢慢食 飲返幾杯綠茶消下滯,確係舒服過企喺度嘅
評分: 味道 4 環境 4 服務 5 衛生 4 抵食 4
2021-10-26
今晚收工過黎, 終於終於唔洗排一輪 因為用左醒目嘅方法排隊 就係用app 預先拎飛 實在太太太方便了 好快就入得坐低即刻嗌野食,揀左紅燒牛肉牛筋麵同芝士岩鹽奶蓋炭燒烏龍茶 小食揀左台灣腸同炸大腸 牛肉牛筋的料超多, 伴有酸菜 令牛肉湯的味道層次提升 牛肉肉質夠腍,好入味,牛筋亦炆得夠腍 麵質有口質,麥味好香 好好食 大滿足 叫左炸大腸 皮很脆過下口癮~ 份量剛剛好 奶蓋香濃,飲返啖烏龍茶幫助下消化 呢個價錢,呢個份量其實真係好抵! 會再繼續支持 評分: 味道 5 環境 4 服務 5 衛生 5 抵食 5
|