其實一直都知道這間食肆衞生麻麻，d碗周不時痴有油漬飯漬，不過為求就腳，兆康又無咩選擇，一家大細就去吃晚餐，點知差不多食完之際，一隻超大曱甴由高處掉下到阿仔件衫處，我們當然雞飛狗走，不過整間店既職員反而反應冷淡，應該他們平常見慣不怪，不論食物質素，衞生真是嚇壞人。

睇電視推介這裡的刀削麵，一向係元朗食開刀削麵特登慕名而來嚐一嚐。

我們叫了兩碗刀削麵

1.  鮮牛肉刀削麵 $28
2.  手絲雞刀削麵 $32

刀削麵不夠彈牙，湯底普通，手絲雞跟青瓜絲一隻碟上，份量很少。
我們只可以說這裡的刀削麵沒什麼特別，及不上我們一向在元朗吃的好味。
有點失望

近來已經少買團購，因為男朋友喜歡食粥地點又近近地就不妨試下。

平日晚上人流不太多，侍應服務也不錯。

用$100購了2張$100 現金券，起初不敢抱太多希望。

叫一個人$198套餐，幸好我張團購券之前已購買，第二次團購已經不適用於套餐。先來是茄子，很野味，這次團購應該沒有買錯。再來是帶子，很大隻，不過就覺得太熟同略欠鮮味。炒麵，尚算不錯，到此為此已經飽了7-8成。等了很久之砂鍋粥出現了，原來係咁大煲....料也不少，真係出乎我地意料之外。這種粥底係有點像飯的，不是平時在粥店吃得很綿那種，加上蝦的鮮味，成煲就比我地KO左。

最後仲有甜品送，炒麵吃唔哂仲TAKE AWAY，連加一都係每人$60，抵食又好食!

因為知道間餐廳SELL左成萬個團購，知道會好難BOOK既關係，所以一早打去BOOK，不過都依然好難打得通個電話，兩個電話NO 一係無人聽，一係就唔通，幾經辛苦打通左，不過那個男職員態度真嘛嘛，講完日期時間就CUT左我線，為避有誤會，臨去食之前再打去CONFIRM時間日期，今次個女WAITER就態度不錯。

可能團購仲早關係，去到無咩人，出面都唔FULL，悠悠閒閒幾有FEEL，上次因為對個豬手餐而念念不忘，今次當然要ENCORE。

但係，今次好明顯豬手縮哂水，隻豬手細到....切到4塊肉既.....骨仲多過肉，完全食唔到之前內鬆外脆的感覺另一個主菜羊膝通炒，通粉得十幾條，我係女仔都食唔飽....雖然仲有好多其他野食，不過食完都係唔飽。

如果又要難BOOK，又要受氣，又要食唔飽，D野又唔係特別好味，咁就無下次了。

第一次購買大陸團購，團購可選三分店，胡里胡塗選了福田分店，初時以為很近福田口岸，原來還要乘地鐵和行一段路才到，對於人生路不熟的我們可算是一個考驗。

於通新岭站下車，走一段直路再過行人天橋，用了15-20分鐘就到達，這區是住宅區，沒有福田及羅湖的濟湧。

大約5:30到達，那時只有一台客，見服務員正在忙於店外開檯，晚上應很熱鬧。

我們出示團購券，只是他們內部好像出現問題，有不同WAITER問我們什麼編號。

購置內容: 我們購的是二人餐問我們要什麼湯底，初時說只有2款，下了單又說有4款可選，有點混亂。

最後我們選了:$110 來說有這樣多東西吃算不錯，而且豆漿是無糖，成壺上，可以痛痛快快地喝，我們2人就喝了一整壺。這裡的辣湯底很香，雖然有很多辣椒，只是香而不辣，我們很怕一邊食一邊滴汗，而且太辣不能吃出食物的味道。
湯內有很多牛骨，痴住少少肉，入哂味，正!

羊沒有騷味，只是嬚羊肉太肥、菜太少(可能我們比較喜歡食菜)。

不好是他們的自助醬油是沒有蓋住的，現場見有不少蒼蠅，所以不敢吃。

用HK$110食到喝到飽飽，算是有交代了。不過這裡消費也不貴，一個湯底RMB $18，羊肉RMB $3X，其他大約RMB$8-$20。

如果下次再有團購，我們會再購，不過選老街站的分店比較就腳，比較近地鐵站。

$129團購Bailey's 白朱古力芝士蛋糕 (中型)慕名芝士而購買，不過今次這個芝士蛋糕卻沒有什麼芝士味，有點失望。

初入口有點白朱古力味，繼而就是酒味，餅底因放久了而不脆了。

沒有其他食評有一吃再吃的衝動，只覺這蛋糕太平凡了，好像東海堂的還好吃一點，沒驚喜。

值得一讚是餅盒很方便打開及收埋放雪櫃，不像其他餅店打開了又要將絲帶打結才可以再放雪櫃，開蛋糕時又要將餅盒左開右開，這個打開一邊餅盒已經很方便取出餅了。

今次係我團購以來最不愉快的一次

事源初時BOOK左2011年11月11日的，不過病左所以前一天打電話取消，點知11月11日又有人打電話來問我地仲咩唔到，我講我地已經打左電話去取消了，第一感覺已經覺得好亂，心唸唔好當我食左就好了....

到左十一月尾我再打電話去約，不過已經打極都打唔通，仲懷疑緊自己有沒有被騙，打左幾十次，終於打通左，不過要BOOK星期五六日就要去到二月，最後我就BOOK左2月17日。

期間收到團購 EMAIL

預約電話於某些時段會較為繁忙，請閣下耐心等候，不便之處，敬請原諒！

特此通知，希望閣下留意。

由此可見，應該有人投訴過電話打極都打唔通。

以下係團購的內容:

•$118購買1張優惠券，於上環高級西餐廳Le Cheri Fusion Villa享用 a + b + c + d (總值$338)，毋須加一服務費 (請參閱內文餐牌)

a) 任食優質精選生蠔2小時，生蠔無限供應(已包免費醬料)
b) 是日精選餐湯1碗
c) 西式主菜1份: (5選1)
- 肉醬意粉1份 或;
- 卡邦尼天使麵1份 或;
- 雜菇燴意大利飯1份 或;
- 香檳忌廉汁伴龍利柳1份 或;
- 蒜香蜆肉意大利麵1份
d) 飲品1杯: 咖啡/茶

• 鄰近港鐵上環站A1出口,交通方便 。

大家請留意最尾個項，鄰近港鐵上環站A1出口,交通方便

不過個日我地由上環地鐵站行左25分鐘才上到去，而且餐廳位於半山，足有45度角，行到上去已經上氣不接下氣，不過都算了.....希望D食物OK就可以啦.....

好戲在後頭!!!

我地出示團購COUPON，佢地竟然說我沒有BOOK位，而且說我地係11月11日已經食左!!!!

我好肯定同佢地講，我早幾個月之前已經BOOK左，而且個时我已經一早打電話取消左，我都有D唔好耐性，山長水遠上到來，竟然充換到這樣的結局，比錢貼難受!!!

最後個WAITER 細細聲說，個時情況混亂，D人已經炒哂，盡快安排個期比我，因為個日已經FULL BOOKING，咁樣我都沒有法子，唯有下星期五再來。

餐湯: 栗米白湯，罐頭質素，等了15分鐘才送到。

生蠔: 澳洲，細細隻
FIRST ROUND 於20分鐘送到，是即叫即開，無疑很鮮

我地再ORDER 第二ROUND，WAITER說ORDER 20分鐘之內會送到，第二ROUND真的再等20分鐘就到，不過最ORDER 第三ROUND，就等左半個鐘

食左3ROUND後，WAITER 就問我地仲有無野ORDER，感覺好趕人走咁，其實我地都唔會叫第4ROUND啦....主菜: 雜菇燴意大利飯 及 蒜香蜆肉意大利麵飯份量很少，意大利麵就比較很大牒! 不過餸也很少，蜆肉細得可愛! 驟眼看，還以為沒有餸。味道也只不過是快餐店質素。

如果計只吃生蠔，大約$14一隻，$14x 9隻=$126，這餐算是值回票價，不過山長水遠又受氣，那就沒有下次了。

另外，很可笑是隔離2人檯只來了一個湯，個客問係唔係漏左，個WAITER說因為唔夠碗，要洗番才來，真係唔明點解一間餐廳可以連碗都缺，那天餐廳最多只有25人!

餐廳其實很細，WAITER 也不多，根本不能應付5000個團購，安排得不好，反而做衰左個名，弄巧成拙!

又團購，今次是位於葵方劇院外面的意大利餐廳

本來兩個月之前book左星期五，點知撞正annual dinner，唯有提前一天吃，好彩一星期前改星期四仲有位

8:30 到達，入面waiter 好似好忙，企左係度無人理。之後好匆忙咁安排座位，想下單又好難找waiter，環顧四周，其實唔算多人，只是waiter太少，waiter 顧住執檯.....

bread.... 不錯，沒有給油及醋，叫waiter 取又忘了，waiter 忙於遞餐。

紅湯: 好細碗，好彩團購好多野食，不過不失

前菜:
1. 煙三文魚多士: 好鮮好味

2. 生牛肉: 生生地，連埋沙律一起吃仍可接受，不過見隔離兩檯都唔ORDER

雲吞: 麻麻地，硬硬的

主菜:
1. 豬手: 外脆內嫩，勁熱，外皮脆到好似食乳豬皮

2. 羊膝肉好淋，好正

隔離檯叫了另一個餐小牛排，真的很細件，3-4口可食完，睇之前食評都說份量太細所以沒有叫。

甜品:乳酪及泡芙 : 一般

飲品: 橙汁, 氣酒: 一般

$58 +$20(加一服務費)=$78 食左咁多野， 抵食同好飽

因為book星期五，所以預早兩個月之前book，買團購就係咁。

之前睇食評，知道有額外收費，一心無期望，點知又無想像中咁差

下午有人打電話同我confirm時間，如果late 15 min就唔會幫我hold住張檯。

提前5min 到達，不用等已經安排好座位。

waiter 問我地加唔加$10要前菜加醬油，問佢係什麼前菜，可能佢係新來說唔知轉頭覆，今次係玉子豆腐所以無要。
這個有改善，起碼唔會好似之前食評咁講唔出聲另加收費。首先來是刺生，好新鮮個沙律都好好味，比我男朋友搶左一半。唔知係唔係食第2場，又唔似之前食評講d食物會一次過黎哂趕收場。

個飯同烏冬唔記得影相，可能個飯真係一早炒定哂，有少少涼.....同埋肉有d硬

燒烤料: 不過不失，牛肉自己唔識燒，有D燒得硬得濟，有D肉又肥左D，不過都OK 好食，唔可以EXPECT 太高 總結: 可能逐碟逐碟慢慢食，逐件慢慢燒，初時真係唔覺飽，反而回到家落左隔就覺飽，以$78 + $33.4=$111.4 食左咁多野連加一，都算係抵食

用團購$20買$40，就試下

1. 山楂布丁$31

味道很特別，幾好味，只是份量太少2. 芒果班CAKE

芒果很酸，可能不當做，當中CREAM 又沒有其他食評中幼滑，不過不失如果無團購，應該唔會再下次