經過呢間見到好多tea set價錢可以接受, 就入去試下我地四個人去食, 每人叫一碟小食, 加一個海鮮炒金邊粉
整體既水準唔錯, 有幾樣覺得係水準之上想介紹一下冬陰豬頸肉金邊粉, 豬頸肉煮得嫩, 肉夠肥, 唔錯
冬陰公最緊要係酸辣, 個人覺得個辣味比較出, 但都不失個酸味
好多時係出面食都會配菜呀草菇呀都唔入味, 呢道就冇呢個問題, 真係唔錯!見到都已經流哂口水既泰式鳳爪, 係我最鐘意既冷盤!
夠酸夠辣夠爽口, 冇骨鳳爪肉啖啖好滋味
個人鐘意夾埋紅蘿蔔絲黎食, 味道豐富D泰式炸蝦餅就不過不失, 因為上個枱個時唔係個種熱烘烘, 咬落鬆脆
不過個味道都唔錯既, 蝦肉味都豐富, 個醬都出色, 加番d分

放工係尖沙咀行完街, 去山林道搵食, 咁岩見到呢間不起眼既店舖, 被串燒二字吸引, 試下先~

睇下餐牌, 有最愛既芝士類!
我地先叫左雞軟骨串, 牛肉粒, 雞腎~
三樣都好惹味, 而且鎖住肉汁, 味道適中, 不會過咸或太淡~第二樣係芝士牛柳粒
牛柳粒保留著原有肉鮮味, 而不失芝士香, 值得一讚~燒汁雞翼, 跟前兩者完全不同的感覺, 外皮少少脆口, 係送酒唔錯既選擇芝士煙肉焗蠔
呢個芝士口感同味道都比較濃, 烈蠔的鮮味, 煙肉的咸香, 三者都配合得宜~
蠔肉肥大, 絕不是便宜貨色, 而且價錢只係中位數, 推介~最值得一讚既一定係牛舌~
無論係口感定係味道都係一流!
一咬落去, 外脆內軟, 一食停唔到口, 非常搶手, 當晚想再落單已經賣光, 唯有等下次~招牌魚香燒茄子, 入口有點辣, 同茹子好配合, size好大, 同手臂差不多大~最後都係意猶未盡, 點埋芝士豬頸肉~
每一塊都係黏滿芝士, 滿足!不得不提, 呢道有１６６４啤酒!!!!!!!!!!!!!!!大滿意~

阿哥豪氣請食飯, 請我去食辣蟹, 勁好死
不過由於佢係即興請食飯, 所以無訂位, 等左一陣
叫左椒鹽鮮魷,火熖九肚魚, 避風塘炒蟹, 一個粥, 全部都係海鮮
2個男人夠食啦~
椒鹽鮮魷超香, 唔同出面個D炸到勁硬, 粉好薄
最爆炸係火熖九肚魚, 好勁呀個火~~, 九肚魚加埋蔥蒜同埋佢既汁, 食唔停口架~~真係嫌少
避風塘炒蟹, 必食架啦, 不過估唔到阿哥2個人食飯都會叫隻4舊水既蟹(細SIZE), 真係好豪呀佢今次, 蟹好肥美, 多肉, 好甜, 我地叫左大辣, 食得好過癮
泥鯭粥係叫個中既, 好正, 好綿...好綿, 又多料

星期五放工上完堂成九點鐘 成日都唔知食乜好 係又一城同同學行行下 就試下新野
exp因為平時行過覺得好貴所以都唔行入去喇 今次費時行 就試下啦又見好多人
應該係好野黎既 .. 不過要等等位 大約等左15分鐘就有位 我地3個人 嗌野share
叫左蒜香芝麻雞翼, EXP pizza, 白酒煮蜆扁意粉 同埋 茄汁大蝦意粉..
我見d人都係嗌一碟2個share 因為貴啦應該,, 等左好耐d野食先慢慢黎齊
首先個蒜香芝麻雞翼 夠晒香 好脆皮 好味!
之後食pizza 都幾足料又新鮮 同埋批底夠哂香脆,
再黎 白酒煮蜆扁意粉 好香 旦係我食落覺得無咩味囉,, 唔係好好味呢個
最後 茄汁大蝦意粉 正! 我中意食呢個 個汁好多同好好味 意粉可以再硬身d
整體黎講 都唔錯 除左價錢方面 哈 ,,可以再食 出糧後..

呢間都係朋友介紹所以一試當食個甜品 以前行過唔知咩牛奶公司以為專賣奶 所以唔會望多眼
朋友介紹下就入去試上第一次 原來係出名"鄧"奶既! 唔駛等位入到去 都有唔少人坐滿好舊式茶餐廳既卡位
幾得意 環境別有一番風味 好懷舊 .. 餐牌都係一d好簡單既茶餐 價錢我覺得都叫ok啦 當食個甜品都合理既
我同個朋友都叫左朱古力"鄧"奶 真係未試過朱古力加埋"鄧"奶 幾特別 我本身又鐘意食朱古力既
唔駛等太耐有得食 "鄧"奶 好滑身 好似入口即溶咁 又不失呢個朱古力味道 2樣野混埋食都唔錯既配答
食晒食個原來都幾飽下.. 幾好味我會再食!

今次係屯門食野黎到煮樓 其實都係同呀哥求其搵d野食 呢間野好似係仙桃園d fd
心諗應該都唔差既... 下午茶廿幾蚊有野飲 我就叫左個肥牛通心米線 加珍珠奶茶
呀哥就叫左個金錢肚上海麵.. 等左十五分鐘到就有野食喇..嘩 !
我個肥牛通心米線 我覺得真係唔係好掂 首先我要通心米線唔係米線
真係想問下佢既通心係咩意思 通心米線都唔係咁既! 跟本就係俾米線我! 我最憎食米線
一路食 ...d湯低都好淡無咩味 好似淨係食緊白灼米粉咁.. d肥牛超老 唉..我真係吞都吞唔落
食左少少我就放棄左 飲奶茶算 .. 旦都係麻麻 好似唔係好似奶茶味
旦我睇呀哥個個好似又無咁差.. 試食左一口 可能有d醬汁 我覺得好味過我個個先!/_\
算喇 我以後都唔會食通心米線喇

尋晚同朋友銅鑼灣 行到累就搵野食喇 唉有時真係唔知食咩好..
係咁兜兜兜 兜左成個鐘都未知食乜 用手機上埋網都係無咩idea
最後其實係行唔旭喇 咁就入左身旁老字號既翠華餐廳食!
入到去坐低 嘩 原來咁多野食揀 不過咁多既時候又好難簡
最後我簡左咖哩精選既咖哩牛朒肋飯 而朋友就食個68既鐵板餐
我個咖哩牛朒肋飯份量好多 同埋比想像中spicy好多 d牛肋勁正好爽
邊食邊spicy到 係咁叫waiter加水 我諗中意食spicy野既人都會好滿意
朋友既68既鐵板餐 份量都係好多 又有湯又有包 試食過佢d扒都真係唔洩 好"林"
所以鐵板餐都幾抵食 雖然呢度食唔係平 旦係絕對一分錢一分貨 值!

今日放假入屯門搵個朋友 去行左陣街 朋友就帶我去佢屋企附近 佢成日食既一間鋪頭
入內有唔少野食選擇 我都唔知叫咩好 朋友就介紹我食湯寬粉 而佢就叫左無湯粉,,
因為係平日原來好多學生哥去食 店舖環境雖然十分求其 旦d呀姐既服務態度幾好
好快就有得食 我個個湯寬粉上面勁多雜料 雖然唔知咩黎 旦係lo埋晒黎食 別有一番風味
幾野味! 而且份量好多 我食極都食唔晒 我個朋友個無湯粉 原來好好味 又有spicy 撈麵咁 幾得意 又夠彈牙wo
下次再黎我要點呢個食囉

尋晚放工去左荃灣整頭髮 個人超支力咁俾人剪左成個幾鐘頭
剪完都成9點 之後搵野食 好求其是旦咁就入左間食車仔麵檔
d餐牌寫住訑名滷水雞亦尖 不過我唔食雞亦尖既..
所以就叫左滷水既雞亦$6 +尤魚$6 +spicy魚蛋$3 +河粉$3
order完之後 可以自己+調味既 我本身以為落緊沙dei汁 點知原來係spicy汁黎
問一問人先知 仲我仲落左兩大匙=0= .. 食落wa..真係好spicy 哈哈 不過我中意呢種感覺
個滷水雞亦好入味 滷水味夠晒濃 魚蛋好似街邊d咁 唔係大大粒個款 尤魚我都中意食
食完總共用左 6張紙巾 d鼻水係咁流 眼水又錶埋 個嘴爆紅 勁樣衰 哈! 旦真係好味 好野黎!!

前日番工既午餐 同事介紹食去食雞扒 話好好味就跟埋去喇
行左勁耐先到 食飯時間都無左幾個字 跟住仲要等.. 好多人呢
好在同事醒目羅左飛先 咁就等多一陣就有得食
入到去緊係第一時間order雞扒飯 旦原來仲有好多選擇..同事就order豬頸肉烏冬
因為有唔少人 所以環境都有d逼 同嘈雜 周不時聽唔到同事講咩
等左5-10分鐘就有野食喇 好肚餓 wa 塊雞扒真係ok的 好多汁 塊皮超正! 一定要食埋
仲有d雜菜拌碟 鼓油low飯 唔駛dry食白飯 口味都幾豐富! 而且份量好夠
同事個個就無試過喇 不過佢都話幾好味! 旦下次要再試下其他豬扒個d