早兩個星期睇報紙見上環孖沙街開了正宗台灣牛肉麵
今日一個人去試咗。
Order咗台灣牛肉麵set lunch
包前菜, 飲品和一碗牛肉麵, 盛惠$58。抵唔抵由你去評！先嚟一杯唔湯唔水的台式奶茶
本來以為會有埋台式珍珠, 但sorry, 原來係冇
冇茶味, 有甜味, 有奶水咪, 好難飲
最後只飲咗三分一杯就放棄嘞！先講牛肉有三片, 其中有一片明顯未煮淋, 好難至咬得開！
其餘兩片及格, 好味的！

至於湯底有三個口味供選擇, 但我揀咗麻辣
好可惜, 只有少少辣, 但麻的感覺係完全沒有的！
原來三星用的係辣油, 所以不特止唔麻, 仲好油添呀!個前菜係要提個伙記至有得食！酸菜滷蛋味道還可以接愛

和同事嚟過好多次lunch buffet
用匯豐白金咭埋單打折後一人大約$80, 好抵！

多數會淨揀沙律一個course, 因為配料的選擇好多, 加埋餐湯同麵包, 飽晒！
可惜係沙律菜, 特別係羅馬生菜, 次次都好濕, 今次仲濕到滴水, 真係扣晒分!
沙律的菜一定要夠乾身沙律的dressing至上到, 希望餐廳可以跟進一下。

報紙睇到有任食鵝肝及海鮮自助餐, 星期五至日成人: $328
寫明有日本松葉雪場蟹、龍蝦仔、紐西蘭青口及生蠔、翡翠螺、任食香法式鵝肝、香蒜焗扇貝、燒珍寶巨蠔、燒特級牛肉......
好吸引, 一家四口即刻報名！
6:30pm坐低, 直至8:30pm走為止都冇見過龍蝦仔同香蒜焗扇貝

燒特級牛肉....唔知咩嘢咁特級...只知冇牛肉味...
不過見到buffet稀客....豬紅、豬皮、蘿蔔、大腸...真估佢唔到

燒珍寶巨蠔...over cooked, 所以粒肉變咗咁細粒生蠔都算新鮮, 但食到少少蠔殼

法式鵝肝, 都ok好味, 雖然切得細塊咗, 但真係任食, 滿足到！除了凍蝦, 仲有熱的, 都OK好味！ 試過幾次嚮Le Cafe食lunch buffet都覺得抵食，除了有Ben & Jerry's的雪糕任食，仲有橙汁同檸檬茶任飲
可惜晚餐欠奉，只包茶或咖啡一杯。
順帶一提，buffet的pizza好香脆, 可能是出品自旁邊的意大利餐廳的關係吧

酒店只提供乾的紙巾俾客人抺手...但食完蟹、蝦同螺如果有濕紙巾抺手會好好多！

食咗幾日肥膩嘢, 想食沙律清下腸胃！響IFC返工就最好去Just Salad啦
噢, 原來IFC裡面果間已經冇咗, 最後去咗環球大廈地下, 當做運動囉！
一去到已經見龍尾排到出咗個舖, 外面有7-8人, 以為會好快
點知一排......由排隊到走得足足40分鐘, 真係腳軟

以前嚮IFC食開The Club, 而家冇咗, 所以叫Pesto Chicken Paradise Salad配黑醋汁, 發掘吓其它口味
沙律的菜新鮮, 但個雞真係好dry, dry到吞唔落呀
成兜沙律只食剩d雞就放棄啦!

同屋企人嚟飲早茶, 如果唔係抵食唔會專登坐車入工廠區
星期六的早上九點, 得大約6-7枱客, 伙記同老闆娘都開咗張枱嘆緊茶
地方、杯碟乾淨, 企理先嚟籠潮州粉果, 皮薄, 個皮咬落QQ的, 好味中規中擧炸兩裡面條油炸鬼好脆口, 腸粉皮即拉, 好味！蝦餃裡面塞滿晒蝦, 抵食！最好味係糯米卷, 個皮好軟, 裡面的糯米夠味，絕對唔似翻蒸！君彩樓下貼咗張紙話7:30-11am每人食夠$13就免茶免加一！
乜而家仲有$13的茶嘆咩？
最surprise係四個人食咗7樣點心埋單都係$94!! 你話係咪抵到冇朋友吖？

朋友生日, 由於上次去又一城的Habitu的感覺良好, 所以今次想試下利園二期呢間！
個入口好鬼秘, 要穿過一間日本餐廳至去到裝修都幾靚, 十足意大利餐廳咁, 忍唔住叫咗支白酒飲！
酒的價錢由$388一支起標, 一支Moet香檳買$988先嚟一籃麵包, 配上一樽相信係自家制的番茄醬。
麵包好軟, 好味道, 以番茄醬配埋, 實在係Bravo~~一個好好的開始!!

再嚟一個意大利小食拼盤有鵝肝, 蝦, 三文魚, 帶子, 墨魚, 巴馬火腿配蜜瓜, 吞拿魚, 煙三文魚及蜆, 樣樣少少。
個蜆好多沙, 差d咬嘣牙
其它都好味道, 特別係鵝肝, 煎得香脆好味!羅馬生菜好新鮮, 西餐基本要求是也~巴馬火腿火箭菜Pizza冇上次又一城果間焗得咁香脆好味, 芝士味亦明顯冇咁出色
價錢卻比又一城貴$100, 可能地段同租金關係吧！

總括嚟講, 食物同環境都OK, 不過服務就真係有待改進啦！
第一, 我哋都未食晒d食物, 個waiter就問"仲要唔要", 明顯想收碟
第二, waiter收晒d食物就連枱上的杯都收埋, 亦冇主動問仲要唔要order吓甜品同俾杯水我哋咁, 完全係想趕客
第三, 冇叫埋單就拎咗張單嚟叫我哋埋, 當時十點都未到, 真surprise!
其實當晚全場只有6-7成客人, 亦冇人響外面等位, 點解咁急趕人走？不解！

同事勁推介呢間的三文治, 即管試試！
打電話去, 店員話平日無需訂位, 假日或星期六、日至要訂。
好辛苦至爬到上山, 索晒氣

全舖只有三張雙人枱同右邊一排bar位, 並唔迫左邊係一排麵包架Order了巴馬火腿、布里芝士、白松露油配意式脆皮包.....點知......
食食吓....點解個包冇巴馬火腿????
原來新嚟的店員, 指住"水牛山羊芝士沙律配蕃茄古老也芝士包"張相同裡面的店員order
所以唯有試吓其它的包啦！個包真係好香, 要少少牙力至咬得開
裡面的火箭菜, 蕃茄都好新鮮，山羊芝士的味都好濃。好在我唔討厭山羊&水牛芝士, 否則會昏低

另一個係煙燻三文魚忌廉芝士配60%祼麥芝麻個包冇芝士包咁香口, 但都好味！煙三文魚新鮮, 配埋cream cheese真係絕！

難怪同事咁愛呢間！下次我要試Parma ham, Brie cheese, White truffle oil, Arugula and tomato on Ciabatta!!!!

好耐冇去九如坊, 今次去見到有間新的日本拉麵店, 午餐定食拉麵或窩飯再加沙律或湯賣$56, 即管試試!Order了沙律加咖哩肥牛窩飯

個沙律都幾大碗, 菜算新鮮, 不過好濕, 明顯未fing乾, 搞到個芝蔴醬的味淡晒主菜嚟啦!! 上枱熱辣辣的確好有氣勢!!
咖哩肥牛窩飯用咗真珠米, 但d飯煲得太濕太爛
另外個咖哩汁少得濟, 可能用鐵板的緣故所以已經揮發咗掛, 食咗半個飯已經冇晒汁lu
但牛肉就好有牛肉味, 係唯一可以讚的地方

除咗個餐, 我仲想講吓價錢！
餐牌寫明$56一個午餐, 但原來埋單要俾加一! 即係$61.6!!!
茶都冇杯, 只係清水, 中環區快餐式的午餐都要加一真係少見！
我俾$70, 收銀找返$8, 毫子心照唔找....
唉, 老老實實寫明$62一個午餐咪算囉, 要俾加一, 條氣有d唔順！

同一班朋友入大澳行大運。有人推介其記的凍檸茶，話唔落冰唔驚冬天飲凍嘢會凍上加凍喎

好耐冇見過咁懷舊的櫈啦! 有朋友講笑話想"立"張走凍飲加$1, 雙拼三文治$14, 價錢算合理冇諗過杯檸檬茶已經走咗檸檬....
第一啖覺得都幾酸吓, 嗒落有少少維他錫蘭檸檬茶味, 再嗒真D真係幾好飲！難怪D朋友話入大澳必飲

約咗兩個朋友嚮又一城聚餐, 就試下！
唔駛等位，真係估佢唔到！

先來一杯Earl Grey tea latte。上到枱 唔夠熱, 有d失望...不過飲落有陣陣Earl Grey Tea的香味同好滑的奶, 補返少少分數啦 海鮮Pasta好味！Pasta軟硬度剛好, 隻大蝦燒得香噴噴, 裡面的海鮮又好味, 係隻青口un咗少少啫 牛肉burger都唔錯。炸薯條面頭灑咗少少香草, 有心思。塊漢堡扒亦唔dry有肉汁！OK架！最後, 亦係我最鍾意的就係Parma Ham火箭菜 Pizza, 好味到不得了呀!!!
Pizza的邊勁脆, 又薄喎, 食淨一片隔一陣再食都仲係好味, 抵讚！