平時好少來油塘，但今日男友在鯉魚門打波所以就經過呢間車仔麵。 我叫咗豬腸，牛腩同牛筋配辣汁，男友就要雞中翼，墨丸同牛腩，本來無太大期望，但真係喜出望外！ 我未試過車仔麵其中一餸係有平時食牛腩麵咁多，仲肥瘦適中，男友的雞中翼都大隻，墨丸有3粒！ $29 三餸超值，環境仲要乾淨，香港已好難揾！可惜忘記影相！ 一定會再食

真係未試過咁差，要喺食緊途中忍唔住寫食評。 huffy huffy
首先，有一位四眼高高地少肥，講野超細聲嘅侍應幫我地點菜，點了一紅一白湯，即刻攞都錯，來了兩個紅。主菜叫了鐵板火焰牛柳，由8:20 order, 等到了很久，還以為火焰牛柳特別耐，但到9:00覺得唔對路，就叫另外個侍應check, 見佢對住電腦露出驚訝表情就知'瀨野'
個幫我地落單個侍應走過黎問我地食左餐包飲左湯未？
你唔係呀嘛？明明湯都攞錯俾我竟然唔記得？ huffy huffy
原來佢根本無落單囉！就咁講左句唔好意思即閃！ 唔好意思大哂嘅！
之後食物十分鐘就到啦，如果唔係無落單，食埋走左啦，食物算ok, 個牛柳都幾淋。
另一個四眼好瘦嘅侍應落餐茶又再錯，叫奶茶黎凍檸茶。
各位記住呢兩個侍應特徵！呢度比茶餐廳衰好多。請再培訓啲侍應。
唉， sad 今晚真倒霉！

剛剛看到上一位的食評有同感。

第一次吃是幾個月前，當時也是買團購，可能因為當時團購尚未泛濫，水準還可維持。但事隔幾個月，水準明顯下降了。我選了團購指定的藍莓味，不難吃，但難有付正價再試的衝動，跟餐的雪糕更差，既小而且經已熔化了一半。

團購的本義是為了客人試過後會再次以正價再光顧，以達宣傳之效。若果是為了速銷而降低食物質素，顧此失彼，這種宣傳不作也罷。

買了團購coupon$98+原價加一（29.8),$130食個lunch其實不算便宜，所以都蠻期侍的
4月頭book位，但要排到5月先有位，都可以體諒的，因為賣出了很多coupon嘛...

首先要講下D食物先，其實雞軟骨串、牛柳粒及牛舌都幾好食，但其他食物都比較淡味

至於服務員就真係要再陪訓！有個女侍應整D左我男朋友隻筷子，佢竟然企圖執返俾佢用，0係屋企都唔會咁啦！
而且個軟殼蟹卷...散0左都照擺上0黎，佢睇到0架，不過照擺落0黎囉！
另外有好多食物都漏單，催佢都無用囉，以為D經理會好D，點知仲衰，拎碟食物0黎時黑口黑面，真係上樑不正下樑歪！等等下D食物就話夠鐘埋單，嘩，D食物咁遲0黎我當然唔夠時間食啦！全程都無人加水...咁0既服務點值＄130個lunch!我更加戥食正價0既唔抵！