當知道今年街渡會加開航線 連去到平時少去嘅島嶼都可以坐街渡 所以呢個星期又入左西貢 因為要趕1100班次 選擇唔算多 上船前食碗粥打底先 喺碼頭行都要7分鐘呢 店舖係睇得出嘅古舊 不過都乾淨的 我地嚟到嘅時間已經近11點了 早茶嘅客已經走得7788 但都好好彩俾我見到師傅用即拉腸粉包炸兩 我揀左鯪魚球生菜粥 好大舊鯪魚球 都有5-6件 粥底好綿 都幾大碗 另外叫左個炸一腸 即係用蝦米腸包半份炸兩 新鮮整係熱辣辣 脆卜卜的 一次滿足兩個願望 總括係搭遲左一班船都值得食嘅早餐！

呢晚冬至喺元朗食完冬至飯立即碌嚟食甜品🥰 大飯糖甜品水準穩定 屋企人無投訴💛 玫瑰桂花羅望子酒釀芝麻湯圓 一上枱已經聞到桂花清香🏵️喜歡羅望子糖甜中帶微酸，夾雜酒釀淡淡酒香，配以爆餡芝麻湯圓，食完暖笠笠😀(btw 呢款係最多湯圓🥣) 爆炸糖椰絲榛子芝麻湯圓糖不甩 湯圓糖不甩椰絲榛子粉加入＂可樂味爆炸糖🍬＂，爆炸糖入口跳跳紮，湯圓咬開有芝麻餡 ，口感味道層次都相當豐富。 三色芋圓芝麻湯圓芭菲杯 試埋呢個芭菲杯，軟雪糕味道夠香濃幼滑，配料除了小寧波芝麻湯圓外，仲有三色芋圓同埋小丸子，附設一小杯芝麻糊可以自行淋上，三色芋圓味道唔算好濃但QQ感十足，煙韌控朋友之選❤️ 幾喜歡小寧波嘅湯圓 煙韌得嚟唔會黐牙皮薄 加上佢係用植物油製作 比較健康👀 同場加映 我喜歡嘅手撕雞🤤係用上自家製的辣醬 幾惹味 但係都幾辣 記得叫細一個辣度🤣🤣

因為西貢藝術節第一次踏足鹽田梓 回程街渡未夠鐘就去左食少少野 揀左呢間近海邊嘅茶座坐一陣等船 茶座係鐵皮搭出來的 無冷氣 不過喺大樹旁都算陰涼 自己揾位再出去點餐 就是Self Service啊 食完回收碗碟就好 茶粿口味都幾多 （$10/個） 仲好好心機加左南瓜/杏仁/雞屎滕做外皮 所以係7彩嘅 以芝蔴花生餡/紅豆餡甜餡居多 鹹的一早已經賣完 伯伯仲好好咁剪開一半 方便分著吃 茶粿外皮偏厚身算煙韌 所以餡料唔多 個人感覺一般 所以最後都無買返去 同場的豆腐花好滑溜 豆味ok的 行到熱辣辣食返碗好舒服 而且伯伯好好笑容又有禮貌

近半年嘅星期一都會嚟炮台山學畫 最開心係落堂周圍揾食嘅時候🤪 呢次嚟到Pause it 估唔到有驚喜呢！ 知道佢定期有咖啡拉花班 所以點都要揀個拉花Latte嚟試下 最後揀左 芝蔴Latte（ 轉 Oatmilk） 因為Oatmilk/植物奶油脂少 喺出面飲嘅Oatmilk拉花 好多時都會炒車 但呢度將印度安人拉得好靚 好details 而且芝蔴味香濃 温度剛好 不錯不錯 柚子醬虎蝦意大利粉 意粉已炒得乾身 食嘅時候唔會有很油膩feel 加埋清新柚子 成碟好Fresh 不知不覺食晒成碟 鹹蛋黃單骨雞翼 一上枱已聞到超濃嘅鹹蛋黃香！ 單骨雞翼易食用 食落香脆惹味而唔油膩 就是令人一隻接一隻吃光光那種❤️ 環境樓底高 空間感十足 就算一個人都唔覺得突兀 係會有下次嘅Cafe啊

無意中發現良景商場祥興茶餐廳嗰個位 多左間西日式嘅餐廳 主要係食意粉/窩夫/扒/沙律 同樓下嘅泰國菜一樣 陸號冰室同六月堂係同一集團嘅 間中都見到職員兩邊頂位咁 餐廰唔算好大 佔以前祥興1/3位置左右 全部座位都係卡位 淺木色枱就係好乾淨嗰種設計 叫左個Lunch試下 揀左西冷牛扒+沙律餐 可以喺四款沙律入面揀兩款 主食亦可以配飯 亦有少量意粉揀 牛扒係預設用日式燒汁 甜甜地 唔算太大件偏厚身 味道口感正常發揮 牛扒放得太近蟹籽沙律 搞到啲蟹籽好似有浸油咁 賣相差左少少 薯仔煙肉沙律 薯仔較硬身 一般吧 下次呢個時間都係叫返飯穩陣啲😂 btw 佢lunch time 都有窩夫 見到隔離叫好正咁🤤

Kawai印象中嘅東涌美食只有連鎖/Foodcourt/酒店 ，但原來多花10分鐘步程，走到附近的海堤灣畔，完全係另一片天👀 呢日係跟朋友嚟，喺門口已經聽到外籍Live Band表演中，剛好唱的是BEYOND喜歡你（粵語歌好不好） 餐廳設計開揚，帶點意式風情，食材方面以意大利入口優質食材為基礎，不時不食為原則，所以食材係有啲重覆嘅😅。鐘意佢地會加入適量嘅水果，唔係好漏嗰種意大利菜。 ♥️慢煮南岸風情八爪魚 八爪魚爽口彈牙、清淡鮮美，加入水果整嘅自家製蕃茄莎莎醬，開胃又健康。 🧡拿坡里白鯷魚意大利麵 香蒜白酒蜆肉意大利麵
兩款意粉炒得恰到好處，白鯷魚有獨特的咸香（而不死咸）給人有種靠近海洋的清爽感覺。香蒜蜆肉食落有少少辣，蜆肉唔會煮得過熟 ，幾對口胃。
💛拿坡里白鯷魚八爪魚天然培養酵母披薩
Pizza係用熱烘板上菜，當晚一路聽住Live Band唱歌一路食，酸種餅底Keep住熱同脆，上面嘅拉絲芝士亦會維持溶化而不變硬，餅底用青草醬+火箭菜組合，正好中和白鯷魚的酸味。 💚夏日海鮮盛宴 以兩層架冰鎮方式上桌，有齊龍蝦/蜆肉/八爪魚/青口/翡翠螺/生蠔。海鮮比想像中高質，龍蝦啖啖肉彈牙又大隻，生蠔夠鮮甜。價錢係$388，所以我嗰晚見到每枱都有呢個海鮮兩層架吖🤪！ （呢個雙層架可以加購俄羅斯品牌--Osetra 魚子醬） 🩵Tiramisu 意大利芝士餅
Tiramisu係實淨嗰款口感，食完唔會好膩好甜嗰種，after taste嘅冧酒都幾突出，甜中有少少苦幾特別 💙Sunrise Sunset 日出日落
因為我唔飲酒，揀左呢款以日出至日落配色作配搭的Mocktail，一如想像都係甜甜地梳打吧，但又真係幾IGable嘅。

放假日唔想煮飯就落樓下揾食
老公揀左屋企附近呢間人氣小店 Easy Joe
平時周末經過都見到高朋滿座的
呢晚等左10幾分鐘就有位啦😆




原條鰻魚蛋包飯（日本無菌蛋）
出面嘅蛋包飯通常都係蕃茄炒飯底
呢度配上紫菜麻油白飯 清清地蛋香更突出 原條鰻魚夠厚身 份量十足嘅一個飯



三級風暴薯條
係粗薯條配上三款醬汁
隔油隔得好 食到最尾唔會好油膩
個人幾喜歡青瓜醬 清清地
明太子同黑松露就正常發揮吧


二世祖雞翼配芥末洋蔥醬
一客有4隻雞翼 炸得香脆 配搭芥末醬幾惹味


二世祖特濃朱古力
難得堂食 當然要點只供堂食嘅Special Drink_特濃朱古力吧 老公揀左熱飲 配搭3.7牛乳 口感順滑 熱飲還有美美的拉花🤤


提拉米祖
好好彩食到當晚最後一個Tiramisu😆
估唔到有成6吋直徑咁大 上面有對眼仔好Cute 手指餅吸曬咖啡嘅味道 食落有淡淡嘅酒味 加上選用無菌蛋食得更放心
建議可以當蛋糕 3-4人Share比較好呢

星期六又去油街上堂 見到呢間純白“Bunphant Coffee”好吸引 Menu唔係純Cafe Food （即 AllDay 無限包包包 嗰啲） 立即將佢加入我嘅To Eat List😆 見到每一枱都必點開心果特調奶 但因為佢係已PreMix牛奶（我唔飲牛奶） 最後我揀左可以加植物奶嘅溶化朱古力$50 香濃朱古力加上半溶嘅棉花糖 邪惡野 個人覺得偏甜 不過偶然開心下都ok嘅🤣 主食揀左 魚湯泡雙米 配帶子 蝦 青口 日本鱈魚場蟹肉$158 上枱時，湯會茶壺放住並以蠟燭保持温熱，而透明碗放住海鮮同埋雙米（脆米 及 米飯），幾鐘意加入脆米，多左份Crunchy嘅口感，魚湯底襯飯食啱啱好，清新唔膩❤。 羽衣甘藍天婦羅 炸得香脆 唔會油冧冧咁 好食😆 開心果芝士蛋糕 飲唔到特調 點都要食返個開心果蛋糕 喜歡芝士蛋糕質感滑身 配搭嘅奶蓋咸咸地 整體無咁漏 不過就唔係好濃郁嘅開心果味 整體嚟講 餐廳出品比想像好 加上我喜歡餐廳個氛圍 悠閒 店員Helpful 又有好多可愛嘅狗仔 有機會都會再嚟呢

中環打工仔得個零鐘食飯 食快飯通常都會多汁撈住食 呢間位於利源東街嘅慢maan6就唔使等位（因為無堂食 只做午市外賣收工） 可預早whatsapp去到就有得拎 呢日試左個慢煮滑蛋雞扒飯 唔會一大Pat汁頹飯咁 雞扒都唔會好乾好柴 燒汁+滑蛋啱啱夠伴住飯食 仲可以揀沙律菜底/菜飯底 相對其他多汁嘅碟頭飯係健康啲 加錢跟餐嘅蘋果醋 係預先包裝好的 個人覺得可以溝返淡少少 呢個總好過飲手搖/檸水/奶茶吧 呢次個滑蛋老左啲 的確有進步空間嘅

天寒地凍 最想就係要一碗熱麵 食左幾日拉麵開始悶 心想不如食下烏冬 俾我揾到屯門虹橋有 烏冬X咖啡 嘅 頂立 平日12點幾到已經好多客人 門口一如其他日式餐廳都掛有大燈籠 不過佢地嘅係畫左魔鬼圖案嘅 好特別😎 餐廳唔算大 大概可以坐到10人吧 雖然唔大但裝修擺設都有心思的 店員熱心介紹咖啡同埋各款口味嘅烏冬 講解下咖啡+湯底會有唔同嘅鮮味 原來係遊離谷氨酸激起咖啡中的谷氨酸 令到風味改變😱好深但好有趣呢 我喺三款湯底中揀左海神 湯底係用清酒 蝦頭同龍蝦殼熬製出嚟 一上枱已聞到濃濃嘅蝦香味 用返店員教嘅方法品嘗 明明係偏酸嘅冷萃咖啡 竟然有淡淡杏桃/焦糖味 好得意😎 鐘意佢每一碗都有大塊油揚腐皮 吸晒啲湯好正 手工烏冬彈牙滑溜溜 兩塊豚肉叉燒都合符期望👀 最後仲叫左個Tiramisu 可以揀口感 我揀左比較硬身的 食嗰時 LadyFinger仲係脆的 除左咖啡之外 仲加左Bailey 所以每啖都有酒香💓 呢度咖啡豆係一期一會 隔一段時間就會換新豆 每次嚟食都有少少驚喜 係特別嘅