串燒要好食，基本兩樣嘢: 用料靚，火候啱，無得呃。呢度，完美!  好嘅串燒衹需要用鹽帶出食物滋味，再靠師傅嘅功架表現出皮脆肉嫩鎖住肉汁嘅狀態。唔需要花巧，唔需要醃到無晒肉味。
呢度主打燒鳥, 唔同部位提供足足佔一整版餐牌, 佢仲要用德島無激素雞，激讚!  仲有必食燒白鱔(鰻魚汁另上), 燒牛舌，厚身得嚟肉質超嫩，個白鱔既皮仲要係脆嘅!今次兩個人食唔得多，下次要帶埋朋友嚟，試佢啲小食, 天婦羅同鰻魚飯(睇住佢原條即叫即燒，每次都又厚又濶，差不多每枱都有點)，仲有原條燒魚。 另外，鐘意食串燒都知，好既串燒真係慢工出細貨係要等既，咁當然就食下前菜叫住小食先啦。哇! 佢前菜係一大碟熱既蘿蔔薯仔牛舌，仲要整得好好味，超厚超腍，好感動！

食完個高質串燒，埋單每人都係二百幾，堅係良心價！已經約定朋友encore!

店舖唔大, 全場唔夠20個位(講真用心做串燒既一定無可能兼顧太多檯)，吧檯佔大部分，有心去都係訂定位先比較好。通風ok既, 我坐吧檯都唔覺油煙味。

另外, 見佢有做埋午市, 不過唔係做串燒, 係日式定食

同幾個朋友Friday night想放工後搵個就腳嘅地方舒舒服服一齊食飯聚吓, 唔想嘈又唔想食得貴, 又要即日先訂檯, 估唔到係灣仔仲搵到!

il Bel Paese開喺樓上, 可能因為咁所以無乜人留意, 上到去唔係好多人。佢做餐廳亦賣意大利食材, 如意粉、橄欖油、紅酒等。餐廳空間佔三分二左右, 可以坐四十人左右。難得樓上舖又望到出面, 對住修頓球場, 感覺幾舒服。

佢走causal dining路線, 酒可以直接走去食材果邊揀, full bottle百零蚊有交易。點頭盤可以直接去凍櫃order或坐低點菜。一邊飲酒一邊食頭盤一邊同朋友吹水, 最好係環境輕鬆唔嘈又唔會黑媽媽有壓迫感, 咁先係Friday night!

坐得咁上下先叫主菜, 主要係意粉或肉類, 我地咁啱都揀咗意粉。佢既份量好足, 男仔一定夠飽, 女仔可能share再加其他小食好啲。我鍾意佢煮既時間適中而麵質本身有嚼勁, 唔係果啲煮唔熟扮"al dente"。

雖然已經飽晒都想試埋個甜品, 試左佢個椰子雪芭同tiramisu。一個清新一個香滑, 視乎有幾飽, 兩個都值得一試。

又飲酒又由前菜主菜食到甜品, 每人都係二百蚊鬆啲。如果喺灣仔金鐘區想夜晚要搵個舒服輕鬆嘅地方食飯, 呢間真係啱晒要求!

放假，落街食完個麵唔係好飽
咁岩經過源遠街見到Tuck Room 個易拉架
話有coffee wine cigar iberico... 咁就諗住去試杯咖啡食D小食啦

位置都幾偏辟，唔係個易拉架都唔會知有間咁既野
午飯時間，一個客都冇
環境氣氛都唔錯，坐得幾舒適，播住D聖誕歌，幾relax先試一杯Flat White（唔記得價錢，好似~$40）
一睇，拉花好行喎飲一啖，嘩，好希，冇奶香，D奶打得好差，仲衰過星克克
失望
最後冇試到小食就走左

三年前，我認為今村和壽司廣在伯仲之間，甚至曾經覺得今村不能提供較好的服務而稍遜。三年後，從日本歸來，驀然兩家壽司店的風格已越走越遠。今村，就是堅持正宗的一家。
聖誕節當天正午十二時許到達，只有兩名日本人，我們二人有幸就坐在第三、四座位（傳統壽司吧檯以最近門口位置為好，由最資深師傅負責），今村師傅親自握壽司。我們各點了自選十二件（$270）和師傅發板（omakase）（$350），付前菜、蒸蛋、湯及甜品。
前菜：
以少量胡麻醬、菠菜配熟八爪魚、貝肉，有質素，跟香港一般西式沙律作前菜相比絕對是雲泥之別
壽司：
魚料：今村的魚料選擇絕對切合正宗日本口味，金目鯛、石鯛、黑毛、深海池魚、池魚、鰤魚等，叫人花多眼亂；貝類亦非只有帆立貝，更有北寄貝（非熟食無味的外賣壽司店之流）、象拔蚌、海螺、鳥貝（不過，喜歡三文魚的人大概要失望了吧）。魚料當然不單選擇多，還要質素好。鰤魚的獨特油脂香氣，鯛魚的清爽、大吞拿魚腩的肥美甘香，每一件都教人回味無窮。就是不是時令的海膽，其水準依然不俗。順帶一提，配合軍艦壽司的紫菜亦是上品，其香味、厚密和爽脆正好襯托魚料。
握功：形狀上，保留傳統江戶形的功架，但是偏柔，在夾起壽司時米飯很容易散開，由其弟子所握的壽司時更為明顯。也許是市面太多握得過份紮實的壽司讓今村師傅矯枉過正？但是魚料和食料的比例、壽司的形狀，放在東京也該有中上水平。
雖說正宗，其實東京的壽司也在細微處悄悄改變，驚喜在今村亦與時並進，讓我尤如回到東京。其一：現在較高級的壽司不單止芥末，連醬油也是由師傅先沾好，食客夾起壽司後直接送進口就行了，免卻食客不懂拿捏沾醬油的問題，同時師傅更可在醬油上亦能根據食材作出配合；其二：伴壽司的薑片，一般是薄身橫切成圓片狀再捏作一團如花形，今村的已經是直切條狀，減少醋味的吸收，更能達到甜辣的調和（也許表現刀功也是原因之一）。
其他：
蒸蛋功架一流，時間拿捏得好，配料份量亦妥當，蛋的甜滑、湯的香濃，都好好地表達出來了。味噌湯附有一小片魚肉，雖不是赤味噌但味道亦不俗。最後的甜品可選紅豆糕和豆腐雪糕，作為完美的句號。
服務：
也許人真的不多，只剛好坐滿吧檯，所以上菜不慢，甚至稍嫌太快，因為不是師傅發板的套餐的話，貝類由其弟子負責，結果貝類魚類齊上。侍應亦態度良好，添茶亦勤。
價錢：
如前所說，自選十二件是$270，師傅發板（omakase）是$350（十二件加三件鉄火圈）。以價錢論，其質素絕對不亞於東京相約的壽司店。
要在香港找正宗江戶前壽司，這裏會是我的答案。

星期六下午表面清靜的跑馬地, 甫進了熟食市場便別有一番天地。熟客、街客、店員, 把諾大的市場擠得水洩不通。如果只聞「跑馬地街市」之名而不知個別店舖的名號, 實在會叫人迷失。沒點招版菜而要了奶茶和沙爹牛肉煎雙蛋米。也許被泗益、金鳳寵壞,奶茶只能算不俗,奶略嫌多,使茶味不夠。沙爹牛肉沒太大沙爹味,反是牛肉有鮮肉味帶驚喜,煎雙蛋圓滿地覆蓋碟面,蛋白煎香而蛋黃半熟。米粉倒是沒甚特別,倒是湯頭竟比一般味精湯濃厚,不知秘訣在哪?結帳只需二十六元整,現今物價飛升,實在別無他求。

和朋友已吃了很飽足的late-lunch, 晚飯沒預先訂地方也不想勉強吃太多, 便來了千両。星期四的晚上, 十來個號碼也等了超過半小時。手肘碰手肘已是預料之內。除此以外,一切還好,店面、食器俱新,下單的食物上菜速度也算快,店員不多但還反應算快且友善,而且對餐牌熟悉, 服務不錯。食物整體感覺是全部似是養殖魚,沒魚鮮味但也沒腥味,中規中矩,可以接受亦沒有驚喜
左口魚緣側-口感不錯,可惜不夠肥美,咬下去沒甚油脂和魚香
甘蝦壽司-比香港一般甘蝦為大,賣相肥美,但不算甜
油甘魚刺身-每片切得夠厚,有咬頭
軟殼蟹手卷-賣相一流,上碟時也算溫熱,味道不俗。不過為賣相而把蟹頭伸出手卷之外,末段卻吃不到蟹,有點本末倒置

諗住星期五周圍都係人唔想等就食個快o既, 結果因快得慢, 食到一肚氣!

服務: 五個劣, 等差不多十分鐘先落單, 由一張檯等變成附近幾張檯都入晒座一齊等。之後問佢俾杯水又應完無影, 最後竟然要自己斟! 臨走問佢要食物盒打包, 前後幾個侍應叫你等, 甚至竟然會話唔關佢事。等成十分鐘都係咁, 結果要自己走去樓面搵經理先有人理!

食物: 以茶餐廳黎講算係咁。鮑汁玉蘭雞粒飯, 汁、雞、飯既比例算幾好, 但鮑汁偏咸, 無乜香味。碟頭幾大, 兩個人叫兩碟其實食唔晒。

有人會話食茶餐廳預左啦。係, 迫係預左, 基本上迫你坐通道位無位擺褸擺袋仲叫你坐入o的都算, 但服務同食物質素真係大不如前。曾幾何時翠華係以服務好見稱, 餐廳內會有剪報專欄讚佢地管理得善, 員工質素高。而家? 係, 憑食物種類同名氣依然有佢既優勢(食物質素或者好過一般茶餐廳但相對價錢都係), 但無以前咁大既吸引力

見佢星期六有brunch就去試下

食物: 一個brunch set要百幾蚊, 包沙律湯主菜果汁咖啡, 其實少少偏貴, 食物就...

主菜: 揀左Egg Florentine... 先發現原來佢地係新派o既! 1, 無汁, 變左做一塊蕃茄乾; 2, 菠菜係用蒜蓉炒到帶鑊氣既; 3, poached egg係煎過o既!(但蛋黃又真係半生熟)
最重要, 附送頭髮一條。不過佢地肯重新整過, 態度都誠懇, 算啦。
唔介意係非傳統egg florentine, 其實味道係唔差既

沙律: 洗得好乾淨, 仲有水o係個碟底, 食落都係水多過dressing

咖啡: coffee academics出品, ok

整體感覺: 淨係飲野ok(咖啡同酒都有), 食o野就未必。佢仲有露天茶座位, 氣氛應該唔錯。

同朋友係銅鑼灣星期五飲野, 竟然可以無訂位, 六點三入座八點坐都未滿過。

主因應該係價錢偏貴, 每人最低消費$120, 佢一杯野飲閒閒地都七八十蚊, nuts都無, 叫小食一串雞軟骨都要三十幾蚊。兩個人兩杯野飲四串串燒就三百幾落樓, 如果係佢樓下既餐廳應該夠食一個晚餐。要評價食物? well... 正常味道, 熱既, 細串。飲品? 幾淡

d錢去左邊? 環境。我諗銅鑼灣除左隔離tott都無乜個境可以有得同佢比。outdoor已經少, 視野仲要係好廣闊, 望到對面海之餘甚至望得返中環燈飾, 又要無乜人。成間餐廳最出就係飲野高檯, 後面既梳化位係吉既。置身呢個環境, 你唔會記得原來你係o係銅鑼灣鬧市既星期五夜晚。

outdoor唔好係有人會食煙, 不過無計。

如果唔睇價錢又想係銅鑼灣搵個靚地方同人靜靜地飲野, 都可以去呢度既....

早幾個月去完巴塞隆納想再回味, 見評語不錯就去試下。
店面細只有長吧枱同一張細枱, 唔想等吧枱唯有坐細枱。

兩個女仔只係叫到幾樣野, 樣樣熱辣辣上又好食:
Braised beef cheek: 的確值得點, 牛肉香腍, 配上微甜既豆蓉, 味道特別
tomato bread: 同巴塞既傳統做法唔同, 並唔係簡單生蕃茄加烘面包, 而似乎係將成塊面包連蕃茄炸。但又出乎意料好食, 蕃茄汁滲入包之餘包又香脆, 有驚喜, 值得叫
煎蝦: 蝦爽汁惹味, 大細適中
ham croquette: 可能因為已經飽飽地, 雖然都好食, 尤其裏面既火腿肉幾好味, 但未至於必叫

可能有人嫌迫夾, 不過都講明係bar, 而且tapas原意就係志在朋友傾偈既causal dining, 其實我覺得咁既氣氛無咁拘束夠lively幾好。

加埋sangria(無乜特別), 埋單二百幾三百一位, 值唔值見仁見智。香港tapas選擇唔係好多, 我覺得呢間都可以試下。