今日得我同細佬係屋企食, 兩個都唔想煮野食,
諗住事單落樓下街市每人一盒叉燒頹飯就算,
落到去見到呢間燒味舖,果度其中一枱食緊鹵水拼盤,
好似好滋味咁, 決定叫鹵水野返屋企食!
其實佢都有得散叫既, 但係識叫當然係叫拼盤啦,
咩都可以試哂, 有牛肚, 紅腸, 豬腸…
平時出面食果D既鹵水汁一係好咸, 一係就無味,
估唔到今次樓下街市都有驚喜!
岩哂兩條麻甩佬!

我同朋友兩個約左食飯都未有idea食咩, 講起都已經好耐冇食放題, 於是就坐言起行喇!
大家都係尖沙咀做野, 睇openrice見呢間評價都好似唔錯, 所以決定一試!
我地入到黎坐低, 放題唔駛諗太多, 見到啱食就tick
估唔到都幾有效率, 話咁快就逐一上菜首先食左鐵板帶子, 因為落左五味粉, 有啲啲辣, 不過我就唔太怕既, 幾好食, 連啲洋葱我都食左啲添!!而碟壽司呢, 鰻魚壽司係水準之作, 燒三文魚壽司就好香好好味, 如果唔係因為唔想擺太多飯落肚, 我都真係叫多幾件
同場加映有多春魚同牛柳粒, 多春魚係朋友點既, 本身唔係太係我杯茶, 就費事點評喇!!
不過個牛柳粒就真係唔錯, 夠嫩又香口, 一啲都唔靭, 值得推介食放題冇可能唔食魚生, 其實認真睇下, 個擺法都幾靚
對於我黎講, 魚生最重要就係新鮮同衛生
新鮮方面我食落就覺得好鮮味, 而衛生方面, 至少我食完到而家都冇事
咁我就覺得係合格有餘啦!!螺肉係正常水準, 而另一碟串燒呢, 應該係我全晚至喜歡既一碟
雖然都有食雞軟骨串燒果啲, 但其實我至鍾意既係牛脷串燒
到最後我都忍唔住再encore多兩串朋友叫左個泡菜雜菜煲, 可能因為佢想食多啲菜啦, 不過佢又食唔哂, 搞到我要包底, 如果唔係我應該仲可以試多啲野食最後一round就叫左鴨胸、一口炸雞、沙律, 仲有天婦羅, 不過我朋友佢真係太細食喇, 結果要我食哂, 好在啲野都好好味, 所以最後我係冇浪費到任何食物既!!
 

同朋友行開灣仔, 冇諗定夜晚食咩好, 見到呢間越南野好似新開, 就決定試試佢!
本來想散叫一人一個粉, 然後再叫d小食既, 不過朋友懶諗, 於是叫個二人餐算~其實真係好豐富, 我地既選擇係雞、牛串燒每款2串, 漢堡香茅燒豬扒, 馬拉盞炒嫩菜, 開頭以為個牛脊湯粉係一碗兩人share, 原來其實係一人一碗既, 最後仲有一碗甜品, 當晚係黑糯米糖水!!
率先上菜既馬拉盞炒嫩菜啲菜好鮮, 炒得都好惹味, 我本來對炒菜只係要求正常水準就算, 但呢碟係意外驚喜之作
跟住就上個牛脊湯粉本來我都唔知同普通既牛肉湯粉有咩分別, 食落原來真係滑啲串燒係正常水準, 我諗因為掛住食其他野有少少攤凍左佢, 如果唔係應該會有更佳水準個豬扒呢, 真係稱得上係「抵食夾大件」, 比想像中真係份量多好多, 而且好食, 厚切得黎唔靭, 我諗成晚黎講我最like呢個最後一人一碗黑糯米糖水做甜品, 上面果碗係搞暈個樣, 下面果碗係未搞暈個啦。個人黎講我對甜品一般, 不過我朋友對佢好評!!
總結黎講呢一晚算係驚喜, 本來只係隨意揀一個食店去試下, 不過呢如果兩個人其中一個食量細啲既話就建議散叫會好啲, 因為佢個份量真係幾足, 我朋友比較細食, 結果食淨左啲豬扒(我覺得幾可惜)!希望有機會可以試下佢其他菜式!!

行完街週圍找野食, 行到呢間見裡面比xx樂仲大仲型, 便入去試試!!
餐牌多款式又有真實拍攝圖片, 因太多餸想試, 所以每人叫一款啦!!西芹班塊: 雖然是清淡一味菜, 但班塊一D都唔求其, 好有鑊氣和鮮魚味. 不像一般的雪藏魚. 西芹都好綠油油.西檸雞: 來一個開胃餸, 西檸好好味不太酸又帶點甜, 外皮炸得不油膩 內肉軟滑可口. 下次想試埋咕嚕肉 (餐牌內咕嚕肉的圖都十分吸引)味菜牛柳絲: 最後一個重口味,原本是想叫個西冷牛扒餐, 但牛柳絲配上味菜一定要試下, 嚴格來講不是牛柳絲, 是牛柳條…一咬落去D汁有牛味+洋蔥+味菜 混合出一種講唔出既感覺, 下次試下味菜牛柳絲炒面是否一樣是牛柳條先….配: 中湯 - 是日例湯青紅蘿蔔豬骨湯 – 足料有湯料食
餐飲 - 而家少有的黃檸咸檸樂 (.餐牌叫龍鳳可樂)

約左個朋友睇戲, 見未夠鐘...就上瓊華醫左肚先...
見水牌寫住新派西餐廳...就試下啦!我地叫左2個餐,
一個咸豬手配酸菜, 一個牛肝菌意大利飯!
仲叫左個小食...新彊燒羊架!

餐湯係羅宋湯, 足料又夠熱辣辣!!正!
飲完湯, 小食就黎喇!
一擺低, 就聞到好香孜然粉味!
食落唔算好膻, 幾好!!之後就黎左意大利飯, 我地加左$10要埋溫泉蛋!
個飯既軟硬度岩岩好!
估唔到呢到做咁好既水準!!值得一讚!
不過最好襯熱食...因為凍左D飯就會硬左少少!食緊飯既時候, 隻豬手就黎喇!
平時我一定唔會叫豬手, 因為好麻煩!, 好難切!
不過呢度好好, 落ORDER既時候會問你駛唔駛碎上!

隻豬手D皮脆卜卜!真係超好味!!
$119既價錢, 大大隻!仲要皮脆肉嫩!!物超所值!!!
配埋D酸菜, 就冇咁漏!!不經不覺就消滅晒成隻豬手!最後叫飲品啦~見到個Drink menu, 就眼花瞭亂!
樣樣都想飲!!結果俾我搵到亮點!!!
+$28就有alcohol cocktails!!!
咁抵?!唔飲對唔住自己啦!!!本身諗住飲荔枝味既cocktail, 好可惜冇晒荔枝汁!
最後叫左杯"碧咸", 係朱古力味既cocktail!!!
好大杯兼好有酒味, 仲要係沙冰底!!My favorite!!
真係好抵飲!!
朋友就叫左杯墨西哥日出!
朋友都話幾好飲!!我見到都好多果肉!!!埋單三百零蚊, 真係好抵...值得推介俾其他朋友仔!!

同好耐無見既朋友係大圍搵野食, 見到間裝修好有特色既餐廳, 可以慢慢坐底傾下計
餐牌設計幾特別, 偏向和風及台灣風~贊歧海老天婦羅湯烏冬~
炸蝦爽脆新鮮
烏冬煙煙unun
很喜歡伴菜的昆布和鳴門卷, 昆布更是大量
七味雞唐揚~
味道不錯, 個人較喜歡食炸雞
如果份量可以多D 就更好~~吉烈豚扒餐~
豚扒偏乾身, 唔算油膩
有前菜(生菜蕃茄), 有小食(腐皮), 有飲品, 有咁多樣野, 真係超值!!!
石榴蘋果汁, 清甜好飲, 感覺清新 ~甜品試左兩款 ~
巴黎女孩的疏乎里:
啖啖玫瑰花香疏乎里,
玫瑰味的疏乎里真係第一次食 !!
感覺很清新
以雪糕相伴, 一冷一熱, 冰火感覺, 配合得很好浪漫冬日窩夫:
有朱古力味得黎又唔算太甜, 有棉花糖同曲奇伴食, 唔錯室內環境恬靜, 令人感覺悠閒舒適
特別喜歡室內的木製傢具及裝橫
是一間好有特色的食店~~

lunch 食飯, 揀左食泰國野, 雖然話入左冬, 日頭都係有d 熱
所以要左豬扒撈檬, 唔洗食到成身汗

個豬排都幾大塊, 係炸唔係煎~~
夾雜左青瓜, 蘿蔔絲, 花生碎等等
不過平時撈檬橙色個汁佢會幫你落埋
其實都ok, 夠味
不過我鐘意食濃味, 如果有多d 汁會更好!

不過可能因為叫豬扒, 又有花生碎集埋一齊
唔覺意食到少少碎骨, 不過呢d 又好難避免ge

果度既待應都幾好人
見我朋友食唔哂, 都好擔心咁問我地意見
不過我朋友都係因為減肥中, 所以食唔哂, 哈哈
其實d 野食係無問題 ~~

朋友們帶我黎呢到食,佢唔講我都真係唔知呢頭係有野食，第一次行到過黎呢到咁遠，平日都係mk旺中至＋樂到活動。

叫左個小食拼盤，煙肉龍脷柳卷幾特別，第一次食咁様既配搭～！
另外2個係牛肉露筍卷，同芝士菠菜雞肉，味道一般，雞肉個個有d溜。。同埋冇咩特別味道，如果加番多d菠菜同芝士可能會好食d
食左個雞翼拼盤，honey味，好好味，都有6隻。不過因為太肚餓。。一黎就食左。。唔記得影相


芝士薯條，正！！我地個個都好鍾意食！
叫左個pizza，忘了名，
我估都係類似蝦，因為有好多隻xd 有d有2隻tim！
唔會好溜，竟然3個人都食得曬!(平日我食pizza hut個d只係可以食1件。)
cheese 牛肝菇，好香好好味，yummy！！！我地真係芝士怪，個個都鍾意食cheese～平日牛油都已經好好味，今次加埋cheese， 仲好食過一般牛油既～
不過可能真係好肥

之後食三文魚（熟）意粉，朋友又係忍唔住食左＝w＝我又影唔到相。。
呢個都幾香， 幾好味， 同埋都幾多三文魚下。唔錯唔錯～
甜品時間到︿v︿
cheese cake， 焦糖味，朋友話見到個waiter 用個火燒左燒左面～可能想飲d焦糖／面好食d～ 味道正常啦～食apple pie，好好味！鍾意佢唔會過甜， d apple 粒份量岩岩好，同埋個雪糕都幾好味

我今晚既飲品係呢杯
好得意，個名叫lazy in the afternoon,冇酒精既，味道不錯，都可以推介俾朋友︿v︿

今晚出MK 換返對鞋, 順便搵左VICKY 媽陪我食飯~
VICKY 媽話想食扒, 話去花園, 我就提議帶佢去鐵板王~
點解??哈, 佢去過就知~



鐵板王都幾多選擇, 價錢又平過扒王同花園~

我就揀左個大蝦+T骨扒~VICKY 媽就揀左牛柳


扒未黎我就叫左個田累+薯蓉, 廿幾蚊~, 田累大大粒, 薯蓉又好食..不過都係留肚食扒~



我個大蝦Ｔ骨黎啦～外觀幾好～
大蝦夠鮮，　塊扒成大半塊鐵板，　好大塊唷～，　又唔似牙,好味~!!
而VICKY 媽既鵝肝好大件好好食~
俾左D我試...下次我都要叫鵝肝~

今晚同FD出左旺角行街街, 行完潮區覺得肚餓, 本來想食板長, 但太多人, 就轉左去食易牙妙手.
依間野出左名好服務, 有禮貌~因為上一次我想轉台, WAITER 都幫我轉~
我地坐低左就開始叫野食啦~
首先就點左我中意食既皮蛋, 叫左個皮蛋豆腐
依個菜有肉鬆, 皮蛋同豆腐~我FD 一開頭用快子夾...=.=要撈完先食架~原來唔係好多人知要咁食

第2樣必叫既一定係醉雞篇, 有酒味, 雞又滑又嫩, 酒又唔會好似酒樓醉雞咁重~


最後既雞肉石WOR飯
雞肉冬姑泡菜..中間仲有生雞蛋, 賣相一流, 味道都好好食~一開香氣飄揚, 好食~