菜肉包 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-02-23
今年情人節適逢元宵,係十九年一遇,各大食肆一早已安排情人節訂座,無奈另一半話可能要加班唔知幾點走,唯有即場入座。食西餐應該唔使旨意,諗住轉食其他菜,可能加上星期五既關係,去左幾間唔係大排長龍,就係話已滿座,搞到好掃興。 好在最後俾我地搵到呢間近尖東永安既餐廳,難得唔使等位,雖然佢話今晚最低消費要每人250,我地唔想再行都二話不說就入去了。 餐廳外觀似酒吧,而係尖咀黎講比較近商業區,附近冇購物點,自然少人黎。 話明係情人節,餐廳特設左幾款情人節餐,每位380,以今日黎講價錢算合理了!同一般高級西餐廳一樣,呢度既餐牌同侍應都使用全英語,而客人亦以外國人為主,見到佢地天寒地凍仲係室外好悠閒地飲酒傾計,頓時覺得自己好似身處國外咁。 比較過主餐牌同情人節餐,都係覺得叫套餐抵D,所以就點左兩款。套餐包括前菜(沙律或餐湯),主菜同甜品,仲有兩杯香檳,份量適中。 兩杯香檳杯上貼左心心,增添浪漫氣氛。 題外話/補充資料: 呢度上菜比較慢,人客又唔多,好適合飲酒傾計。推介美食: 煎三文魚意粉,朱古力慕絲蛋糕
評分: 味道 4 環境 4 服務 4 衛生 4 抵食 3
2014-02-03
同朋友仔食團年飯,揀左呢間位於深水埗既小炒中菜館。菜館位於福華街近地鐵站口,大大既招牌好易搵。由於時近農曆年,人客都唔少,為左唔好限時我地訂左八點半入座,等左一陣就有位了,不過安排座位時有點混亂哩! 我地今次坐樓上,裝修比我想像中豪華,係深水埗呢啲舊區黎講算少有。最近睇報紙有介紹呢間食店,原來港視藝員羅貫峰有份投資,唔怪得有咁多明星幫襯,當晚仲見佢坐係我地隔離枱添。 我地一行八人點左八個小菜,每款都水準之上,而且賣相精緻,令人食指大動。 先黎糖醋排骨,肉質鬆化,酸甜適中,穩陣之選。 推介美食: 糖醋排骨,黃金蝦,炒蟶子皇,千層豆腐,炸鱔頭,蕃薯芋丸
評分: 味道 5 環境 5 服務 4 衛生 4 抵食 4
2013-01-12
除夕加上結婚週年,為左避開倒數既人潮,我地揀左黎呢間名不經傳既泰國菜館慶祝。餐廳位處觀塘工業區近麗港城附近,由APM步行都要10-15分鐘,地點唔太方便,但見先幾日報紙介紹就黎試下。亦可能因為唔就腳,當日先訂位都仲有。 冇諗到除夕夜都唔滿座,我地八點黎到只係得三枱客人,人少正合我地心意,但以為可以靜靜地傾下計時,VIP房傳黎一陣卡拉OK之聲,全部係懷舊金曲,難免破壞雅興!強烈建議改善隔音! 講返食物,原本除夕有個套餐,我地睇過唔太岩食就另外散叫。叫左一個自選組合A+B+C,有燒豬頸肉沙律,藕片二重奏,水門豬脾浸芥蘭,另外加多個招牌冬蔭湯浸小籠包同泰皇咖喱海鮮炒飯。 燒豬頸肉沙律(燒豬頸肉爽口唔靱,加埋大量沙律配菜,酸酸甜甜十分開胃,而少少辣亦係一般人可以接受既程度) 推介美食: 冬蔭湯浸小籠包,水門豬脾浸芥蘭,藕片二重奏
評分: 味道 5 環境 4 服務 4 衛生 4 抵食 4
2013-01-01
舊年係逸東酒店擺婚宴,送左張500蚊餐飲coupon供一週年使用,唔想再食自助餐咁冇新意,我地就揀左黎呢度有名既中菜廳”逸東軒”慶祝結婚週年喇! 因為張coupon規定只可平日用,我地唯有提早星期五黎食。 餐廳裝潢貴氣,平日晚只坐滿半場,我地被安排坐近路口既圓枱,非常闊落。呢度走高檔路線,餐牌選擇唔多,而提供既套餐係以位計,有一個最平既二人燕窩鮑魚餐要380蚊位,由於睇落唔算好吸引,我地最終都係決定散叫。 餐前小食係豆角叉燒,少少辣幾惹味。 蔥爆牛柳條(呢味菜手功要求唔高,所以好快黎到,上菜時已聞到好香既乾蔥味,證明火喉十足,而且牛肉嫩滑,送飯一流,但要留意啲青辣椒係好辣的) 題外話/補充資料: 用左結婚週年500蚊coupon,埋單補返259, 抵!推介美食: 煎帶子
評分: 味道 4 環境 5 服務 4 衛生 4 抵食 3
2012-09-16
婚後大半年同返d兄弟姐妹聚會,原本打算食西餐,順便可以飲下酒,但星期五晚好多地方都冇得訂,西式酒吧餐廳又嘈又未必坐得落我地11人咁多,所以最終都係決定食中菜喇! 朋友介紹話尖沙咀開左新酒樓,睇過食評都唔菜,就試下啦!餐廳位於尖沙咀棉登徑內街,近K11,真係幾難搵,強烈建議係街口整返個燈箱或招牌指路哩! 我地一早訂左位,黎度仲有包廂,加上超高清電視,真係唔錯!如果洗手間既標示更清晰就更好。 朋友提我有某啲菜式好快沽清,尤其係個招牌茶壺湯,所以幾日前就訂了。我地一共點左十道菜: 1.椒鹽九肚魚(呢個菜我冇食到,但睇黎都幾香口) 今次飯局大家都好滿意,同區黎講亦唔算太貴。多謝朋友的推介,希望下次可以試下飲茶! 題外話/補充資料: 今次用左九折優惠,而8月23日既頭條日報有$500送$100既優惠券,到九月尾都仲用得,大家可以搵下。推介美食: 陳村咕嚕黑豚肉,阿寶燒雞,牛肝菌雞腳燉螺頭,大漠風沙鮮蟲草牛肉卷,陳皮紅豆沙
評分: 味道 5 環境 5 服務 4 衛生 5 抵食 4
|