福禧中越美食 (尖沙咀)

之前寫食評搵唔到呢間野,搞搞下放棄左, 今日無意間搵到...找番d相出黎寫番

無記錯應該係下午茶時段, 張相個時間係111003_1723, 五點幾影既.

叫左碗生牛河唔係咁呀馬....點食呀...
阿姐話: 下午茶時段係呢d架.....
跟住佢自己滴汗, 對峙左幾秒...佢話: 幫你換丫.
嘩, 唔該晒. 如果下午茶係咁, 咁不如唔好做啦

小肥羊 (尖沙咀)

七一後假, 唔洗等位. 聽個阿姐介紹完心諗是但啦, 又鬼咁肚餓於是就同女友二人入座
有$158任食, 同$118每位的套餐.... 揀左套餐, 因本人食量不大同D食物個名似乎吸引些,

所謂套餐即每位$118 可揀三款食物, 未計茶芥.($10茶每位, $10 Nuts...係去酒吧個D 雜豆)
但睇落得兩三款值四十幾蚊
唉, 心諗中計....算啦...於是叫左....
2X 肥牛.
1X 冰鮮象拔蚌
1X 羊肉
1X 雞肉
1X 豬頸肉
揀左清湯底.

冇豉油, 阿姐話D 湯好夠味..唔洗豉油..要就$10 位
個湯黎到傳菜阿姐起勢咁"搞" 搞左成分幾兩分鐘...唔知佢搞咩呢...
唉完來搞均D 師傅.......味精煱都溝好先出黎上枱啦唔該....
一試, 鹹到我想講粗口, DxU, 真係夠味

肥牛真係肥都出奇, 街市$10份都冇人買, 四分一紅色, 四分三白色...我仲食屎貪大舊叫左兩碟...
好彩個阿姐都肯換...換番碟二分一白比我囉...每一片落完水上番黎都勉強夠鋪一件SUSHI 既..
兩人食左大半碟就放棄左喇, 因為逐塊"枚" 番的肉出黎真係不爽"枚"番出黎既肥膏夠埋滿半個茶杯碟(唔係鋪, 係堆)
同埋湯底好鹹, 條脷好辛苦.

冰鮮象拔蚌
直頭就係土魷... 飲茶食個D 架喱土魷呀.

羊肉
唔係SO咁簡單, 係嗅既.

雞同豬冇問題.

熄爐後發現個鍋多左層1cm既油在上面....:臨走去埋個廁所,可以好肯定D客人食得好唔開心, 個個走前都入黎發洩...

年半直黎食過應該冇咁差, 否則實記得,
但可以肯定唔會再黎