Café 100 by The Ritz-Carlton (尖沙咀)

第一次來到Cafe100吃下午茶，這間餐廳位於Sky100裏，位置比較開揚，重點是可以於100樓（海拔393米）看著大海景食下午茶呢。

Tea set架是仿照Sky100的外形設計，充滿玩味特色❤️

Cafe 100 聖誕節下午茶 （週末$668/2位，平日$598/2位）

咸點分別有：
❤️燴栗子意式芝士撻
❤️紅菜頭醃漬三文魚迷你三文治 配三文魚子及檸檬醬
❤️栗子火雞蛋餅
❤️法式鴨肝慕絲配洛神花包及小紅莓果醬

甜點分別有：
❤️蒙布朗忌廉杯
❤️蛋酒咖啡慕絲蛋糕
❤️英式鬆餅配士多啤梨果醬及奶油忌廉
❤️朱古力櫻桃撻

這裏的食物是由 Ritz-Carlton提供，食物整體質素不錯。
咸點中個人最喜愛法式鴨肝慕絲配洛神花包及小紅莓果醬，鴨肝外表看起來像炸過的，但食起來是很酥軟，而且味道香醇；甜點方面個人最喜愛的是朱古力櫻桃撻，因為濃郁黑朱古力的香濃口感恰巧中和帶有酸甜味的櫻桃醬，但又各有特色，不會喧賓奪主。

飲品方面，因為想拍照，所以點了是日冰茶及泡沫咖啡，是日冰茶是百香果味，味道清爽又帶一點酸，杯身印有Sky100的圖案，而泡沫咖啡味道挺濃郁，表面還印了Cafe 100呢。

今次選擇了下午4:00來用餐，因為可以食到晚上6:00，順道看看日落景色。

鐵板燒海賀 (尖沙咀)

今次來了一間位於19樓既海景餐廳，可以一邊望住靚海景，一邊嘆美食。

點了這裏最豪華的午餐：
鐵板龍蝦二人套餐 $1380


沙律：
清新既油醋汁配新鮮蔬菜挺開胃

前菜：分別有蒸蛋及冬瓜，蒸蛋裏面有銀杏及蝦粒，而醃冬瓜食落冰冰涼涼又濕潤，感覺好消暑

刺身三點：帶子、三文魚、油金魚

南非鮑魚
用到南非鮑魚，師傅好細心，上桌時已經將鮑魚分為3份，鮑魚食落質感軟熟又不失其彈牙的口感，配上特製的紫菜蠔汁（用新鮮生蠔加入紫菜湯熬製而成），味道更咸香細膩，另外鮑魚肝經過處理也可食用呢。

西澳龍蝦：
龍蝦已經拆左肉出黎，食落啖啖肉，配上濃郁而帶有牛油香的龍蝦汁，另外還加入了黑椒，帶一點辛辣感又減少了油膩感，蝦頭都仲有肉同膏食。

美國牛柳：
牛柳方面師傅建議食5成熟，黑松露醬配牛柳好惹味，第一次試配西洋菜一起吃，感覺更清新，另外拌碟有自家製蒜片。


炒飯：
可選配和牛，我就選了和牛炒飯，炒飯加入蛋及和牛碎並炒得好乾身，個人建議可以加上美國牛柳的黑松露醬及蒜片一起吃會更惹味呢。

味噌湯：油豆腐海帶味噌湯

漬物：
蘿蔔漬，紅酒蕎頭（用紅酒浸）

甜品：綠茶cream配芝士蛋糕

跟餐的飲品選擇都比想像中多，除了可選咖啡latte及茶，另外更多了奶茶及朱古力。

另外加點了2款特式飲品：

Fruit Berry Punch $108
估唔到做裝飾既berr（Raspberry+Blueberry）咁清甜，飲品酸酸甜甜又色彩繽紛，岩哂打卡

Refreshing Lychee $108
帶有荔枝清新口感，又不失薄荷葉的清新

總括而言，這裏的地方坐得舒適又有靚景真不錯，而且食物水準又高，食物份量都比預期中大，午市食這個套餐每人大約$700性價比也是很高的。

Mano (觀塘)

趁著放假的日子，來到觀塘海濱長廊旁邊的新商場食個悠閑午餐。

這間餐廳位置比較開揚，餐點選擇不少，基本上意粉、薄餅及一些肉類、以及甜品等都一應俱全，而且價錢挺實惠。

黑松露蘑菇扁意大利麵 $88
一上碟就嗅到一陣黑松露及菇菌香氣，而蘑菇份量很足，手工麵條質感比較有煙韌有嚼口。

意式辣肉腸薄餅 $118
一片薄餅分為4份，手工薄餅的質感好軟熟，配上新鮮蕃茄醬及帶微辣既辣肉腸，味道酸酸辣辣又有點juicy，挺開胃、惹味。

另外分別加了$12要一個餐湯及前菜沙律，餐湯是有滿滿南瓜蓉的湯，而沙律菜是感覺每一塊菜上都混合了油醋及芝士。

餐廳地方雖然不大，但感覺乾淨企理，而且食物價格的性價比高，基本上每位不用$200就可以吃飽及食到高質手工薄餅、意大利麵，值得一試。

NIRAS (尖沙咀)

Fine dining 餐廳就試得多，但係泰式既fine dining都係第一次試，今次食既呢間聽聞係「亞洲50最佳餐廳」榜首Le Du 。

今次同朋友食四道菜既餐：
4-Course Delighted Tasting Menu $1080
❤️AMUSE-BOUCHE
4件前菜小食分別有兩個泰色沙律撻，一個炸芋蓉及魚肉他他，主要是酸甜香口。

❤️PRAWN | SEAWEED | SPICY BEETROOT
爽口既大蝦配上帶有酸辣味既甜菜頭汁，味道令人聯想起泰色生蝦。

❤️OYSTER | THAI SICHUAN PEPPER | NORTHERN SPICE
蠔既質感肥美飽滿，入口creamy。

❤️AMADAI| THAI KALE | CHOO CHEE CURRY
金鯛魚表面連著炸魚鱗幾特別，而肉質依然保持滑嫩；另外有由4種魚肉做成既魚肉餅、配上濃郁既紅咖哩汁好惹味。

❤️CRAB I MUSHROOM | HOMEMADE SIRACHA
蟹肉飯配蟹膏、另外可自行配搭橄欖醬或是拉差辣椒醬，每一啖都食到滿滿既蟹肉，感覺滿足。

❤️SIGNATURE GRILLED LOBSTER （+$680）
By Le Du
龍蝦肉口感紮實肉厚，配香濃冬陰功汁加炸蛋碎充滿泰式風情；第一次見紫莓飯，其質感及味道同紫糯米相若，但更軟身。

❤️WAGYU | FENNEL I HOlY BasIl
煮至4成熟既日本和牛質感軟熟不帶血水，入口即溶既口感很棒。

❤️餐牌上沒有的Pre dessert 「洛神花雪皅，士多啤梨粒粒」，味道有少少以山楂，酸酸甜甜既感覺幫助清洗味蕾，迎接下一道菜式。

❤️MANGO | STICKY RICE | LEMON
由黑糯米做成既煙韌糕底，配上香滑奶香味既芒果雪糕，味道順滑煙韌。

❤️飲品方面，今次就點了Mocktail Mekong River，裏面有桂花、荔枝同檸檬梳打，味道清新又清甜，和味道濃郁嘅菜式成對比。

❤️PETIT FOUR
今次由4道前菜打開今次既味覺之旅，同時亦以4款甜品包括香濃既榛子焦糖撻、軟糯既椰汁香蕉糕及酸酸甜甜既火龍果及石榴作完滿收尾。

總括而言，整個用餐體驗感覺不錯，可以試到與別不同既泰國菜式。

嘆甜品 (屯門)

夏日炎炎經常都有想食甜品、雪糕的念頭，今次就來了這一間位於屯門的甜品店。

店內雖然沒有貓，但卻有好多有關貓的公仔、擺設及畫作，如果喜歡貓的人應該快會挺喜歡的。

點了招牌甜品鐵觀音茶醬麻糬窩夫配雪糕（$78），這個甜品表面粉紫色的蝴蝶形糯米紙，帶有一種Barbie風，挺適合女士打卡的。

想不到加$2就可把雪糕轉為榴連味，榴連雪糕帶有淡淡榴連香，不會蓋過鐵觀音茶醬的味道。

此外，個人挺欣賞旁邊分開放的鐵觀音茶醬，這樣就不會影響窩夫的軟硬度，而且鐵觀音茶醬濃厚幼滑，茶味挺濃，甜度與苦澀度恰到好處，大概不愛吃甜的人也適合吃。

另外麻糬皮及窩夫是分開的，所以份量、比例可自由調配，麻糬皮煙煙韌韌，配搭窩夫及鐵觀音茶醬一起吃好滿足，這個份量一個人吃就已經好夠飽，下次有機會都想試一下他們的鹹點。