今日為咗慶祝同事生日，lunch時去咗 迎 飲茶，為免無位，仲故意早兩日book定，點知...大失所望。

1. 無樣嘢好食
e.g. 鮮杏片芋棗-竟然有強烈嘅油"益"味，一入口仿佛係臭咗一樣。

2. 名不符實
e.g. 鵝肝波斯球-由於唔知係咩，所以點嚟試吓，估唔到只係薯蓉包住啲菇，再炸成球，請問啲所謂嘅鵝肝呢？

3. 份量細少
e.g. 排骨陳材粉-得五粒排骨，而每粒排骨(連骨磅)都不足5g，最爆笑係用隻7寸碟裝，但係成份嘢夾埋晒都唔知有冇3寸範圍。

4. 服務員...唔識點講呀
e.g. 當上述嘅"鮮杏片芋棗"上枱時，我哋問佢"請問...呢個係咩嚟架?"，服務員答"芋...芋芋....嗚~"....跟住走咗。 做咩呀? 唔知咪話唔知囉。

早幾日同朋友喺銅鑼灣想搵個地方飲嘢、傾計
無意間發現 人民公社 所以上去睇一睇環境

上到去發現有一大部份係露天嘅open area，可以食煙，啱晒。
雖然係4樓，但係街聲唔係好傳到上嚟，唔嘈，可以傾計，仲啱。

我同朋友都點咗生啤，仲叫咗一份 buffalo wings 送酒

buffalo wings 入味但唔太辣，正

環境簡單但有格調，而且唔嘈，所以好喜歡。

剛剛落街"蛇王"嘅時候發現多咗間奶茶檔
個格局似簡化版嘅 StarBxxks 咁

我即管點咗杯signture嘅Tea Latte試吓
本來想要"走甜"嘅...但係師傅建議落少少甜"調吓味"會好啲
所以...就少甜啦~

口感唔錯，因為無茶廳奶茶嘅苦澀味，所以對我嚟講淡口咗少少，但係奶味同茶味都好清香，aftertaste好舒服。

早幾日同朋友想搵個好地方傾嘢順道食餐好嘅...睇介紹覺得呢間法國菜唔錯...所以即管嚟試吓。

麵包配合自家製嘅特色牛油...真係唔錯...食吓一個...食吓一個...差啲就咁就食飽咗...哈~
朋友點嘅磨菇湯...香、濃...飲到最後一啖都仲係一樣溫熱、好味...驚喜！
比起我點嘅洋蔥湯出色。
主菜...朋友點嘅安格斯牛...好味，口感相當唔錯，但略嫌肉汁不足。
我點嘅羊扒比較好，香但唔太羶。
甜品...紅酒燴梨...清甜...好味...必食！！

其實本人嘅住址同 海馬 有啲遠...步行都要成十幾二十分鐘
所以佢哋肯送嚟已經令我好驚喜

我幫襯過佢哋嘅早、午、晚餐

基本上全部都好OK

特別強烈推介佢嘅炒嘢 (尤其炒飯) 好夠鑊氣、乾身...正！

另外，魚香茄子飯都相當唔錯...值得返單！