食到無心機再食既放題

吉壽日本料理 (中環)

尋日去左吉壽食放題, 呢個一直係我同班friend 既老地方, 半年一次來食下咁啦. 點知食到一肚氣.
首先我地寫紙入order, 見2個staff 響度上緊菜, 我地咪渣住幾張order 紙示意. 點知個無戴眼鏡既staff 好大聲好無禮貌咁話「你等我做埋d 野先來收order 啦好唔好??」我地都呆一呆, 態度洗唔洗咁差? 我只係舉手示意, 又唔係催你, 唔洗下話?
之後上菜, d 刺身無論你寫10 件都係來8塊. 都算啦, 一般放題都係咁, 不過吉壽以前真係好好多囉. 其他熱食叫食得落口啦, 不過上天婦羅但又唔比汁, 比左汁竟然隱約聽到某個staff 話「真係麻煩」. 當堂已經無心機食.
我地6:30 入座, 7:20 就已經掉本野埋來話「截數埋單」, 我地食左第2round 就比人叫埋單個心已經不快. 態度已經咁差, 收左錢你仲會理我地既?
之後我地繼續食, 想落d 野飲交張紙, 同0個個無戴眼鏡既staff已經有眼神接觸, 遞張紙比佢0個陣, 佢竟然掉轉頭就走. 之後一路食又要一路掉轉頭望下佢來未. 見到佢再來我再舉手, 個無戴眼鏡既staff又鬧「你等我一陣先來收紙好唔好呀????」唔係我同朋友一齊我真係嬲到想鬧番佢轉頭架喇. 加陣好似係我叫野食, 我落野飲係我錯咁....
7:58pm 有個staff 走埋來話「仲有30分鐘, 而家cut order 喇, 仲有無order 紙?」 我地響度食緊, 都未開始寫紙落order, 感覺已經覺得佢地響度催催貢. fine, 我地停晒手唔食, 即時落埋佢. 8:00pm 交左比催我地既staff 度.
8:02pm, 無戴眼鏡既staff走埋來話「你地8:30 交檯, 無得落單喇wor」 我禁住d 脾氣, 好聲好氣話「係你地個staff 叫我落埋呢round, 係8點正已經比張單佢架喇wor!!!!!」無戴眼鏡既staff竟然就咁掉轉頭行左去, 一d 回應都無.
8:15pm 就來last round 野食, 我地一路食食到8:25pm, 無戴眼鏡既staff又來催叫我地起身走. 我地只係圍內問下d friend 「係咪叫左牛柳粒未來?」個無戴眼鏡既staff響度搭嗲「齊晒架喇wor 你地呢張檯!!!!!!!!!」
... 係, 可能我地真係無落到牛柳粒, 係我地唔著, 不過我地只係問緊d friend, 唔係同佢講漏單, 係我地個friend真係無寫姐, 個無戴眼鏡既staff響度鬼拍後尾枕自行搭嗲幹嘛?
老實講, 我地來食都係一種情意結來, 唔係話要求食物好靚, 唔係話要食番回本. 我地成檯人都係專業人士, $188+10% 食餐飯好普通. 但比得錢出來食放題, 最重要係擺到成檯都係咁, 食得開開心心姐, 食放題食到咁谷氣我真係第一次.
下次去食明將好過, 反正大家都係難食, 明將都有得笑下. 呢間野食完係火滾既, 就算你海膽任食我都唔會再幫襯!!!