呢度既麻辣餸菜唔錯, 雖然唔係好正宗既四川菜, 但係味道好好
我通常會叫麻辣米線或者麻辣炒飯, 兩種都好好食
如果覺得唔夠辣, 可以加桌面既辣椒醬, 好辣好香!
我通常叫既麻辣大腸炒飯, d大腸好肥好香好好食呀! 推介!
而且呢度既服務唔錯, 值得讚揚!

一直都有留意呢間於屋企附近既韓國菜館, 亦有睇佢0係openrice既好評,
成日都想試, 但係成日都好多人排隊....
今日終於把心一橫等位, 等左15分鐘就有位了, 結果冇令我失望

兩個人叫了:
牛肉魷魚石頭窩飯 - 上桌時熱辣辣, 侍應加上麻油及辣醬後有禮地問我們要不要他幫忙攪拌, 當然好啦~ 味道非常好, 牛肉有甜的味道, 沒有被梳打粉弄過, 有咬口得來不un, 魷魚有醬汁拌隨頗惹味! 飯加上醬汁後很好吃, 加上有飯焦 (我的最愛), 要我一個人吃一窩也完全不是問題! 跟飯的湯甜甜的, 亦很好飲!

海鮮蛋餅
蛋餅煎過後仍頗鬆軟, 雖然不太多海鮮, 但亦充滿蛋香, 很美味!

由於老闆是韓國人的關係, 這裡的菜式都很正宗!

服務方面, 一對後生男女侍應(看似老闆的一對子女)很溫文有禮, 雖然沒有日本餐廳的那麼跨張, 但給人感覺很舒服。而老闆可能不懂廣東話, 很少跟客人有交流, 但不代表他無禮, 因有時看到他對客人笑得很親切! 整體給人很溫暖的家庭感覺, 好像真的去了一個韓國家庭作客(可能因為真的是由老闆一家經營的關係), 很舒適!

最重要的是, 吃到正宗又好吃的韓國菜於此處是非常便宜, 於旺區的正宗韓國料理動輒每人$100以上, 而這處每人只需$45! 抵!

一路看到時新於openrice有咁多好評，都想去試試，但地點不太就腳，一直都沒有機會。
今晚終於有機會去那兒，和媽媽2個人慕名而來。

我叫了「雙層芝士漢堡」，真的幾好吃，漢堡排肉汁很多，味道新鮮，芝士溶溶地，醬汁有點酸幾開胃，而麵包好像微微烘了，份量幾大，品質的確比連鎖店好！

媽媽叫了「雙層芝士蛋漢堡」，她也很滿意！

整體來說幾滿意，再有機會到那兒會再去試！

同父母因為有點事而來了秀茂坪，不知道這兒有甚麼好吃，所以隨便選擇了這間茶餐廳，心想質素應該只會是普著普通通，想不到竟然會有意外驚喜！

由於那天晚上幾冷，而店舖又推介其羊腩煲「絕不肥膩」，便忍不住試試，另外再叫了一客水煮牛肉。

羊腩煲：真的一點也不肥膩！但並不代表它難吃，相反羊腩好林！又有羊應有的蘇味，而且啖啖肉無骨，其他配料份量亦幾多也好吃，羊腩亦多，我們三人吃一個煲亦夠吃！

水煮牛肉：都ok，不會要求它有正宗四川菜館的質素，不太夠辣，但也可一試。

而且那兒的招呼不錯，侍應忙碌但經常面帶笑容！

同男朋友黎這兒食晚餐，其實有點機緣巧合，因為平時好少黎這邊
尖沙咀少有地唔使等位的餐廳，不過其實好好食，少人可能是因為地點較為偏僻．．
果日有點冷，所以沒有食刺身／壽司，叫了串燒同爐端燒：
燒鯖魚：非常正！好滑又好香！推介！
雞翼餃子：雞皮好脆，也推介！
牛利：我冇食，不過男朋友話正
金姑牛肉卷：呢個ok，不過又唔係好特別
枝豆：我好喜歡枝豆，呢間都做得好唔錯
每人仲叫了一個烏東，都好滑，而且湯底亦好鮮
老闆娘好好客，同我地傾左一陣，覺得呢間係一間有誠意，食物水準高既食店！
P.S. 佢個洗手間貼左好多有關不要飲醉酒既文章／詩，好得意

間唔中會同同事黎呢度食lunch，因為樓上多數有位。

呢度ｄ粉麵都算呢區比較好吃。

我多數會叫牛腩牛丸麵，牛腩雖不林，但幾有肉味，都幾ok！
牛丸ok啦，都幾大粒。

除左一般粉麵之外，呢度仲有粗麵同瀨粉選擇，都幾特別，而粗麵好食，我經常都會叫。

而且，呢度d辣椒油好正！

呢度ｄ壽司不錯，魚生都幾肥美同新鮮，而且都幾多種類選擇。
特別是油甘魚同海膽，質素幾唔錯，非常新鮮！穴子卷都好好吃！
而手卷的紫菜亦很脆，不會淋pat pat。
服務亦幾好！

如果同隔幾條街的板前比，我覺得花板好過板前，無論食物質素及服務都是花板較好！
不明白為何板前為什麼仲有咁多人排隊，而呢間就唔使點排，可能是名氣的關係吧．．

位置不算難亦不算易找，其實是在細翠華隔離。

由於近公司既關係，間唔中會黎呢度食lunch，午市有多款lunch set，好多都好好食！

頭盤可以揀：鵝肝鴨胸卷／沙律／湯
我通常都會食鵝肝鴨胸卷，味道很好！鵝肝味道頗濃，而鴨胸好嫰滑！

主菜都常都係：蘑姑意粉／牛排／豬排／魚fillet
我全部都試過，最鍾意豬排，好似係配蘋果汁，豬肉好嫰滑！再加上甜甜既醬汁，好正！
牛排都ok，不過有試過不太lum的，但都好有肉味！
意粉弄得很香而且Al Dente，非常惹味！
魚fillet亦很嫰滑！

呢度d咖啡亦非常高水準，香濃！

其實呢度午市唔貴，水準卻非常高。不過黎呢度食lunch要早d訂位，因為成日都好full。另外，呢度係open kitchen，而且地方細，食完好多時會有油煙味....

PS 呢度個大廚好型仔!

同屋企人食厭左屋企附近既餐廳，特登過黎大圍食，見呢間的食評幾好，就選擇左呢間試試。

地點好近火車站，都幾易搵，我地六點幾去到，不太多人，叫了：

鹽焗雞飯炒底：雞不算好滑，但食得出係鮮雞，好鮮味，亦有鹽焗的香味，炒飯亦很正！真的很不錯！

陳皮鴨湯飯：湯都很有鮮味，鴨的份量亦很多，鴨肉很滑，正！

星洲炒米：夠鑊氣，不錯！

食物質素於一般茶餐廳來說真的令人驚喜，價錢亦大眾化，又多一個搵食好去處了！

星期五晚同幾個朋友黎試試,，因為食拉麵冇得share．，只係講下我果碗麵的詳情：

我叫了味僧叉燒拉麵(加牛油)
一向都好鍾意北海道式既味僧拉麵，不過香港唔係好多地方有得食，呢度既湯底都幾正，都算濃郁！加入牛油就更香更滑！
麵方面都彈牙，叉燒亦夠肥，唔會好似大部分香港拉麵d叉燒咁鞋。

不過湯底方面，我始終prefer尖沙咀Domon．．

呢度環境不太大，不過個廚房只用大玻璃圍住，食客可以清潔睇倒整個煮食過程，可見佢地對廚房清潔、製造過程好有信心，而我亦見倒呢方面係令我滿意既！

服務都ok，不過佢地唔會帶客人搭檯的，即好多四人檯都只會放兩個人，若多人時倫候時間會長一點．．