OpenRice 主頁      English OpenRice      TableMap      開飯遊踨
   中文 | English
菜肉包
我是住在馬鞍山的菜肉包。我在沙田工作。我最常於旺角馬鞍山出沒,最鍾意港式日本菜迴轉壽司店雪糕/乳酪
食評會員 2次成為首位寫食評會員
食評數目 食評數目 122
編輯推介數目 編輯推介數目 0
食評被推次數 會員推介次數 17
人氣指數 人氣指數 8637
討論區留言 留言數目 0
上載相片 上載相片 202
上載影片 上載影片 0
我的推介食評 我推介的食評 0
我的餐廳 我的餐廳 124
關注 關注 0
粉絲 粉絲 27
菜肉包  等級4
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 122 篇香港及鄰近地區的食評,正顯示第 1 至 5 篇的食評
2014-02-23
Share on TwitterShare on Facebook
類別 : 意大利菜西餐廳薄餅

今年情人節適逢元宵,係十九年一遇,各大食肆一早已安排情人節訂座,無奈另一半話可能要加班唔知幾點走,唯有即場入座。食西餐應該唔使旨意,諗住轉食其他菜,可能加上星期五既關係,去左幾間唔係大排長龍,就係話已滿座,搞到好掃興。 sad 好在最後俾我地搵到呢間近尖東永安既餐廳,難得唔使等位,雖然佢話今晚最低消費要每人250,我地唔想再行都二話不說就入去了。 mad 餐廳外觀似酒吧,而係尖咀黎講比較近商業區,附近冇購物點,自然少人黎。

話明係情人節,餐廳特設左幾款情人節餐,每位380,以今日黎講價錢算合理了!同一般高級西餐廳一樣,呢度既餐牌同侍應都使用全英語,而客人亦以外國人為主,見到佢地天寒地凍仲係室外好悠閒地飲酒傾計,頓時覺得自己好似身處國外咁。 lol

比較過主餐牌同情人節餐,都係覺得叫套餐抵D,所以就點左兩款。套餐包括前菜(沙律或餐湯),主菜同甜品,仲有兩杯香檳,份量適中。

兩杯香檳杯上貼左心心,增添浪漫氣氛。

 
前菜沙律有兩粒切半帶子,都算鮮味,但就鹹左少少,個sauce都OK。

 
餐湯係蕃茄醬蓉煮的,味道同肉醬意粉個醬好似,湯內放左一件去皮炸雞,老公話都幾好食,美中不足係兩件餐包係凍的。

 
主菜黎喇,係最穩陣既三文魚扒意粉。三文魚扒份量十足,煎得恰到好處,意粉亦軟硬適中,加埋碎芝士更加惹味,而伴碟既菠菜亦唔失分,只係有點點油,一次半次冇所謂啦!tongue

 
另一道主菜係牛尾伴龍蝦煙肉蘆筍卷,第一次咁樣食牛尾,有少少靱,龍蝦係雪藏貨,整體味道不過不失,反而墊底既薯蓉最好味。

 
到食甜品喇,賣相吸引既雞蛋布丁同市面食既分別在於佢既質地比較厚實,蛋味更濃。

 
另一款甜品係朱古力慕絲蛋糕,外表平實既蛋糕厚如一件磚頭,食落口充滿濃郁既朱古力香,夾雜朱古力碎,簡宜係驚為天人,真係好好食啊!lol

 
餐廳每枱會送一支玫瑰花以配合情人節既氣氛,對於多年冇收過花既我真係好大驚喜哩!其實係甜蜜既日子同心愛既人享用晚餐,食乜都係甜既!
題外話/補充資料:
呢度上菜比較慢,人客又唔多,好適合飲酒傾計。
推介美食: 煎三文魚意粉,朱古力慕絲蛋糕
堂食等位時間: 0 分鐘
用餐日期: 2014-02-14         慶祝紀念: 情人節
是次消費: 每人約$410 (晚餐)

評分: 味道 4   環境 4   服務 4   衛生 4   抵食 3

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2014-02-03
Share on TwitterShare on Facebook
類別 : 港式中菜館海鮮酒家燒臘

同朋友仔食團年飯bowl,揀左呢間位於深水埗既小炒中菜館。菜館位於福華街近地鐵站口,大大既招牌好易搵。由於時近農曆年,人客都唔少,為左唔好限時我地訂左八點半入座,等左一陣就有位了,不過安排座位時有點混亂哩!
我地今次坐樓上,裝修比我想像中豪華,係深水埗呢啲舊區黎講算少有。最近睇報紙有介紹呢間食店,原來港視藝員羅貫峰有份投資,唔怪得有咁多明星幫襯,當晚仲見佢坐係我地隔離枱添。
我地一行八人點左八個小菜,每款都水準之上,而且賣相精緻,令人食指大動。tongue
先黎糖醋排骨,肉質鬆化,酸甜適中,穩陣之選。

 
再黎黃金蝦,一支支連殼中蝦舖滿甘香濃郁既鹹蛋黃,蝦肉彈呀鮮味,令人暫時忘卻高膽固醇既威脅。黃金醬汁送飯一流,可惜不慎俾阿姐收走了!sad

 
至貴既豉椒炒蟶子皇係朋友指定菜式,待應上碟時再用火燒一燒,火光熊熊既震撼畫面實在為之驚嘆!shocked比起炒蜆,蟶子更加肉厚多汁,所以雖然成五十蚊隻都覺得抵既!

 
唔記得名既千層豆腐刀功一流,味道清淡正好消消滯。lol

 
另一味大獲好評既菜就係炸鱔頭,蜜汁包住外脆內軟既鱔魚,遠睇似叉燒,食落比叉燒更多汁,大家都讚口不絶!smile

 
食肉太多當然要飯返啲菜平衡返,推介既海王菜其實即係瑤柱扒豆苗既變靚版,食味同一般酒樓無異。

 
薑葱焗蠔一客六隻,正好有兩位朋友唔食蠔,剛好夠分。此蠔肉質鮮嫩,只是調味太重鹹左啲。

 
人多要食飯先夠飽,炒飯不過不失,始終只係主菜既點綴,唔會要求太高。

 
最後冇諗到會有甜品送,而且唔係行貨紅豆沙,係好有特色既炸蕃薯芋丸,做法類似高力豆沙,但咬開內裡係熱辣辣黃蕃薯加紫芋頭,色澤吸引,甜度適中,為這次開心既團年飯畫上完美句號!lol
送既

送既

 
推介美食: 糖醋排骨,黃金蝦,炒蟶子皇,千層豆腐,炸鱔頭,蕃薯芋丸
堂食等位時間: 30 分鐘
用餐日期: 2014-01-25         慶祝紀念: 團年飯
是次消費: 每人約$210 (晚餐)

評分: 味道 5   環境 5   服務 4   衛生 4   抵食 4

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2013-01-12
Share on TwitterShare on Facebook
類別 : 泰國菜

除夕加上結婚週年,為左避開倒數既人潮,我地揀左黎呢間名不經傳既泰國菜館慶祝。餐廳位處觀塘工業區近麗港城附近,由APM步行都要10-15分鐘,地點唔太方便,但見先幾日報紙介紹就黎試下。亦可能因為唔就腳,當日先訂位都仲有。lol

冇諗到除夕夜都唔滿座,我地八點黎到只係得三枱客人,人少正合我地心意,但以為可以靜靜地傾下計時,VIP房傳黎一陣卡拉OK之聲,全部係懷舊金曲,難免破壞雅興!mad強烈建議改善隔音!

講返食物,原本除夕有個套餐,我地睇過唔太岩食就另外散叫。叫左一個自選組合A+B+C,有燒豬頸肉沙律,藕片二重奏,水門豬脾浸芥蘭,另外加多個招牌冬蔭湯浸小籠包同泰皇咖喱海鮮炒飯。

燒豬頸肉沙律(燒豬頸肉爽口唔靱,加埋大量沙律配菜,酸酸甜甜十分開胃,而少少辣亦係一般人可以接受既程度)

 
冬蔭湯浸小籠包(呢味Fusion菜好有新意,酸辣既冬蔭湯正好代替平時既醋,帶出小籠包既鮮味,唯美中不足係小籠包皮偏厚,但同時亦比較飽肚tongue

 
水門豬脾浸芥蘭(平時好少食豬脾,怕佢太肥膩,但呢度既豬脾皮爽肉滑,入味口感佳,墊底既芥蘭剛好中和食肉既飽滞感,值得一試)

 
藕片二重奏(用蝦膠同鯪魚膠釀既藕片炸成黃香脆既多士狀,香口唔腥,可惜只有六件,人多會唔夠分!)lol

 
泰皇咖喱海鮮炒飯(炒飯充滿咖喱香味,加上各式各樣既海鮮,包括鮮魷,青口同大大細細既蝦,用料同份量十足,兩個人未必食得晒)

 
炒飯食得多,有鮑魚既我係第一次見,仲要唔細隻,真係大開眼界!shocked

 
臨尾仲送上甜品,係紅豆大菜糕,冇諗過咁好味,為晚餐錦上添花!lol

 
呢度夜晚人客唔多,待應阿姐有時都幾得閒,所以我地叫佢幫手影相都好俾心機。同埋佢既份量唔少,今次我地就叫多左搞到飽得滯!如果一班人想食泰菜又唔嫌交通不便,呢度係值得一試的!
推介美食: 冬蔭湯浸小籠包,水門豬脾浸芥蘭,藕片二重奏
堂食等位時間: 0 分鐘
用餐日期: 2012-12-31         慶祝紀念: 除夕
是次消費: 每人約$240 (晚餐)

評分: 味道 5   環境 4   服務 4   衛生 4   抵食 4

推介此食評

0
 
 
你覺得這篇食評:
鼓勵
期待
有趣
感動
羨慕
靚相

共有3 人投票
查看結果

2013-01-01
Share on TwitterShare on Facebook
類別 : 粵菜 (廣東)酒店餐廳咪嘥嘢食店少鹽少糖食店海鮮點心同客食飯適合駕駛人士適合大夥人

舊年係逸東酒店擺婚宴,送左張500蚊餐飲coupon供一週年使用,唔想再食自助餐咁冇新意,我地就揀左黎呢度有名既中菜廳”逸東軒”慶祝結婚週年喇!smile 因為張coupon規定只可平日用,我地唯有提早星期五黎食。

餐廳裝潢貴氣,平日晚只坐滿半場,我地被安排坐近路口既圓枱,非常闊落。呢度走高檔路線,餐牌選擇唔多,而提供既套餐係以位計,有一個最平既二人燕窩鮑魚餐要380蚊位,由於睇落唔算好吸引,我地最終都係決定散叫。

餐前小食係豆角叉燒,少少辣幾惹味。

 
因為老公唔鍾意食骨,費煞思量後點左四道菜,都係水準之作:

蔥爆牛柳條(呢味菜手功要求唔高,所以好快黎到,上菜時已聞到好香既乾蔥味,證明火喉十足,而且牛肉嫩滑,送飯一流,但要留意啲青辣椒係好辣的)lol

 
麒麟花膠柚皮(花膠柚皮一向係好難煮既食材,花膠要去腥而柚皮要去苦味,菜牌上話呢道菜仲係米芝蓮推介哩。不過可能太耐冇食柚皮,所以覺得有少少苦澀味,而花膠亦煮得焾身,味道唔錯)

 
香煎帶子(菜名唔記得了,原本係叫呠酒煲仔蠔的,但賣晒了就叫左呢味。開邊帶子夾住蝦膠煎至金黃色上碟,配以金華火腿,估唔到帶甜味既金華火腿加上帶子係咁夾的,味道一流,真係錯有錯著!)mad

 
鮑汁荷葉飯(炒飯乾身入味,但稍欠荷葉香,可能師傅唔想好似出面酒樓咁蒸到塊荷葉焾晒,以保持荷葉翠綠既顏色,不過就要犠牲食味了)

 

 
香芋西米露(臨埋單時待應主動問食唔食糖水,有西米露,蕃薯糖水同豆腐花,我緊係揀最花功夫既西米露啦!芋頭好香,但呢度的西米竟然係爽脆的,有點唔習慣哩!shocked

 
整體環境唔錯,人唔多又夠靜,食物質數中上,岩晒傾計傾生意。
題外話/補充資料:
用左結婚週年500蚊coupon,埋單補返259, 抵!
推介美食: 煎帶子
堂食等位時間: 0 分鐘
用餐日期: 2012-12-28         慶祝紀念: 紀念日
是次消費: 每人約$380 (晚餐)

評分: 味道 4   環境 5   服務 4   衛生 4   抵食 3

推介此食評

0
 
 
你覺得這篇食評:
鼓勵
期待
有趣
感動
羨慕
靚相

共有1 人投票
查看結果

2012-09-16
Share on TwitterShare on Facebook
類別 : 粵菜 (廣東)酒樓海鮮點心

婚後大半年同返d兄弟姐妹聚會,原本打算食西餐,順便可以飲下酒,但星期五晚好多地方都冇得訂,西式酒吧餐廳又嘈又未必坐得落我地11人咁多,所以最終都係決定食中菜喇!

朋友介紹話尖沙咀開左新酒樓,睇過食評都唔菜,就試下啦!餐廳位於尖沙咀棉登徑內街,近K11,真係幾難搵,強烈建議係街口整返個燈箱或招牌指路哩!mad

我地一早訂左位,黎度仲有包廂,加上超高清電視,真係唔錯!如果洗手間既標示更清晰就更好。

朋友提我有某啲菜式好快沽清,尤其係個招牌茶壺湯,所以幾日前就訂了。我地一共點左十道菜:

1.椒鹽九肚魚(呢個菜我冇食到,但睇黎都幾香口)

 
2.陳村咕嚕黑豚肉(新式咕嚕肉製法,黑豚肉細細粒,肉質鮮嫩,外皮鬆脆,加上皮蛋同蕎頭,開胃至極)

 
3.水芙蓉蒸明蝦球(呢味菜黎到時真係嚇一跳,個盆大到可以幫BB沖涼shocked,我估起碼落左廿隻蛋!後來先知因為人多,所以廚房落左雙份。呢道菜係TVB得獎名菜,蝦肉新鮮爽口,蛋白幼滑,送飯一流)

 
4.阿寶燒雞(又係此店必食之選,師傅話堅持選用新鮮雞。外皮香脆,雞肉鬆軟唔鞋口,果然不同凡響。)

 
5.花膠上湯浸時蔬(之前係其他酒樓食過同一款菜,難免會有腥味,呢度處理花膠好明顯係有技巧,一啲腥味都冇。當日揀左配菜心,個人覺得如果啲菜焾多少少會更好)

 
6.避風塘炸豆腐(做得好好,外脆內軟,非常喜歡)

 
7.西汁肉眼扒(似中式牛柳,西汁味好出,係好家常既一味菜)

 
8.牛肝菌雞腳燉螺頭(呢度既湯經常好早沽清,如果想飲一定要訂。佢地最大特色係湯用紫砂茶壺上,目的係要鎖味同保溫,賣相亦非常特別。燉湯最重要係香濃,呢度絕對合格有餘。不過牛肝菌帶少少苦味,未必個個喜歡。)

 
9.大漠風沙鮮蟲草牛肉卷(好似畫一樣既賣相,靈感原來自成日食既金菇牛肉卷。呢度將佢加以改良,用新鮮蟲草代替平價既金菇。鮮蟲草我都係第一次食,原來煙煙靱靱都幾得意。而牛肉亦煎得恰到好處,牛魔王必食!lol

 
10.海鮮兩面黃(呢度菜黎時大家已飽了,結果老公包底,但憑賣相應該都唔錯的)

 
11.陳皮紅豆沙(當晚飯後甜品送左個陳皮紅豆沙,同出面唔同,呢度既紅豆沙確係真材實料,除左有香濃既陳皮味之外,糖水本身係無一粒粒紅豆的,因為全部都溶化成沙,證明火喉十足,亦俾我對平凡既紅豆沙留下新既印象!tongue

今次飯局大家都好滿意,同區黎講亦唔算太貴。多謝朋友的推介,希望下次可以試下飲茶!
題外話/補充資料:
今次用左九折優惠,而8月23日既頭條日報有$500送$100既優惠券,到九月尾都仲用得,大家可以搵下。
推介美食: 陳村咕嚕黑豚肉,阿寶燒雞,牛肝菌雞腳燉螺頭,大漠風沙鮮蟲草牛肉卷,陳皮紅豆沙
用餐日期: 2012-09-14        
是次消費: 每人約$210 (晚餐)

評分: 味道 5   環境 5   服務 4   衛生 5   抵食 4

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果