帝樂 - 德國餐廳 (元朗)

呢間德國餐廳好出名, 之前食過尖嘴個間 tea buffet, 今次為左就個 friend, 走左去洪水橋食多次 見個個都話農夫包好味, 叫黎試下, 又真係幾 ok 難得出黎食飯, 叫左幾杯 special drink 邊傾計邊飲野, 不過都幾貴, 一杯朱古力都要三十幾蚊!除左招牌既豬手, 仲另外叫左個煙肉蛋汁意粉, 一般啦 跟住呢味最驚喜: 薯餅加白汁帶子同蝦, 好好味! d 白汁好濃味, 帶子又大粒, 成晚呢味最好! 埋單每人二百幾, 都幾貴, 不過貴還貴, 最唔開心唔係 d 食物一般, 而係 d 侍應囉, 落 order 個女仔好似唔想做咁, 叫我地讀晒個名俾佢, 明明指俾佢睇架啦, 攞野飲黎又求其放係檯就算, 都無講邊杯係 d 乜, 咁既價錢俾咁既服務我, 所以要扣分!

七喜粥麵小廚 (新蒲崗)

秋風起
最岩就食碗粥暖下胃

食粥幾時都會諗起七喜

呢度既粥真係好好味,
煮得好綿.但好有米香,每一次食完個胃都暖笠笠

平時食得油野太多..得閒食下粥真係好過隱!

龍島 (銅鑼灣)

聽人講話呢度既蛋糕幾好味架喎~
朋友生日專登買左個黎慶祝下~

唔.可能對上一次個朱古力蛋糕係來自另外一間好出名只係賣cho既旦糕既關係~~~!!
今次呢一個cake難免令人有少少失望...!!

個cake既樣又唔係話超令..!!!
食落去個cho mousse有少少盈住左咁..!!!
mousse應該係幼滑一點的吧?

唯一可取既地方係呢個cake 都幾多layer
出面一層cho丈,cho cake,cho mousse,cho cake
雖然我唔係超過好食朱古力,
但壽星仔係朱古力愛好者.!!!
佢食完之後都冇好大既comment話好好好好味~
睇黎呢一個cake真係有少少名過其實了呢

翠華餐廳 (將軍澳)

知道左將軍澳開左間翠華
都預左星期六日多人去食架啦
但係條隊真係洗唔洗咁長呀.....
d人多到排晒出出面~~!!!
但係又估唔到喎.好快又有位架啦喎!!!

早餐都真係幾抵食~!!!
本身諗住叫佢個麥片餐...一行入去見到佢有個獨立既賣包位~

佢個軼綿綿既咸豬仔包好吸引!!!叫左個黎食...!!!
再經過佢出菜既位...見到好厚既多士...

我呢個包痴即係改左散叫一個丈占多!
個咸豬仔包就留番下午茶食啦~!!!!

朋友就叫左個早餐食~
早餐c
雪菜肉絲湯米+豬仔包+野飲
咁多野食23蚊真係好抵~!!!
個豬仔包定真係好細個~入面查左都幾多牛油..!!!!
湯米既米粉好正呀~~!!!係超幼米~!!!!!
份量唔係太大碟~但係早餐黎講都真係算係咁~~~
占丈厚多
我個厚多都等左幾耐~
但係超吸引呀!!!!!
佢真係落好多丈~~!!!
好好味呀~~~我個驚肥女仔朋友一見到都話要食~!!!!!!
以前係一d連鎖店都有叱呢d咁既厚多士食下...
但係慢慢d丈呀都落得好少....成個多士俾人既感覺係好冇誠意...!!!
好耐冇食過厚多咁滿足了...
再散叫了一杯熱奶茶

我咁樣散叫野食出黎都幾貴下要成26蚊...
仲貴過我朋友個餐...
但係食到自己愛吃的厚多就冇計啦!!!

Crema (尖沙咀)

太好啦~!!!已經聽過好多同學仔話尖東呢頭有一間咖啡室既拉花好令~
食完靚靚仲有咁多時間一於去試下~~!!!
間铺細細地但係個裝修唔錯~~
燈光match落紅色外牆的設計好match好令~
冇大大張既sofa但係d位細細地得黎又坐得好舒服~
叫左一杯regular latte
問下有咩milk ,個waitress只係同我講有skim同regular milk
叫左skim milk,
點知聽到隔離枱個人叫左soy milk...

早知叫soy milk啦....但係本身以為有可能soy milk冇latte art就算啦...

點知原來soy milk都做到架><

anyway,個公仔係喵喵~好得意好令~~

但係個人認為佢既咖啡味唔夠濃....!!!!

不過都明白佢既賣點根本就唔係呢一度!!!
但係睇番呢一間野既食評見到佢都有lunch食~~

睇落去都唔錯~~

以後lunch hour又多一左個choice!!!
尖東好似愈黎愈多野食了呢~~~真係好開心呀~~!!!!!

下次hea都唔洗逼埋係chain coffee store了~~~!!!!