在家附近就老人家，就試左呢間。 先來椰子雞湯底，唔知係咪太早去未煲好，野食到左湯底都未到，而且湯味道頗淡 3xx牛set很美味，但牛略厚。。好彩都林滑，但切薄點口感會好點。 丸類幾好又煙un 5xx 牛set就一般，得小部份係靚牛，牛粒都ok, 大部份都又蟹又un，白色仲要剩肥膏 象拔邦還好，不過唔夠新鮮重猩味 雞子豆卜ok正常 熟食的台灣腸很美味。 蝦丸有小小芝士好煙un。 魚滑非常煙un美味。 滑牛先撈生蛋，煮完好林滑美味。 覺得散叫好過set牛 脆肉鯇幾好但多骨，但擺盤很美 魚標樣子很美非常脹，有支簽俾你don爆佢有機會彈汁 最後叫左烏冬和薯粉， 薯粉味道很好，烏冬普通有點幼小小煙un，感覺是某個平牌字 甜品叫左仙草涼粉，味道唔錯不太甜，入面仲有南瓜，香芋和綠茶小丸子極級煙un 整體還好，不過講明夠3000可有房，火煱都係要在房食感覺才好點。

住在這酒店，見評價好都想試呢間餐廳 5個人叫左5個餐再加配其它 先來麵包，味道一般 南瓜湯，麻麻地 水牛芝士蕃茄，幾好食芝士唔錯 八爪魚無試 牛柳+250轉和牛，很林幾有牛味，又無肥膩感，都抵轉 西冷牛扒有根頗失色，不過好重牛味，有咬口但唔硬，薯條鬆脆，唔差 加錢叫多個帶子，一般無乜味 另再單點羊架，非常美味，算係食過最美味的羊，非常林滑 加100有甜品，藍莓芝士蛋糕幾美味，塊nuts脆餅都好味 橙酒朱古力蛋糕，無試但應ok 再開左兩大枝酒，5個人食左近一皮 都頗貴，似終要飲酒無辦法 整體都唔錯，可再來

一早訂左位，原來都無咩人。 其實來左好幾次了，以前牛扒類選擇很多，而家只有燒牛肉和牛柳選擇，牛柳就幾oz也定左無得選。。 叫左10oz 牛柳，估唔到味道幾好播～ 不過10oz女仔未必食得晒。 肉質幾好，連medium的生熟度都計得好準，抵讚。 仲有跟個白色汁很特別很美味（忘了是甚麼汁了） 加左個洋蔥湯好清甜幾好，但來到不是很熱，上面麵包都浸的好林，估計放出來已很久但未有店員取來，而且碗邊都不太美觀！ 朋友叫左是日餐湯（羅宋湯），佢話味道還可以 不過見到有d台底清潔不足，店員話那日太多小朋友一家人來食飯，未夠時間清潔🧐 整體來講係幾好既食物方面！

見無人入去試，叫左黑椒豬骨拉麵，味道很重，其實有點過鹹但味道可以，麵質幾好是在日本食的拉麵感覺。 叉燒係就係即溶甘，但太薄啦全無口感！ 貝汁醬油拉麵是朋友食的，我試了點湯很鮮甜係有淡淡海鮮味。 加左炸雞，第一眼望落去很可愛好圓 炸皮唔錯肉質ok但鎖唔夠肉汁，無咩雞味88蚊不太值。但拉麵無咩餸算是有點肉點綴下。 巨峰同白桃SODA都幾好，好大杯 喜歡食拉麵o既呢間都係一個選擇。

唔知係咪冬天, 好多人排隊, 好彩不用等太久. 又幾好播, 之前食開銅鑼灣果間, 而家執了T_T 過海搵到好野都好^_^ 蛇羹蛇肉夠多~幾好味 跟餐包糯米飯...好抵... 加1蚊仲送蛇湯, 好鮮甜美味 脆脆足夠 $75就有三樣野包晒, 滿足超抵食~~ 好彩收到夠夜, 會再來外賣

這間店好食 、但就算無咩客出菜都非常慢。 等半小時以上叫正常 （慢工出細貨麻）。 所以如果趕時間就要注意了。 先來雞塊定食，好香炭燒味 再來炸豆腐，好味 燒茄子，好清新但有點淡味 冬菇，好好味，非常香冬菇味 次次來都必叫。靈芝菇肥牛卷，好大舊，味道很好，真不錯，但這個次次點都要30分鐘時間才到來，所以次次都係最後才吃 但抽氣方面有點問題，之前夏天唔覺甘大油煙味，冬天可能無開冷氣，成日都聞到油煙味感覺不太好。 整體來說這間係好好食，如果唔趕時間絕對可以一試

其實之前都食過烤雞, 但覺佢肉汁唔夠, 但今次再來又幾好, 有肉汁不至於乾, 水準有點參差.
今次幾好唔錯, 又抵食



再試海觧意大利飯, 可以做好點, 佢本身話係TOMATO LOBSTER SAUCE,
但我只食到芝士味, 蕃茄同龍蝦味都似有若無......


呢個名好攪笑叫面青青牛仔, 初初綠色汁有點擔心, 原來好好食係有點薑蓉味
同牛仔肉好夾, 牛肉又好滑有肉味, 這個有點驚喜


這個之前都叫過, 今次表皮炸得不太美有點林, 又係質素參差, 但內在依然好新鮮,
無想過炸魚入面都會用新鮮魚, 不是雪到無晒味既魚, 仲食到入面有魚既鮮甜味.

整體來說這間用料很好又新鮮, 煮法如果隱定D就更好了

一直想試吉列牛，香港開左就來試下 叫左$188的安格斯牛，比我想像中好，但如照店員說只燒十多秒，味道一般，但發現燒佢一分鐘以上，出晒汁隆隆地甘食，味道差好遠，很重牛肉味，雖然略有根，但燒耐左味道真不錯！ 個爐有點唔夠熱，食左半小時到就要換火 個餐都跟得幾多野，薯仔龍蝦沙津味道唔錯，但個飯非常唔得有點失望，唔知咩米來同個牛完全唔夾，不過用溫泉蛋倒入飯中會好食點。 芝士雞翼。。唔得，首先係煮唔熟，仲有點紅生生地。雖然肉很多，但芝士混合在雞肉中，既無雞味芝士味亦唔出，失敗。 不過總括來說，呢間主食吉列牛，牛質素先係最重要，所以一定會再來

本來想找CUSTOMER SERVICE 傾, 找不到EMAIL唯有寫這裡, 其實真係食左好多年花園餐廳, 但停左一段時間最後食番, 明顯羊扒唔係之前果隻, 似平時自助餐任叫果種羊扒 (可能仲差過自助餐果隻), 真心差. 我知而家市道唔好要控制成本, 但一間算係專食扒的餐廳, 將入貨的扒類質素極級下降絕非明智之舉.

這間其實在日本食左好多次, 無想過香港分店同日本味道一樣.
不過香港分店已經取消了日本這店主打的湯意粉, 而選擇加入日本沒有的牛扒餐單......
可能為迎合香港人口味.....

叫左二人餐, 沙津美味, 蔬菜新鮮不錯.

照燒雞味道很好.

雖然無湯意粉, 但普通炒意粉都非常好食, 同日本係一樣味道, 意粉質量都係一樣, 份量又充足, 真係估唔到!
綠色鮮奶都估唔到做得咁好!
綠茶喱哩好好食, 好重日本綠茶味道, 入口煙UN軟滑, 又係估唔到的味道
咖啡布甸, 我唔O岩咖啡無食, 但友人說幾好味.

總括來說, 這價錢絕對超值, 在香港食到日本的味道.....好感動..... 不過奇怪日本銀座這店時常爆滿, 但香港分店比較冷清@_@;