店內裝修簡單，尚算整潔。

坐位似快餐店，一排的。

冷氣唔夠，坐入少少會好D。

點了黄咖哩牛肉、蒜蓉包、串燒、泰式雞肉炒飯。

黄咖喱好香，味道不錯，有好多薯仔做配菜，可惜牛肉很重雪味。

蒜蓉包一片厚方包開4件，圖文不符..... 承惠$34

串燒牛係凍既，串燒雞同豬係暖既，問店員點解係咁，佢就話係啱啱燒好，但我話啱啱燒好唔會凍架，佢就話係咁架啦~

最後上既炒飯，啲配菜紅蘿蔔係酸既...... 雞肉又係有雪味，最終我地都無食了......

中伏！無下次！

D位係迫咗D既，特別係中間D圓枱.... 食飯時間真係行都行唔到。

食過早餐、晚餐。

早餐五香肉丁係自家製，有誠意。

炒蛋午餐肉，係油咗D既....... 配個迷你菠蘿包，係補咗唔少飛既~

早餐$33，價錢算中等啦~


晚餐食過幾次，蒸魚好新鮮，唔會有泥味，

三杯雞煲熱辣辣，鑊氣十足。($60)

椒鹽鮮魷條條香胞，唔會過油，送酒一流。

豉椒排骨炒河，味道唔錯，份量頗大，一個女仔食唔哂。

本來我就唔飲例水既，不過次次去到，老闆都會話「無味精架，飲碗啦~」，係OK既!!  不過飲完真係飽咗1/3...... 哈哈!

食過兩次，兩次都係食套餐，一個麵 + 一個小食 + 一支飲品 第一次選豚骨湯烏冬，本身唔鍾意杰湯既我覺得剛好，又唔會過咸，烏冬麵偏淋，唯一叉燒乾身咗少少.... 小食揀咗餃子，無乜特別，可能麵係來貨吧⋯⋯ 值得一提係枝汽水，因為係玻璃樽裝！ 😋 第二次選櫻花蝦湯拉麵，明顯比豚骨濃好多，好香，有蝦油，係咸咗少少少少🤏⋯⋯ 今次麵底適中，唔會太硬或太硬，加多咗隻糖心蛋，真係必食推介！！！ 😋😋😋 小食揀咗慢煮雞沙律，個雞好好食，無雪味！ 服務就真係..... 算吧啦...... 剛放低筷子5秒抹一抹咀就黎收碗！ 喂！ 我想食埋啲木耳呀！ 之後飲緊枝汽水，就突然走黎叫我payme!! 我枝汽水都未飲完呀！ 我明白舖仔係靠返枱，但未有人等位，隔離有吉枱，唔洗咁趕客既..... 幾好食都好，服務咁差真係唔會再去.... 無理由貼錢買難受啫⋯⋯

一行5人去食韓燒, 因為果日天氣好熱, 我地唔想飲熱茶, 所以叫左5杯凍水.
但點知餐廳唔可以refill凍水, 所以我地坐左唔洗20分鐘, 枱面已經有12隻杯.... 
我地點左個牛肉拼盤、豬肉拼盤、雜菜拼盤、醬油蟹、泡菜餅。
首先雜菜拼盤同牛肉拼盤上枱, 賣相ok, 但個西蘭花點燒都唔熟....  牛肉還可以, 但份量好少, 只有一人一小件.
醬油蟹好味, 有埋窩旦飯撈好食~
泡菜餅無乜特別....

好啦.... 食左40分鐘到, 近牆既位置有隻好細既曱甴出黎,  我地都不以為以, 用tissue禁死佢就算.....
點知過左5分鐘, 又有第二隻出黎, 我地就開始睇下點解咁多,
然後坐牆邊個朋友就話 "好多隻呀~~~~有3、4隻係度呀!!"  我地即時叫店員, 個男仔話 "咁你地想點?  調枱好無?" 我地仲有野未食完, 個豬肉拼盤都未上, 咁當然調啦~
點知佢係調我地出兩個位, 然後仲好好笑咁問我地仲食唔食....
咁我地就話, 枱面果d食埋佢啦~  未上果d唔要啦~ 之後佢地就掛住收拾 "證據", 完全無理過我地~
我話要餐具佢都唔理我地, 話 "我要執左先, 可以d野食味引左曱甴出黎."
唔好玩啦~  成間餐廳都係野食, 咁你係咪要收哂?!  
最後我地食哂d野, 埋單走,  個女waiter仲要好巴閉咁同我地講, 經理話比個9折我地~
真係皇恩浩蕩~  多謝哂~~~

以前見到間舖裡面黑忟忟，望到都唔敢入去食…… 見到裝修好，好光猛，好乾淨，又有優惠，於是入去試下! $10個菜真係無花無假，係平時正價份量! 炸豆腐凍左都唔淋，好食! 啫啫龍躉頭腩係堅龍躉，無魚目混珠! 火喉夠又唔咸! 正! 土魷肉餅煲仔飯，飯焦剛剛好，係個豉油教得麻麻……

兩個人帶埋隻狗仔，可以舒舒服服食餐飯真係唔易！ 今晚同老公帶埋個女(狗仔)黎到The Salted Pig, 店員好好service, 細心介紹餐廳食品！ 叫左sausage platter 同烤乳豬，the salted pig draft, 同IPA craft beer. the salted pig draft比較淡，啱女仕口味。 IPA craft beer 一般，可能我地唔鐘意飲ale. Sausage platter 有5款同7條腸，味道唔錯，仲有好多烤蔬菜伴碟，但個汁一般。 烤乳豬好有驚喜！！！ 皮脆但唔會咀，肉質juicy香滑，但配菜竟然係菜芯，好似唔係咁襯囉！

係金都行街搵資料搞到好攰, 男友話要去打邊爐補充體力~  

去到太子, 有好多間雞煲, 不過都要排到,
行遠少少, 有間好似新開既 SHABU SHABU,
食法好似牛陣咁, 叫一款牛肉, 加任食自助 BAR,
勝在新開唔洗排隊呢!!!

亞媽話要請食生日飯, 唔好太嘈, 又唔好太遠, 最好一程車到~

跟住又話大熱天時無乜胃口, 唔好食西餐....

正當我稔到頭大時, 就係OPENRICE 見到各食家對馬來一菜館既好評啦!

囉惹醬沙律 (Rojak), 個汁好得, 加埋炸到脆卜卜既油炸鬼, 真係一流~

炸雞, 麻麻地, 有D乾, 可以不試

蝦麵, 好香, 足料, 都幾辣

亞參另沙, 酸酸地, 好開胃... 但我自己都係鐘意新加坡叻沙多D~

檳城炒貴刁, 炒得好香, 有鑊氣, 加埋臘腸好惹味, 不過對我黎講好鬼辣
羊肉/雞肉/牛肉串燒, 沙嗲醬甜左少少, 但幾好味, 可以解辣~  個唔知係咪米線糕既伴菜有D奇怪...

香蘭椰絲卷, 超新鮮, 超香, 超好味~  必食!

榴槤布甸, 都幾滑, 好香濃既榴槤味

因為團購見到D點心相好吸引, 所以好快就買下然後訂位~
打去訂枱打足半日, 奇怪地成日都飛左條線去手提電話...
最後有人聽啦, 但就話星期5, 六、日都FULL了....
我買既時段係下午茶時段, 咁咪即係要請假去食?!  

星期一男友話得閒, 卒之真係放假去食...
蝦腸粉, 味道OK, 但粉皮好厚好鞋
蒸排骨, 無味
蒸鳳爪, 發到原全無咬口
蒸牛肉球, 有陣梳打粉味
牛柏葉, 無味
燒賣, 味道OK

兩個字... 中伏  

之前經過時仲係試業, 今次終於可以試到啦~

食過超過15間拉麵, 呢間都算係我最喜歡既頭3名,
相信好快會係香港拉麵頭3位!   

星期五晚7:10到, 等位唔係太耐, 大約15分鐘度.

同豚王一樣, 有張ORDER單比你剔
淡味, 濃湯, 黑蒜, 辣味一共4款麵
仲有一款限定不定期轉款

服務員SERVICE 都唔錯
環境都算闊落
枱面有蒜泥, 辣菜, 芝麻, 餃子醋等等serve

我地男友一人叫左一碗:濃湯 and 黑蒜
佢個黑蒜唔太夠熱, 我果個就好好好味啦!!!!!
湯底香、濃, 麵夠硬, 可惜配菜太少.....
無蛋, 無筍, 無木耳

再order 左一客餃子, 有驚喜!
少有地係 juicy 既~  唔錯~