噚晚膽粗粗同老公兩個人試咗呢間湘菜館，唔係好食得辣嘅我地試咗小辣。 醋泡雲耳，夠爽口，蒜頭同辣椒味道好突出，唔會只有醋嘅酸味。四個餸入面估唔到佢係最辣嘅。 反而紅噹噹嘅紅油皮蛋完全唔辣，皮蛋唔係死實實嘅，口感唔錯，可以再encore. 酸菜魚用料十足，我地叫咗小辣。除了主菜酸菜同魚之外，還有百頁豆腐，金針菇同埋寬粉，再加上食用菊花。魚嘅口感很順滑，很夠味。 另外叫咗個茄子豆角，走辣。可惜太油膩。 下次會再試佢地嘅小炒！

餐廳整體氣氛唔錯，慢慢食唔會有俾人趕走嘅感覺。Menu製作好精美，好似睇緊啲結婚相簿咁。 當時同老公order咗 1個冷盤，2個主菜同 2杯飲品。 飲品點了Red Wine Mix Berry同麥味啤酒。Red Wine Mix Berry味道唔係咁夾，較為普通。麥味啤酒麥味好香，唔錯。 冷盤係西西里鯷魚西蘭花，原本想像會有鯷魚碎灑在西蘭花上，試食第一件食唔出有鯷魚味道，肉眼也看不到鯷魚，找來經理詢問一下，原來此道菜式並非將鯷魚灑上，而是只有鯷魚汁嘅味道。我地表示略淡，沒有鯷魚味。結果經理奉上一小碟鯷魚，俾我地伴食。態度服務認真一流，銅鑼灣區真係好少見。 另點了肉醬牛肝菌寬扁意粉，味道濃郁，意粉口感很好。 另一主菜係四季pizza, 加埋蜜糖一齊食，份外美味。

招牌豬扒米線又咸又油膩，而家花生有油億味。非常唔Ok! 食完成個下午都好口渴，可能味精落得太重手。 衛生情況尚算OK, 不過伙記非常無禮，建議再培訓。 短期唔會再幫襯。

此店食物水準一流，今次叫了推介的 "印式豬扒煎蛋飯", 豬扒以印度香料醃製，入味夠腍。兩大塊豬扒，煎蛋，仲有椰菜，連熱飲價錢為 $40, 好抵食！ 另外，很欣賞外賣盒的設計，三個獨立小格，把飯，豬扒，菜分開盛，白飯不會因汁液浸到變霉，非常細心。 少少建議，若能減少豬扒份量，多加點蔬菜會更讚。

價格遠超質素，每個簡單小菜標價$100 以上，每位客人必需叫一個小菜，例如四位便被要求order四個餸。職員漏單，竟然同我地講，"我聽唔到喎，咁你地食少啲啦", 態度極之惡劣，自恃得了某周刊 2014 food award, 卻忘了基本的服務態度，不知所謂。筲箕灣東大街美食眾多，確實不用俾錢受氣，沒有下一次

昨天和同事在這裡午餐, 去得Mr. steak, 無理由唔食steak嫁, 結果我選了牛扒set.

(1) 自助salad bar, 好少choice, 但acceptable.
(2) mini soup, 好surprise, 竟然用Espresso 既杯serve 周打魚湯.
(3) 肉眼扒, order 7成熟, 結果係全熟, 好乾好'鞋'好難食.
(4) 甜品buffet, 食晒唔refill, d cake 難食過美心西餅.
(5) Coffee, 一般house coffee.

set lunch $138加一, 應該唔會再去.